biblosvivos

Exposición do “Catálogo de best-sellers imaxinarios”

2012-02-12T18:11:00.000+01:00

Unha das actividade desenvolvidas durante a formación de usuarios que levamos a cabo no primeiro trimestre, consistiu en pedirlle aos alumnos/as que deseñasen a portada dun libro (novela, libro ilustrado, banda deseñada, divulgación, xuvenil,... en galego ou castelá), do que deberían inventar ademais o título, e o autor/a/es. Posteriormente tiñan que catalogalo e poñerlle o tellolo correspondente.

O resultado dos traballos superou as nosas expectativas polo que decidimos mostralos a través dunha exposición, como xa adiantabamos na entrada anterior, titulada "Catálogo de best-sellers imaxinarios" e que se atopa no corredor, xusto diante da nosa biblioteca.

Para os que non a podades visitar in situ, aquí vos deixamos unhas fotos.

Pero o deseño non é o único que se lle dá ben ao noso alumnado, e para mostra vos deixamos as tres DEFINICIÓNS de BIBLIOTECA que escolmamos, das obtidas durante a formación, por seren as que máis nos emocionaron.

“A biblioteca é un sitioonde os libros invaden a imaginación dos nenos”

AlexandreGesto Romero. 1ºA

“ A biblioteca é unmarabilloso lugar onde vivir aventuras entre un gran mar de fermosas letras".

AlejandroRomero Veloso”. 1ºB

“Unha biblioteca é como unconto cheo de letras hermosas que te atrapan dentro dela".

Yéssica Bras Sanjuán 1ºB

Begoña Caamaño pon o anel de Palova

2012-02-10T12:03:00.001+01:00

Onte o club de lectura de profes "O anel de Palova" vestiuse de gala coa visita de Begoña Caamaño, autora de "Circe ou o pracer do azul". A escolla do libro xurdiu por unha das recomendacións do Marzo en feminino do curso pasado.

O pracer foi, realmente, dos asistentes, que gozamos coa simpatía e proximidade de Begoña. Escoitáronse moitas e diferentes versións da obra. Xurdiron reflexións sobre os afectos, as relacións, os mitos, a súa actualidade... Aprendemos que un libro mellora cando o compartes. Moitas grazas, Begoña, foi un pracer de todas as cores!

Formación de usuarios da Biblioteca Escolar

2012-02-09T13:50:00.000+01:00

Formación de usuarios on PhotoPeach

Este curso, unha das nosas prioridades eraestablecer a Formación de Usuarios deBibliotecas para todos os niveis da ESO.

Como tiñamos planificado, foi impartida no1º trimestre polas profesoras da Comisión da B.E. coa colaboración voluntariade varias profesoras e a presenza dos titores/as :

- Os grupos de 2º, 3º e 4ºforon formados en 3 sesións cunachegamento ao esencial sobre a CDU, a organizacióne instalación dos fondos da nosa biblioteca, dos servizos que prestamos, sobre o contido dos blogs, etc;tendo como resultado unha valoración moi positiva por parte do alumnado, se benbotaron en falta máis sesións prácticas.

- Os grupos de 1º asistiron ássesións na biblioteca, acompañados dos seus titores/as, nesta actividadeprogramada para un trimestre na hora semanal do Print; pero como comezamos amediados de outubro, aínda seguen co traballo da 2ª unidade sobre Formación Documental guiados polos seustitores/as. Valoraron a formación como interesante,práctica, necesaria, entretida, dándolle a coñecer un mundo ao que agora seachegan co entusiasmo e a seguridade que dá o coñecemento dos seus usos,funcións e actividades, tanto no espazo real como no espazo dos blogs da B.E. edo Club de Lectura, onde algunhas das cousas que botaron en falta foron xogoseducativos e máis música, e chamoulles moito a atención o kiosco de prensa, osaudiolibros, o acceso ao catálogo da biblioteca, a trastocada vida da Fantasma Cali (moradora perpetua daCalixtina) e moitas das actividadespasadas, onde comprobaron que os seus antigos compañeiros/as e nós o pasamosmoi ben participando delas.

A verdade é que quedamos moi satisfeitasdo traballo realizado e agradecemos a boa predisposición xeral; sen olvidar facerextensiva a formación entre o profesorado tamén -¡no caso de necesitala!-. Asías cousas, conseguimos acadar un mellor e maior funcionamento dos espazosbibliotecarios, que son múltiples e de todos nós.

Só engadir que para o próximo curso estamos ampliando o noso coñecemento sobre “Educación Documental Dixital”, que vosofreceremos para saber máis e máis, neste mundo tan amplo que parecera non terlímites…

Ah!, e nondeixedes de ver a

Exposición do “Catálogo de Best-sellers Imaxinarios”

magníficamostra de aprendizaxe e inventiva que vos mostraremos na próxima entrada de formación de usuarios.

Concurso: O amor na rede

2012-02-07T12:49:00.000+01:00

Bases Do Concurso Amor na rede

Alicia Borrás visita o noso centro.

2012-02-04T13:39:00.000+01:00

Alicia Borrás Sanjurjo, autora de Nata y Chocolate, visitounos o xoves 2 de febreiro, para falar do seu libro, pero iso non foi máis que unha desculpa para encher todo o noso instituto de cariño, caricias e apertas. Non podemos definir o acto de charla porque desde o mesmo momento en que entraron os alumnos de 1º da ESO no salón de actos houbo un intercambio verbal constante entre autora e lectores. Porque os presentes, lectores/as entusiastas do libro, expuxeron opinións e dúbidas sobre o libro, que Alicia foi respondendo tal e como é ela, entusiasta, sensible, cariñosa, rebosando paixón pola lectura... Todo rematou cun intercambio de apertas e asinando libros aos seus entusiastas lectores, agora xa fieis seguidores que esperan ansiosos a publicación da segunda parte de “Nata y Chocolate”.

FICHA DE LECTURA:

Título: Nata y chocolate.

Autora: Alicia Borrás Sanjurjo.

Ilustradora: Anuska Allepuz.

Editorial: Anaya.

Colección: Sopa de libros.

Lugar de publicación: Madrid.

Ano de publicación: 2010.

ARGUMENTO:

O libro relata o acoso escolar que sofre Sonia, unha rapaza albina de once anos. A situación vai mudar coa chegada dunha nova profesora, Inés... e non vos imos destripar máis, se queredes ler o primeiro capítulo premede AQUÍ.

Tamén len... con Rubén

2012-02-03T11:29:00.000+01:00

Na sesión do Tamén len de xaneiro tivemos con nós a Rubén Rodríguez, o noso benquerido administrativo que nos veu ler un relato curto de Edgar Allan Poe titulado "Silencio".

Silenciosa foi a nosa escoita, mentres Rubén, cunha potente e suxestiva entoación, conseguía poñernos a pel de galiña con tan terrorífica lectura.

O posterior coloquio serviunos para coñecer máis a fondo ao noso compañeiro; qué tipo de alumno foi el no instituto, cómo se aprecia o ambiente do Centro desde a secretaría e as súas afeccións: a música, o deporte (sobre todo correr) e a lectura. Contounos que lle encanta tocar a guitarra e compoñer as súas propias letras, que ás veces lle engade outros sons e grava as mesturas e confesounos que aínda que actuou en público algunha vez, lle pode o pánico escénico.

Foi un gran pracer escoitarte, Rubén! A próxima vez queremos, ademais, un concerto. Moitas grazas.

Los fantásticos libros voladores de Mr. Morris Lessmore

2012-01-28T21:09:00.000+01:00

Vía Trafegando Ronseis

"The fantastic flying books of Mr. Morris Lessmore" de MoonBot Studios é unha das curtas nominadas para os Óscar na categoria de Curtametraxe de Animación. Dirixida por William Joyce e Brandom Odemburg é, ante todo, unha declaración de amor aos libros e a lectura.

Ademáis, Apple ten á venda a versión en ebook interactivo para iPad, feita por un antigo membro de Pixar presenta unha calidade fantástica.

The Fantastic Flying Books of Mr. Morris Lessmore iPad App Trailer from Moonbot Studios on Vimeo.

Memorias dun neno labrego en 3º ESO

2012-01-19T16:04:00.000+01:00

O vindeiro 2 de febreiro o alumnado de 3º da ESO asistirá en Vigo á representación da obra "Memoria das memorias dun neno labrego" baseada na obra de Neira Vilas.

Os que xa lestes o libro, que vos pareceu?

Deixamos un vídeo cun anaco da representación e os merecidísimos aplausos finais a Cándido Pazó ao remate da súa actuación o ano pasado en Ourense.

Tamén len con... Quico

2011-12-20T17:21:00.000+01:00

Na última sesión do noso Tamén len de 2011 tivemos o pracer de contar cun exalumno, Quico, que se atopa actualmente cursando o Ciclo Superior de Música na Coruña pola especialidade de Percusión. Quico é integrante da Banda Municipal de Música de Salceda e da Orquestra Xove da Sinfónica ademáis de tocar noutros grupos no seu tempo de lecer.

Como prólogo, Mar de 2ºC, deleitounos cunha peza ao clarinete.

Mar toca na presentación do Tamén len de Quico from biblosvivos on Vimeo.

O relato "Un saxo na néboa" do libro "Que me queres amor?" de Manuel Rivas foi o escollido para esta sesión tan músical. A continuación, coma sempre, veu o turno das preguntas que resultou ben animado e interesante. Quico falounos do que é para el a música, do sacrificio que require pero tamén da recompensa de facer algo que lle gusta, das súas experiencias no extranxeiro , do poder da música para unir persoas e deixounos con ganas de ler "Musicofilia", de Oliver Sacks, o seu libro favorito.

Moitas grazas por acompañarnos, Quico, foi un pracer!

Entrada 200: Libros e librerías

2011-12-16T11:00:00.000+01:00

Aínda que con demora por problemas técnicos, por fin publicamos estaentrada para falar das características e circunstancias das Librerías quesoemos frecuentar en Vigo e Pontevedra, onde nos surtimos dos libros queutilizamos na nosa B.E.

Para facer esta homenaxe, nada mellor que estas datas, pois o venres 25 deNovembro celebrouse o “Día das Librerías” por primeira vez en toda España (agás en Catalunya), onde sepromoveron descontos e organizaron diversos actos festivo-literarios, con moitopúblico asistente.

Por outra banda, resta dicir que con ésta, celebramos a entrada 200 no noso blog.

¡Noraboa por todo este traballo!

A coordinadora da BE.

LIBROS E LIBRERÍAS

View more presentations or Upload your own.

A Biblioteca Nacional de España cumpre 300 anos!

2011-12-13T10:00:00.000+01:00

A BNE está de aniversario, nada máis e nada menos que trescentos aniños!! Para celebralo, aquí vos deixamos unha presentación cun breve resumo da súa historia e dos actos de celebracion que van organizar ao longo de todo o 2012.

MOITÍIIIIIIISIMAS FELICIDADES!!!
tricentenario da BNE

1ª Reunión do club de lectura "O Anel de Palova"

2011-12-05T12:53:00.000+01:00

Quen pense que é fácil poñer data para reunir aos vinte profes que formamos parte do club de lectura equivócase. Tras un cruce intensivo de mensaxes para acordar data, horario, lugar, menú (as xuntanzas pretenden ser gastronómico-literarias) e posibles actividades complementarias, finalmente nos reunimos o martes 29 no restaurante do Museo do Mar en Vigo, ben cerquiña do mar. Por suposto, no menú non faltaron os mexillóns.

No Día Mundial contra a SIDA recomendamos Futuro Imperfecto

2011-12-01T10:30:00.000+01:00

O día 1 de decembro é a data na que celebramos O Día Mundial da Loita contra o SIDA. Na presente edición o lema é "Chegar a cero: cero novas infeccións por VIH, cero discriminación e cero mortes relacionadas coa SIDA". Oxalá que o lema se converta en realidade moi pronto!

E non quero deixar pasar esta data sen facervos unha recomendación literaria sobre o libro de Xulia Alonso "Futuro imperfecto".

Xulia cóntanos en primeira persoa a súa historia e a da súa parella que morreu de SIDA hai anos e, por extensión, a historia dunha xeración que despertou á xuventude estreando democracia, que descubriron as drogas como un acto máis da liberdade que estaban a inaugurar e que se atoparon de pronto cunha enfermidade terrible e descoñecida que os diezmaba en medio da ignorancia e a discriminación.

O texto reflicte a necesidade de Xulia de non esquecer e a arela de poder transmitirlle á súa filla a memoria do seu pai e da súa historia en común.

É, sen dúbida, unha historia conmovedora que non sensiblera sobre os vínculos (familia, amor, amistade) que son os grandes alicerces que nos manteñen en pé e polos que merece a pena seguir adiante.

Tamén len con... Martín Acuña

2011-11-29T12:30:00.000+01:00

O luns 21 acompañounos, na nosa sesión mensual do Tamén len, Martín Acuña Vaqueiro, coordinador das Escolas Deportivas de Salceda.

Martín leunos un fragmento do libro "Once minutos" de Paulo Coelho, onde a protagonista lembra un episodio do seu pasado, o da descuberta do amor e a entrada na adolescencia.

"María entonces empezó a creer que el mundo era demasiado grande, el amor algo muy peligroso, y la Virgen una santa que vivía en un cielo distante y que no escuchaba lo que los niños pedían".

Posteriormente, e despois de responder ás vosas preguntas, concedeulle unha entrevista a tres dos nosos MQs que reproducimos a continuación.

MQs: Cal é o teu libro favorito?

Martín: Teño varios, "Resistencia atómica" de Vladimirov é un deles.

MQs: Por que elixiches ese libro? Que te chama a atención do autor?

Martín: Porque me gusta moito o autor. Paréceme unha persoa moi directa, tanto cando se dirixe a nenos como a adultos.

MQs: En que consiste o teu traballo?

Martín: En coordinar as actividades deportivas no concello.

MQs: Cantos anos levas neste traballo?

Martín: Trece anos.

MQs: Gústache?

Martín: Moito.

MQs: Cal é o deporte que máis che gusta?

Martín: O balonmán.

MQs: Canto tempo lle adicas o teu traballo?

Martín: Sobre oito horas, un pouco máis.

MQs: Canto tempo se lle adica ao deporte na túa escola deportiva?

Martín: Dous días de adestramento e un de partido.

MQs: Cal é o deporte de máis éxito?

Martín: O fútbol (65% do alumnado).

MQs: Cal é a túa relación co alumnado do noso IES?

Martín: A moitos os coñezo por ser veciños e a outros polas Escolas Deportivas.

MQs: Como definiría o nivel das nosas Escolas Deportivas?

Martín: Alto.

MQs: Para rematar, en que idioma les máis: galego ou castelá?

Martín: En galego.

MQs: Moitas grazas.

Karen Engster, Sofía Carracedo e Iria Alonso 3ºA

O noso alumnado con "Pelos na lingua"

2011-11-27T22:06:00.000+01:00

Ao igual co curso pasado, o Departamento de Normalización Lingüística do noso centro, acordou traer ao Auditorio Municipal de Salceda de Caselas, en sesión matinal para o noso alumnado, unha representación teatral da compañía Talía Teatro.

Dirixida por Avelino González e interpretada polos actores Artur Trillo, Toño Casais e María Ordóñez, a obra deste ano titulada "Pelos na lingua" consistía nunha serie de sketchs que falaban dos usos e abusos da lingua galega.

O xoves 24 foi, por tanto, unha mañá diferente, na que abandonamos por un par de horas as aulas para mergullarnos nesa outra aprendizaxe cultural necesaria que ademais conseguiu arrincarnos máis dunha gargallada.

La vuelta al mundo de un forro polar rojo

2011-11-23T11:00:00.000+01:00

Título: "La vuelta al mundo de un forro polar rojo".
Subtítulo: Pequeña historia de la gran globalización.
Autor: Wolfgang Korn.
Ilustracións: Birgit Jansen.
Editorial: Siruela.
Lugar de Publicación: Madrid.
Colección: Las tres edades.
Ano de publicación: 2008 Berlín.
Publicado en España: 2010.
Premios: Premio ao mellor libro xuvenil de divulgación científica en Alemaña.

Sobre o autor: Wolfgang Korn naceu el Lünen, Alemaña, en 1958, estudou Historia, Ciencias Públicas e Periodismo. Vive en Hannover e colabora como periodista para revistas e xornais como GEO e DIE ZEIT.

A medio camiño entre a experiencia persoal, o traballo de campo, o periodismo de investigación, a divulgación e a testemuña crítica, está este xogo hipotético -que ben podería ser real- que o autor artella para levarnos a unha viaxe polos trastocados miolos do comercio internacional, a producción e as condicións laborais: dende o petróleo de Arabia, pasando pola industria téxtil do Sur de Asia, a conexión con Alemaña, ata chegar ás costas de África e finalmente ás Illas Canarias a bordo dun cayuco. Será no último capítulo onde o autor nos convoque para preguntarnos: cómo podemos cambiar entre todos o final deste relato.

O alumnado de 3º ESO do PDC está a lelo actualmente e logo o fará o de Obradoiro de Iniciativas Emprendedoras. Gustaríanos que compartísedes con nós as vosas impresións.

Vas ir ver "Amanecer"?

2011-11-18T12:01:00.000+01:00

Ficha técnica
Director: Bill Cordon
Productor: Wyck Godfrey.
Guionista: Melissa Rosenberg.
Autora: Stephenie Meyer.
Director artístico: Lorin Flemming.
Director de fotografía: Guillermo Navarro.
Vestiario: Michael Wilkinson.
Distribuidora en España: Aurum Producciones.

Reparto protagonista:
Edwar Cullen: Robert Patinson.
Bella Swan: Kristen Stewart.
Jacob Black: Taylor Lautner.

Hoxe chega aos cinemas a primeira parte de "Amanecer" o derradeiro libro da saga Crepúsculo. Tedes pensado ir a vela? Se é así, esperamos que nos deixedes aquí a vosa opinión.

INCIPIT LIBER

2011-11-15T10:30:00.000+01:00

Cando soubemos do roubo do Codice Calixtinus, todas as compoñentes deste equipo de biblioteca sentimos un arrepío, pola desaparición de ben tan preciado e polo que estaría sentindo o noso benquerido excompañeiro, pero sempre amigo, José Luís. Tan pronto como comezou o curso, Paula pediulle que nos redactase unha entrada para o blog sobre tan pesaroso suceso e José Lúis foi máis aló, escribiuna para nós e para enviar aos xornais. Aquí vola deixo.

Señor director, situémonos no tempo coa axuda domestre Machado: “Mediaba el mes de Julio. Era un hermoso día” tamén mediabaXullo máis o día resultou dos aciagos de verdade. Uns “mangutas” por nonempregar termos de groso calibre, aliviaron o oito veces centenario “arquivo dotrasno” catedralicio de Santiago da súa xoia máis preciada, o Codex Calixtinusou Liber Sancti Iacobi, coa Historia Turpini e tantas outras historias e marcasde grandeza que por amor da brevidade serían: primeira guía turística-espiritualde Europa. Relatorio dos milagres do Señor Santiago Zebedeo. O primeiro textomusical polifónico (tres voces) de Occidente.

Facemos una derivada. Todo o mundo coñece, ten oídofalar ou visitou a Capela Sixtina (Roma-Vaticano) cos frescos de Miguel Anxorestaurados con primor. Medio mundo coñece, ten oído falar ou visitou aBiblioteca Alexandrina (Exipto) recreada na modernidade cunha soberbia obraarquitectónica. Quén coñece, ten oído falar ou visitou a Biblioteca Calixtinado IES Pedras Rubias de Salceda de Caselas, blog biblosvivos.blogspot.com.Pois deberían. Foi nese novísimo instituto un 24 de Outubro de 2008 cando ensesión académico-festiva bautizamos a bilblioteca escolar co onomásticoCalixtina en honra do Códice e, digámolo baixo, pola proximidade fonética deCelestina, a mala malísima heroína do Renacemento español. Por iso nacomunidade escolar sentimos desgarro e oprobio, e a súa pantasma “Cali” ninlles conto; a pobre fai o que pode. Nas noites de novilunio, cando non se miraunha elefanta asiática embarazada de xemelgos a tres pasos, ela fai rondas ecatas e pescudas en paralelo coa policía especialista en roubos de obras dearte. Pero non da feito, que non é máis que unha pantasma bebé. Así están ascousas. A desaparición se agranda e se agrava. Estamos “confiantes”, como dinos portugueses, que o Códice volverá a alumear o Camiño. Tempo ó tempo ou comose lé no Quixote “Amencerá Deus e medraremos”.

O Bibliotecario emérito.

Un mundo feliz

2011-11-12T12:05:00.000+01:00

Hai tempo vos comentabamos que as novelas xuvenís basadas en distopías estábanse a poñer de moda. Exemplos claros serían "Juntos" de Ally Condie ou "Delirium" de Lauren Oliver. Sen embargo se lles preguntamos ao noso alumnado polos grandes clásicos deste tema como son "1984" de George Orwell, "Farenheit 451" de Ray Bradbury ou "Un mundo feliz" de Aldous Huxley, nen sequera lles sona o título.

Estes días volvinme mergullar na lectura deste último (a outra vez remóntase aos meus tempos de instituto) e volvinme sentir atrapada nesta sociedade futura onde a predeterminación xenética e o condicionamento serán as bases que sitúen a cada individuo nun lugar determinado da escala social no que se sentirá satisfeito. Nesta sociedade a enfermidade e a vellez non existen, todo vínculo emocional/sentimental (familia, amistade, amor) está abolido ou mal visto, e as posibles insatisfacións cálmanse con drogas de deseño aínda que sempre hai alguén que se rebela...

A pesares de editarse por primeira vez en 1932 segue a ser unha novela actual e valiosa polo que vola aconsellamos, desde a biblioteca e, especialmente, desde o Departamento de Ciencias da Natureza que a inclúe na súa lista de lecturas recomendadas.

"El autobús de Rosa": A historia de Rosa Parks en álbum ilustrado.

2011-11-09T11:22:00.000+01:00

Unha vez máis, Bárbara Fiore Editora volve a deleitarnos cun álbum ilustrado que nos deixa sen palabras.

O libro narra un episodio histórico determinante na loita polos Dereitos Civís en EEUU, a negativa de Rosa Parks (1913-2005), famosa activista negra, o 1 de decembro de 1955 nun autobús de liña en Montgomery, a ceder o seu asento a un home branco. Rosa foi detida pola policía e encarcerada. Un tempo despois a segregación racial nos autobuses foi declarado un acto inconstitucional.

Se o breve texto de Fabrizio Silei logra introducirnos con éxito neste episodio histórico, as ilustracións de Maurizio A. C. Quarello conmóvenos por completo.

Un libro imprescindible para falar da loita polas liberdades e os dereitos civís.

Como anécdota dicirvos que o autobús de Rosa consérvase no Museo Henry Ford en Michigan.

Mourir auprès de toi: unha curta animada ben literaria

2011-11-07T17:02:00.001+01:00

Se me din que acaban de facer unha curta animada que ten como escenario a librería Shakespeare and Company de París xa me entrarían unhas ganas enorme de vela, se ademáis a dirixe Spike Jonce ("Cómo ser John Malkovich", "El ladrón de orquídeas", "Donde viven los monstruos" ou "I'm Here") ou meu interese medra, e se para rematar é unha fermosa historia de amor entre o esquelete de "Macbeth" e a protagonista de "Drácula" non podo deixar de compartilo con tod@s vós.

Isto é o que me vén de acontecer grazas ao blog Papeles Perdidos, do que obtiven a información. Aquí vos deixo a curta (vía Nowness) desexando que vos guste tanto como a mín!

Spike Jonze: Mourir Auprès de Toi on Nowness.com.

Club de lectura de profes: "O anel de Palova"

2011-11-04T10:00:00.000+01:00

Viñamos rumiando a creación dun club de lectura paraprofes desde hai tempo, concretamente despois da lectura en cadea e ofructífero intercambio de opinións ao que nos levou "Nada" o cursopasado. De feito, penso que vén existindo xa pero dun xeito caótico e poucoortodoxo :). Así que este curso puxémonos serias e decidimos fundar o club delectura "O anel de Palova".

O nome ten múltiples significados; anel en sentidofigurado polo que ten de círculo, de unión e nexo e tamén en sentido literal...e Palova na honra a unha compañeira (non é rusa aínda que poda parecelo) que setrasladou este curso e coa que pensamos seguir mantendo contacto, a lo menosmediante este club.

Como primeiros títulosseleccionamos "Mexillóns para cear" de Birgit Vanderbeke naEditorial Rinoceronte e "Circe ou o pracer do azul" de Begoña Caamañoe editado en Galaxia, ambos recomendacións feitas no Papel de MULLER de Papelpor Gemma Lienas e Begoña Caamaño, respectivamente.

Polo Samaín: "Sesións Terroríficas de Lectura"

2011-11-01T20:00:00.000+01:00

O meu amigo Cali, pantasma do IES Pedras Rubias, venme de convidar a unhas Sesións Terroríficas de Lecturas que sei que están a organizar os MQs. A cita é nos recreos do mes de novembro no soto do instituto e seica van contar relatos de terror e misterio en pequenos grupos. Imprescindible invitación. Eu xa teño a miña, e vós?

Conseguirán meterme medo a mín ou, pola contra, serei eu quen os asuste, HAHAHAHAHAHAHAH (léase riso sinistro).

Engánchate á lectura con... Jordi Sierra i Fabra

2011-10-29T10:00:00.000+02:00

Jordi Sierra e Fabra on Dipity.

Non creo que me equivoque se afirmo que moitos adolescentes se teñen enganchado á lectura a través dos seus libros. No noso centro, "Campo de fresas" ou "La memoria de los seres perdidos" están entre os máis demandados polo alumnado.

Autor prolífico, Jordi Sierra i Fabra, gusta de tocar temas de actualidade nos seus relatos xuvenís e forma co noso benquerido Agustín Fernández Paz un binomio que copa os premios dos certames literarios a nivel mundial, non hai máis que botar unha ollada a esta liña de tempo!!!

"As Aventuras de Tintín" de Spielberg chega aos cinemas!

2011-10-27T12:55:00.000+02:00

Mañá estréase nos cinemas de toda España a película de Steven Spielberg "Las aventuras de Tintín: El secreto del Unicornio". A expectación é enorme como en todo estreno dun film de Spielberg ("Tiburón", "E.T.", "Encuentros en la tercera fase","La lista de Schindler"...) pero co engadido de que os anteriores intentos de levar á gran pantalla a Tintín foron bastante mediocres.

As historietas protagonizadas por este famoso reporteiro de aspecto infantil e espíritu xusticieiro, viron a luz en Bélxica da man de George Remi "Hergé" e foron publicándose ao longo de máis de corenta anos, desde 1930 ano de publicación do primeiro álbum ata 1976 cando viu a luz o derradeiro. Aínda que algunhas das súas aventuras foron tachadas de racistas, o certo é que o seu éxito foi case inmediato; os cómics foron traducidos a multitude de linguas e a día de hoxe e con permiso de Ásterix (eu quédome con este último), é o cómic máis vendido.

Premendo no título da peli tedes acceso á páxina oficial en castelán. Se queredes máis información vos deixo o enlace cun especial editado polo xornal El Mundo, o enlace coa páxina da butaca.net (podedes atopar entrevistas, a ficha técnica, como se fixo, ...) e o trailer para ir quentando motores.
Tedes pensado ir vela neste ponte? Animádevos e deixádenos a vosa opinión!

"La puerta de los tres cerrojos"

2011-10-26T10:00:00.000+02:00

Preme aquí para ler o primeiro capítulo

Que vos parecería atravesar unha porta e atopar como regalo o nacemento do universo cun big bang de estrea para vós ou ter entradas para un partido entre a materia e a antimateria e non digamos podervos teleportar, seren perseguidos por buratos negros,bailar na pista dunha discoteca rexida polo principio de incertidume ou viaxar case á velocidade da luz nun acelerador de partículas?

Todo isto e máis sucédelle á Nico, o protagonista deste alucinante libro que descubrín por casualidade hai tan só unhas semanas. O primeiro que sentín ao escoitar falar do libro foi sorpresa, o segundo curiosidade e o terceiro, vouno confesar, certo escepticismo. Sería quen, a autora, Sonia Fernández-Vidal (cun curriculum impresionante e que ten traballado nos principais centros de investigación de partículas, incluído o acelerador de partículas do CERN) de enganchar cunha historia para adolescentes a base de Física Cuántica? Agora que o rematei penso que consegue algo máis importante, despertar a curiosidade, as ganas de saber máis dese mundo que, aínda que a outra escala, é tamén o noso: o mundo cuántico.

Para saber máis podedes consultar a páxina web, escoitar unha entrevista que concedeu a autora para RTVE. ou ver este video sobre os aceleradores de partículas.

Día da Biblioteca

2011-10-24T09:01:00.000+02:00

Desde o ano 1997 e partindo dunha iniciativa da Asociación Española de Amigos del Libro Infantil y Juvenil, o 24 de outubro celébrase o Día da Biblioteca. Tamén desde ese mesmo ano, a IASL ou Asociación Internacional de Biblioteconomía Escolar nomea o mes de outubro como o Mes Internacional das Bibliotecas Escolares. Este ano o lema é: "Desafío de atender á diversidade: Bibliotecas Escolares para todos".

Na nosa comunidade autónoma, o lema elixido para celebrar esta data é "Biblioteca escolar, última xeración" e o cartaz deste ano foi elaborado por Emma Ríos.

Pola súa banda, o Ministerio de Cultura edita un cartaz con ilustración de Elena Odriozola e texto de Ptaxi Zubizarreta.

Deíxovos con este fermoso texto desexándovos a tod@s que prendades os vosos mistos e que teñades un feliz Día da Biblioteca!

Números da biblioteca e números de Fibonacci

2011-10-20T17:45:00.000+02:00

Ás veces resulta interesante botar contas. Se nunha das entradas anteriores comentabamos que este ano se anotaran 70 alumnos/as ao noso Club de Lectura "Siareiros da Palabra", o mércores, na primeira reunión dos MQs, había 40 voluntarios/as. Das 110 persoas, 17 son ao mesmo tempo "siareiros" e MQs o que fai un total de 93 alumnos/as involucrados directamente na dinamización da biblioteca e o fomento da lectura.

Se ademais temos en conta que neste curso hai 267 alumnos/as matriculados...temos unha porcentaxe do 34,8% do alumnado!!! Folga dicir que estamos ENCANTADAS!

E duns números a outros.

Onte, vía Trafegando Ronseis, descubrín un libro ilustrado máis que apetecible: "Fibonacci, el soñador de números" de Joseph D'Agnese e ilustrado por John O'Brien. O libro, da editorial Juventud, narra a biografía deste matemático italiano do s.XII-XIII, famoso por introducir en occidente os número árabes e popularizar coa súa obra "Liber Abaci" a aplicación dos novos números aos cambios de unidades, á contabilidade, aos criterios de divisibilidade,...

Pero se por algo é coñecido Fibonacci e pola súa sucesión de números: A serie de Fibonacci á que se relaciona con criterios estéticos na natureza, como a forma das caracolas, o reparto dos pétalos dunha flor, a disposición das follas nun talo,...

Tamén len... con Saltina

2011-10-17T20:54:00.001+02:00

Tódolos anos inauguramos a nosa sección do Tamén len convidando a un/ha profe do Colexio Altamira. Nesta ocasión foi a quenda de Saltina, que nos visitaba hoxe para compartir cos seus ex-alumn@s e con todos nós, lembranzas, anécdotas e unha morea de boas lecturas compartidas. Moitísimas grazas!

Poñéndonos ao día!

2011-10-14T21:19:00.000+02:00

E despois de compartir con vós as nosas descubertas viaxeiras pasamos a facer un rápido repaso do comezo das actividades da biblioteca e das novidades literarias.

Novidades da nosa biblioteca:

Como moitos de vós ben sabedes, comezamos o curso cunha reordenación exhaustiva dos fondos da nosa Calixtina porque a coitada daba peniña e queríamos tela ordenada e ben feitiña para dar comezo á Formación de Usuarios que recibiredes tódolos cursos nas vindeiras semanas.
O próximo luns 17 durante o recreo terá lugar a primeira sesión do Tamén len deste curso. Nesta ocasión a convidada é Saltina, mestra do Colexio Altamira.
E tamén o vindeiro luns 17 pero en horario de sobremesa, inauguramos o Club de Lectura. Paula e Xoán aínda non saben como van facer xa que este curso anotáchesvos MÁIS DE 70!!!!! (Terá algo que ver a excursión pola Ribeira Sacra e o vó en helicóptero?).
E os MQs non ían quedar atrás! Temos a primeira reunión o mércores 19 no recreo... y traemos TERRORÍFICAS ideas...
As listas de lecturas recomendadas van en aumento e pronto vos comentaremos as recomendacións feitas polos Departamentos de Ciencias e Música.

Novidades literarias e cinematográficas:

O poeta sueco Tomas Tranströmer vén de recibir o Premio Nobel de Literatura.
Agustín Fernández Paz resultou o gañador este ano do Premio de Literatura Infantil e Xuvenil de SM que se fallou na FIL (Feira Internacional do Libro) de Guadalajara (México). O Premio seralle entregado o 29 de novembro.
E, por suposto, libros e máis libros e películas, entre eles o último de Laura Gallego "Donde los árboles cantan" que saíu hoxe á venda, os audiolibros que vén de editar a editorial Rinoceronte, a estrea o mes que ven de "Amanecer" ou o último en xogo de rol e novela de ciencia ficción galega, dos que vos iremos informando nas vindeiras entradas.

Seguídenos!!!!

De bibliotecas: Biblioteca do Trinity College en Dublín.

2011-10-13T09:30:00.000+02:00

A orixe desta marabillosa biblioteca, unha das máis fermosas do mundo, remóntase ao ano 1592 no que a raíña Isabel I autorizou a fundación do Trinity College. O edificio más antigo que se conserva, a Antiga Biblioteca, construiuse entre os anos 1712 e 1732. Na actualidade a Biblioteca componse de oito edificios onde descansan case tres millóns de volumes (desde 1801, calquera obra publicada en Gran bretaña e Irlanda debe enviar un exemplar a esta biblioteca).

Pero entre todos os seus tesouros destaca o Libro de Kells, do século IX, que contén un texto en latín dos catro evanxelios esplendidamente ornamentado. Crese que o libro de Kells foi creado e producido (total ou parcialmente) en Iona ou en Kells, de aí o seu nome. Isto faime pensar no noso desaparecido e benquerido Códice Calixtino, por onde andará?

De bibliotecas: Biblioteca Nacional de Dublín.

2011-10-10T09:30:00.002+02:00

Pero, por suposto, non fun a única viaxeira da biblio. Paula andou tamén visitando bibliotecas polo mundo adiante. Deixo mellor que volo conte ela:

" No verán estamos de vacacións. Cando podemos, ás veces viaxamos e nestas viaxes hai tantos lugares diversos que podemos visitar que hai que elixir por forza.

Dublín é unha cidade que non ten a monumentalidade doutras grandes capitais, pero ten unha vida nas súas rúas que nos atrapa totalmente. Un dos lugares máis interesantes e máis visitados, sen dúbida, é a Biblioteca Universitaria do Trinity College, da que falaremos na próxima entrada. Mais, por casualidade, tamén atopamos a Biblioteca Nacional, que nos pareceu un espazo de gran atractivo".

De bibliotecas: Openbare Bibliotheek Amsterdam

2011-10-07T09:30:00.000+02:00

No meu breve viaxe por Europa, antes de Amberes estiven uns días en Amsterdam (vola recomendo a tod@s!) e, por suposto, tocou visita á Openbare Bibliotheek de Amsterdam (OBA) e ao seu estupendo restaurante con terraza panorámica.

Queredes ir visitala? Pois só tedes que acompañarme neste trepidante vídeo.

Museo Plantin-Moretus

2011-10-05T16:20:00.004+02:00

Os/as bibliófilos/as non descansamos nunca, nin sequera cando marchamos de vacacións perdemos os hábitos, como ides comprobar nas vindeiras entradas...

Este verán tiven a sorte de visitar o Museo Plantin-Moretus na cidade de Amberes (Bélxica), o primeiro museo en ser incorporado ao listado do Patrimonio Mundial da Humanidade da Unesco no ano 2005.

Este museo ten a súa orixe na vida e obra dun dos maiores impresores-editores de tódolos tempos: Christophe Plantin (Tours,1520-Amberes, 1589), que foi quen desenvolveu, xunto co inventor da imprenta Johannes Gutenberg, aspectos claves na historia da edición e que é considerado como o primeiro impresor industrial.

No ano 1576, Plantin que era daquela o Primeiro Tipógrafo Real de Felipe II, decide trasladar o "Compás Dourado” (a súa casa-imprenta) á praza Vrijdagmarkt de Amberes. Á súa morte, tanto a casa como a Officina Plantiniana pasan a mans do seu xenro Jan I Moretus e de aí, xeración en xeración, durante tres séculos os Moretus conservan, amplían e enriquecen tanto a mansión como o negocio.

En 1876, Edward Moretus decide converter o Compás Dourado en museo polo que inicia as negociacións co Concello de Amberes. O Museo abre as portas o 19 de agosto de 1877.

O valor de este marabilloso conxunto cultural é incalculable pois abrangue varios tesouros únicos:

A Officina perfectamente conservada coa imprenta onde atopamos as prensas máis antigas do mundo, a sala de tipos con coleccións tipográficas orixinais como a Garamond ou os tipos hebreos máis antigos, a sala de correctores, a librería que conserva aínda o listado de libros prohibidos ou Librorum Prohibitorum Index de 1569, a sala de ilustracións e estampas, a sala dos manuscritos, sala de edicións extranxeiras, sala da xeografía, a tras-tenda, o despacho do maestro Plantiniano e a fundición con series únicas e completas de ferramentas empregadas na fabricación dos tipos.
Os arquivos, única colección no mundo que se refire a imprenta que contén series ininterrompidas de rexistros contables que van da segunda metade do s.XVI ata 1865, e permiten coñecer a historia da imprenta e do pensamento occidental da época, polo que foron incluídos no “Rexistro da Memoria do Mundo" da Unesco o 4 de setembro de 2001.
Unha colección de 25.000 volumes anteriores a 1800, 638 manuscritos realizados entre os séculos IX e XVII, 154 incunables con exemplares tan valiosos como unha Biblia Gutenberg de 36 liñas e o 90% da producción Plantiniana.
O edificio renacentista do s.XV e as ampliacións con casas anexas dos séculos XVII e XVIII. No patio consérvase unha vide de Canadá do s.XVI.
Varias coleccións de arte que destacan pola súa variedade e riqueza: coiros dourados españois ou guadamecíes, gobelíns, mobles e cadros (19 deles de Peter Paul Rubens).
A colección do seu Gabinete de Estampas, relacionada coa ilustración dos libros, atesoura 791 bocetos, 2.846 planchas de cobre e 13.791 bloques de madeira tallada.

Estou por propoñer Amberes como destino para a excursión dos MQs e o club de lectura deste curso! Mentres, podedes visitalo premendo no vínculo do seu nome ou botándolle unha ollada ás fotos que conseguimos tomar.

Comezamos curso co Premio Sunshine Award

2011-09-27T18:10:00.000+02:00

Comezamos o curso entre crises, aumento de horarios, folgas e negras perspectivas para a educación pública pero con enerxía e ilusión, canto mais despois da alegría que nos supuxo recibir a finais do mes de xullo a distinción do Premio Sunshine Award concedido polo blog Hora de Ler. Toda unha honra.

Pedir desculpas pola tardanza en corresponder con este fermoso agasallo pero decidimos agardar a estar en activo e poder elaborar, entre todas as profes que formamos o equipo, a escolma dos blogs aos que queriamos premiar á nosa vez. E aí vai o noso listado; doce blogs que loitan día a día polo fomento da lectura e cren no seu poder para transformar o mundo nun lugar mellor.

Folga dicir que o listado, como todos, é incompleto e imperfecto, pero tiñamos que elixir só doce... Esperamos que aínda que o verán xa vai fóra vos faga tanta ilusión como nola fixo a nós.

1.- A Vacaloura.

2.- Biblioabrazo.

3.- Ars legendi.

4.- Poesia infantil i juvenil.

5.- As zocas faladoras.

6.- Ler é 10 - Leia favela.

7.- Bibloranca.

8.- Biblioteca Pino Manso.

9.- Mesturas.

10.- Afonsa le e conta.

11.- Más que libros.

12.-Desordenadas lecturas.

Adiantarvos que vimos cheas de ideas. A biblioteca renovada e reorganizada (niso andamos), a formación de usuarios a piques de comezar, o blog no que pretendemos incorporar novas seccións, e o prazo aberto para anotarse nos MQs ou no club de lectura, só faltaba dar o sinal de saída: preparad@s, list@s, xa!

Despedimos o curso cunha ruta literaria pola Ribeira Sacra

2011-06-30T17:43:00.000+02:00

Os pasados días 22 e 23 de xuño os/as compoñentes do club de lectura, os MQs e o equipo de biblioteca ao completo (incluído o noso predecesor e benquerido compañeiro José Luís) marchamos de excursión para facer unha ruta literaria por terras do noso poeta homenaxeado nas Letras Galegas deste ano, Lois Pereiro.

O obxectivo era gozar da paisaxe ao tempo que recitabamos poesía e compartíamos tempo de camiñata e lecer entre risos e palabras.

Saímos de Salceda despois de rematar as clases e comer apresuradamente uns bocatas. A primeira parada foi Monforte, onde só nos deu tempo a visitar o Castelo dos Condes de Lemos. Partimos logo para o Incio, máis concretamente cara a igrexa de Santa Cristina do Viso, onde está enterrado Lois Pereiro. Alí lle rendemos a nosa modesta homenaxe recitando os seus versos. E rápido rápido cara o camping "Canón do Sil" en Parada do Sil antes que se fixera noite e tiveramos que montar as tendas ás apalpadas, perdón... uhmm... si que houbo unha parada moi breve en Castro Caldelas, por aquilo de mercar bicas (boíiiisiiimas).

Chegamos ao camping e montamos as tendas, aínda que o noso traballo nos custou! E despois dunha estupenda cea marchamos durmir (os que durmimos, claro!).

Á mañanciña, ben mantidos, fixemos unha pequena ruta ata o Mosteiro de Santa Cristina de Ribas de Sil onde recitamos esperando a chegada da guía que tiñamos contratada.

Viaxe á Ribeira Sacra. Yaisha recitando from biblosvivos on Vimeo.
De aí, e sempre con présas, partimos a coller o catamarán para a nosa viaxe polo Canón do Sil e de volta ao camping onde comemos.

E, tachán tachán, chegou o momento estrela da excursión... Para a nosa sorpresa o dono do camping é piloto de helicóptero e nos agasallou cunha viaxe: 5 prazas no helicóptero para ver a vista de paxaro a magnífica paisaxe do canón. Os profes renunciamos a entrar no sorteo (sniffff) e os/as afortunados/as partiron entre as caras de ciumes dos demáis. Consolámonos lendo...

Luci recita na Ribeira Sacra from biblosvivos on Vimeo.

Xa de volta, parada e chapuzón nas pozas da Chavasqueira en Ourense e regresamos cansos e moi contentos á casiña.

Con esta marabillosa excursión despedimos o curso. Feliz verán para tod@s!

No IES Pedras Rubias gústanos moito criticar...

2011-06-25T10:00:00.025+02:00

E, precisamente, a entrada de hoxe consiste niso: CRITICAR. Agora que xa rematamo-lo curso, é un bó momento de criticar a máis non poder. Pero, tranquil@s... Que non cunda o pánico! Hoxe non imos centrar a nosa crítica en vós, non. Imos elaborar unha crítica do filme de terror "Insidious".

O argumento é o seguinte: Josh, a súa muller Reani e os seus tres fillos múdanse a unha nova casa. Cando o seu fillo pequeno, Dalton, sofre un accidente e cae nun coma, comezan a suceder extranos fenómenos na súa nova casa e a familia decide pedir axuda a unha médium.

O director desta película é James Wan. Seguro que o nome nos vos soa de nada... Pero, e se vos digo que é o productor e director da película "Saw"? Agora seguro que sí, non? Pois ben, Wan quería facer unha película de terror ao estilo dos anos 80 (é unha película moi parecida a Poltergeist) na que non saise nin unha pizca de sangue. É así foi! Nada de sangue. Iso si, os bonecos diabólicos asidos da "Guerra das Galaxias" que non falten :)

A película comeza moi ben: Uns títulos de crédito moi logrados, una música que engancha... En fin, bastante ben. Nos primeiros minutos non sucede nada. A partires do minuto 20, cando Dalton cae nun coma, comezan a suceder cousas estranas. Estranas e moi prededibles: os típicos pasos que veñen da porta, os ruidiños e golpes na cama do hermano menor, ou sexa o típico. Aquí a peli xa vai perdendo algo de forza. O seu problema principal e que non innova, estáncase nos efectos dos anos 80, non evoluciona. A medida que " a película más terrorífica dos últimos anos" (según o trailer) avanza, os estranos ruidos mistúranse con presenzas que veñen do outro mundo (do outro mundo ou da película que botaron na galega fai uns días). Estas "terroríficas" presenzas (drácula, o diaño... moi innovador, si señor!) causan máis gracia que medo. Por citar algo: cando o diaño estase a pintar as unllas no inferno... Por favor! Máis "ridículo" imposible. Esta é a primeira parte do filme: como vedes, o típico das películas de medo. O atípico ben na segunda parte. Se a primeira parte resulta algo inquedante (polas subidas de volume, a dichosa musiquiña....) a segunda parte é demasiado cómica.

Como vos dicía ó comezo, debido a tódo-los fenómenos extranos que suceden na casa, Josh e a súa muller (ela si que fai un papelón na película) deciden porse en contacto cunha médium. A médium ven acompañada de dous parapsicólogos. Más "lerdos" e non nacen: que se non saben como funciona a cámara de fotos, que se quen é mellor parapsicólogo.... Pois esa é a segunda parte: un paréntese que non conduce a nada (bueno, conduce a quedarse durmido na butaca do cine) e que non ten absolutamente nada que ver có principio. Na miña opinión, non poder que o espectador adocte tres posturas diferentes durante a película: ou é de medo ou cómica, pero por favor, non mistures ambas cousas ou só sonseguirás confundir o espectador.

Como vedes pouco a pouco a película vai aborrecende, resultando máis predecible e caendo nas redes de moitos intentos de "películas de terror" (Paranormal Activity, por exemplo).

Retomando a miña crítica: ao final, a médium coa "axuda" dos dous "parapsicólogos" ( a axuda das comiñas é inevitable) descarta que a casa estexa embruxada e dí que é Dalton, o seu fillo, que está embruxado. Aquí a película da un xiro de 360º.

A terceira parte (que non a vou contar, posto que é o final) é, no meu punto de vista, a mellor con diferenza. O final é moi confuso e eu tiven que volver a ver a película na rede, para aclarar como acaba.

Resumindo: unha película que comeza ben pero vaise desinflando pouco a pouco, a pesares do seu inesperado final. Queredes saber por que o califico como inesperado? Ide a ver "Insidious" xa que, polo menos, pasaredes o tempo, aínda que a película é como as 10000 películas de medo que se fixeron neste mundo.

E xa para remata-la miña crítica, podedes botar un vistazo o tráiler (que, por certo, agocha unha sorpresiña) ... Pasade un bó verán!

Adrián Troncoso, 4ºA

Resultado da "Infusión de versos"

2011-06-23T10:00:00.007+02:00

Con motivo da celebración das Letras Galegas, o departamento de Lingua Galega propuxo "sacar" os poemas de Lois Pereiro dos libros. Esta idea de liberar os poemas foi tirada do propio autor como xa vos contaramos na entrada de "Infusión de versos".

Como resultado dos vosos traballos organizamos a "frikiexposición" que está enfronte da biblioteca e das que vos deixamos aqui algunhas fotografías.

Esperabamos orixinalidade e, certamente, déstenos o que pedimos.

Grazas pola vosa colaboración.

Elisa, xefa do departamento de Lingua Galega.

Lendo a Xabier P. Docampo

2011-06-21T12:26:00.002+02:00

O alumnado de 1ºESO leu nesta derradeira avaliación unha obra de Xabier P. Docampo: "Cando petan na porta pola noite" ou "O misterio das badaladas". Isto foi o que lle pareceu...

O club de lectura recoméndanos lecturas para o verán.

2011-06-20T20:25:00.001+02:00

LISTADO DE LIBROS RECOMENDADOS:

-"Perdona si te llamo amor". Federico Moccia

- "Que me queres amor". Manuel Rivas

- "Trece anos de Branca". Agustín Fernández Paz.

- "Lazarillo de Tormes".

- "Indignádevos". Stephane Hessel

- "Cordelúa". Elia Barceló

- "Nada". Janne Teller

- "A tres metros sobre el cielo". Federico Moccia

- "El príncipe de la niebla". Carlos Ruíz Zafón

- "El Quijote". Miguel de Cervantes

- "Peligro inminente" Agatha Crhistie.

- "Mafalda". Quino.

- "O neno do pixama a raias". John Boyne.

- "Flor del desierto". Waris Dire

- "Zelda"

- "Canciones para Paula". Blue Jeans

- "Goool". Robert Rigley

- "O diario violeta de Carlota". Gemma Lienas.

- "O diario vermello de Carlota". Gemma Lienas.

- "Persépolis". Marjane Satrapi.

- "A miña pranta de laranxa lima". José Mauro de Vasconcelos.

- "O misterio das badaladas". Xabier P. Docampo

Pensamos que non hai mellor xeito de pechar o luminoso mes de xuño, que coas palabras dos membros do noso Club de lectura para facernos a todos recomendacións de lecturas, que quedan expostas na entrada da nosa BE, esperando a volta de todos e todas, cun variado abano que vai dende o Lazarillo de Tormes, ata a saga de Federicco Moccia, pasando polo manifesto Indignádevos. Lecturas para todos os gustos, para soñadores/as, para pícaros/as, para aventureiros/as, para mangacas, incluso para quixotes... Así pois, levamos tamén os libros de vacacións, a tomar o sol e a ventilalos co paso das súas páxinas, unha a unha, paseniño...

Un caluroso saúdo estival desexa a todos e todas a COMISIÓN DA BIBLIOTECA.

"Mejillones para cenar" de Birgit Vanderbeke

2011-06-15T23:12:00.001+02:00

Procedencia da imaxe

Seguindo a recomendación de Gemma Lienas no noso "papel de MULLER de papel", mergulleime a pasada fin de semana (pola semana só hai tempo para poñer e corrixir exames) na lectura de "Mejillones para cenar" primeira novela da escritora alemana Birgit Vanderbeke coa que obtivo o Premio Ingeborg Bachmann en 1990.

Como vedes o libro non é nada recente pero teño que confesar que non coñecía o título nin a autora e foi todo un descubrimento!

Unha muller está preparando a cea favorita do seu home, mexillóns con patacas fritidas, mentres agarda cos seus fillos o seu regreso dunha importante reunión de traballo.

A eles non lles gustan os mexillóns.

O pai non dá chegado, e o nerviosismo se palpa no ambiente. A medida que asistimos como espectadores a esa espera, a filla maior (narradora) vainos desvelando aos poucos como é a relación que une os distintos membros da familia. Sen presa, imos descubrindo a un pai dominante, intolerante e violento e tamén presenciamos os distintos estados de ánimo que se suceden ante a posibilidade de que non regrese: ansiedade, rebeldía, liberación, medo...

Pareceume un libro francamente interesante para abordar o tema da violencia doméstica desde a visión dunha filla adolescente. Gustoume o estilo e a forma en que está escrito. Volo recomendo!

Tamén len... con Español

2011-06-08T10:59:00.000+02:00

O xoves 2 de xuño acudiu ao "Tamén len" da biblioteca Calixtina o mestre Manuel Prego Español xubilado o curso pasado.

Español, foi presentado por Nerea e Alexandra (4ºC) que, xunto a Iván Lorenzo (4ºC) redactaron este post.

Procedencia da imaxe

Leunos tres episodios dun libro antigo titulado "Corazón"(1886) de Edmundo Amicis. O libro é o diario dun neno, Enrique, durante un curso escolar. Español comentounos que o exemplar rescatárao dun colector do lixo no colexio C.R.A da Picoña cando chegou a Salceda a dar clase. Tamén nos dixo que daquela era lectura obrigatoria nos colexios e que máis tarde o prohibiran por motivos políticos.

Recomendounos para ler un libro do mesmo autor titulado "Novela de un maestro" e logo adicámonos a falar de todo un pouco e a gozar de novo coa súa compaña.

Grazas por vir a visitarnos!

Nerea, Alexandra e Iván (4ºC).

La evolución de Calpurnia Tate

2011-06-02T12:00:00.003+02:00

Se tivese lido este libro uns meses antes, sen dúbida o tería recomendado no Papel de muller de Papel, porque aúna a loita dunha rapaza para saírse do camiño marcado para unha muller na súa época, con ser un libro fresco, diferente e delicioso.

O libro comeza a relatar a historia de Calpurnia Virginia Tate, chamada "Callie Vee", no verán de 1899 nun pobo algodonero de Texas. Calpurnia ten entón "once anos e tres cuartos", é a única rapaza de entre sete irmáns e sempre se sentiu diferente.

"Yo nunca me clasifiqué a mí misma como las demás niñas. Era diferente, no era de su especie. Nunca pensé que mi futuro iba a ser como el de ellas. Pero ahora sabía que eso era falso, que yo era exactamente como las demás: se esperaba que yo entregara mi vida a una casa, un marido y unos hijos. Se suponía que dejaría mis estudios naturalistas, mi cuaderno y mi amado río. Había algo perverso en toda esa costura y cocina que intentaban imponerme, en esas lecciones pesadas que yo esquivaba y rechazaba".

Nos meses seguintes, da man do seu avó, asistirá aos avances do século que comeza: instalación do primeiro teléfono, exhibición dun automóbil, lectura da "Teoría das Especies" de Darwin, mentrés no seu interior sufrirá a revelación dunha vocación científica que non encaixa dentro do que se espera para unha moza casadeira de boa familia naqueles tempos.

"Me contó maneras de llegar a la verdad de cualquier tema, no sólo sentándose a pensar en ello como Aristóteles (un señor griego, listo, pero confundido), sino saliendo a mirar con tus propios ojos; me habló de hacer hipótesis e idear experimentos, y de compobar las cosas mediante la observación y llegar a una conclusión. Y de verificar luego la fuerza de tu conclusión una y otra vez. Me habló de la navaja de Occam, de Ptolomeo y la música de las esferas, y de que todo el mundo llevaba siglos equivocado sobre el Sol y los planetas. Me habló de Linneo y su sistema para nombrar a todos los seres vivos de la naturaleza, y de que él seguía ese sistema siempre que le ponía nombre a una nueva especie. Me habló de Copérnico y Kepler y de por qué la manzana de Newton se caía hacia abajo y no hacia arriba...Todo eran novedades vertiginosas sobre un mundo muy alejado de los pañuelos y los dedales, que me fue revelado con paciencia bajo un árbol entre abejas amodorradas y marchitas flores silvestres".

A insoportable levedade das bibliotecas escolares galegas.

2011-06-01T15:00:00.001+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros queremos manifestar o seguinte:

A insoportable levedade das bibliotecas escolares galegas

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.

Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?.

Maratón de lectura 2011

2011-05-27T18:41:00.000+02:00

Como cada ano, o venres 20 de maio, levamos a cabo o maratón de lectura que forma partes das actividades de celebración do Día das Letras Galegas. Iniciou o maratón o alcalde de Salceda, Marcos Besada, e a continuación, en turnos de 5 minutos, foron lendo profesores/as, limpadoras e alumnos/as voluntarios.

Tamén contamos coa participación dos mestres Español e José Luís, xa xubilados pero que se conservan coma nenos, non hai máis que ver a seguinte foto!

O libro escollido nesta ocasión foi "Merlín e familia" de Álvaro Cunqueiro pois queríamos conmemorar o 100 aniversario do seu nacemento.

"Frío" de Laurie Halse Anderson, recomendado por Nerea Suárez

2011-05-24T17:45:00.001+02:00

Procedencia da imaxe

Fainos especial ilusión publicar esta entrada porque é a primeira vez que, oficialmente, unha alumna nos recomenda un libro; en realidade llo recomendou a Xoán, o seu profesor de Educación para a Cidadanía, por tratar dun tema tan preocupante e desgraciadamente de moda como é o da anorexia. Agora xa forma parte do listado de libros propostos para esa materia e nós estamos encantad@s de que participedes e nos aconselledes lecturas.

Sinopse:

A protagonista, Lía, repítese constantemente que non debe comer. Na súa vida só hai sitio para contar calorías e para facer exercicio cando a obrigan a inxerir unha cantidade de alimentos que ela considera demasiada, sempre.

A súa amiga Cassie, coa que chegou ao terrible pacto de converterse na máis delgada do instituto morreu; ésta perséguea en soños porque quere levala con ela, non quere estar soa do outro lado.

Lía ten unha oportunidade, pode coller a man daqueles que lla ofrecen: seus pais, a súa irmá pequena, pode aceptar o consello dos médicos, pero non será ata que toque fondo cando poda recobrar a ilusión por unha vida que se lle escapa das mans.

"É unha historia emocionante, cun toque de fantasía que fará que te internes no mundo real".

Nerea Suárez 2ºB

"A ola", agora en novela gráfica

2011-05-19T10:00:00.001+02:00

Instituto Cubberley High School, de Palo Alto (California, 1967), o profesor de Historia Ron Jones debe dar un seminario sobre Autocracia. Os seus alumnos non cren que no momento actual puidera impoñerse un réxime ditatorial. O profesor decide pór en marcha un experimento, "A terceira ola" e en tan só cinco días os resultados do experimento terán ido moito máis lonxe do que ninguén podía prever... Ata aquí a historia real.

En 1981 Todd Strasser, co seudónimo de Morthon Rhue, escribe "The Wave" (a ola) e no 2008 Dennis Gansel fai a súa versión cinematográfica da que vos falei no blog hai xa algún tempo.

Desde a semana pasada, temos na Calixtina a versión en banda deseñada de Stefani Kampmann, editada por Takatuka (imaxes arriba).

Se queredes profundizar sobre a película, o director, a historia real na que está baseada hai unha páxina estupenda feita por Enrique Martínez-Salanova Sánchez, tedes o enlace aquí.

Recoméndovos tanto a novela gráfica como a película. Crédeme, non vos deixará indiferentes.

Certame literario "Pedras Rubias 2011"

2011-05-17T12:00:00.000+02:00

Unha vez máis por estas datas, o departamento de Lingua Galega promove un Certame literario de relato breve para celebrar as Letras Galegas. Contamos coa vosa participación.

Infusión de versos

2011-05-13T10:01:00.004+02:00

Procedencia da imaxe

Madrid, 1977. No interior dun café Manuel Rivas, Antón Patiño e Xosé Manuel Pereiro (irmán de Lois) esperan a Lois Pereiro para pechar o terceiro número da Revista Laia.

Entra Lois.

Xose Manuel: E ti? Trouxeches os textos que queres meter?

Lois: Trouxen, si.

Lois mete as mans nos petos do abrigo e comeza a sacar papeliños e máis papeliños deses que envolven as bolsiñas das infusións. Xosé Manuel non acredita no que ve, máis a Rivas e a Patiño failles graza e cóllenos para examinalos. Son do máis variado, hai de té, de boldo, de macela, de fiúncho, de malva, de herba Luísa...

Xosé Manuel: Pero iso que é?

Lois: (Emocionado) Atendede. Flaubert, cando escribía a Educación sentimental, dixo que tentaba meter o océano nunha botella...

Xosé Manuel: E que ten que ver iso cos...?

Lois: Eu non aspiro a tanto, só pretendo meter un poema nunha bolsiña de té e ...

Camareiro: Desexaba algo?

Lois: Si, unha infusión de versos.

Xosé Manuel, Rivas e Patiño sorrín, pero o camareiro, sen inmutarse, marcha. Eles, expectantes, agardan en silencio o seu regreso. O camareiro fala co seu compañeiro que está tras da barra e volve á mesa ante a curiosidade dos mozos.

Camareiro: (Moi serio) Síntoo, pero só temos té, macela ou menta.

Lois: Unha mágoa, a ver se na próxima ocasión a teñen; é exquisita.

Camareiro: (Sen perder a compostura) Que desexa tomar?

Lois: Tomarei un té.

Camareiro: Agora mesmo.

O camareiro volve á barra e os catro escachan coa risa. As súas gargalladas ecoan por todo o local e os dous camareiros ollan para eles con incredulidade: pensan que estes mozos galegos están un chisco tolos.

*******

Esta anécdota, recollida no libro de Marcos Calveiro, Lois Pereiro. Náufrago do paraíso. Biografía e antoloxía, serve como inspiración para o traballo proposto polo departamento de galego ao alumnado de 3º e 4º da ESO.

O traballo "Infusión de versos" consiste en escribir poemas de Lois Pereiro en obxectos insólitos que forman parte da nosa vida cotiá. Xa vos mostraremos o resultado!

Actividades para celebrar as Letras Galegas 2011

2011-05-11T11:00:00.026+02:00

Procedencia da imaxe

Ao longo das vindeiras semanas o Departamento de Galego, a Biblioteca e o Centro levaremos a cabo distintas actividades para celebrar as Letras Galegas e para difundir e gozar da obra de Lois Pereiro, autor ao que se lle adican no presente ano.

Aquí vos deixo un adianto:

Procedencia da imaxe

Concurso de Marcapáxinas de Lois Pereiro para o alumnado de 1º e 2º da ESO. Os únicos requisitos esixidos son que deben figurar o distintivo Letras Galegas 2011, o nome de Lois Pereiro e incluír verso(s) dun dos seus poemas.
Certame literario "Pedras Rubias 2011" para todo o alumnado. O relato debe comezar co primeiro verso do Poema de luz e sombras de amor resucitado (II): "Calculou ben o impulso e deu o salto".
Infusión de versos: Traballo e exposición feito polo alumnado de 3º e 4º da ESO. A que ten un título ben suxerente? Falarémosvos deste proxecto máis polo miúdo no seguinte post.
Maratón de lectura que se celebrará o venres 20 de maio. O libro escollido nesta ocasión é "Merlín e familia" de Álvaro Cunqueiro para conmemorar o 100 aniversario do nacemento do autor.
Representación teatral o venres 13 a cargo do noso grupo de teatro "Mutis polo foro".

Agora, xa sabedes, a participar!

Lois Pereiro, autor homenaxeado nas Letras Galegas 2011

2011-05-09T09:46:00.000+02:00

Lois Pereiro on Dipity.

A información empregada para facer a liña de tempo foi extraída, na súa meirande parte, do libro de Marcos Calveiro "Lois Pereiro. Náufrago do paraíso. Biografía e antoloxía".

Como ben sabedes, este ano as Letras Galegas están adicadas ao poeta de Monforte de Lemos, Lois Pereiro. Coñecido tamén como poeta maldito ou poeta punk, foi unha persoa da súa época, para o bo e para o malo. Coherente, comprometido, a súa poesía está impregnada de sinceridade, dolor e amor. Sempre é dificil separar a vida da obra dun poeta, neste caso resultaría imposible enterder a unha sen a outra.

Para saber máis podedes premer no enlace que está enriba do seu nome o co da Coordinadora ENDL.

Xogo de Tronos na pequena pantalla

2011-05-07T12:01:00.001+02:00

Procedencia da imaxe

Llega una serie de televisión basada en unos libros geniales, la saga Canción de Hielo y Fuego de George R. R. Martin. Los libros están muy bien, son muy largos (unas 600 ó 800 paginas cada uno) pero son muy adictivos y si empiezas el primero no podrás parar hasta terminarlos (en serio). Serán siete libros algún día, el primero, Juego de Tronos da nombre a la serie, el 5º tiene prevista su salida para este verano.

La acción sucede en Westeros, un mundo imaginario, de esos con gente a caballo dándose espadazos y una cierta cantidad de magia. Muy poca magia, de hecho sólo aparece un poco al principio del primer capítulo, para que veas que haberla, hayla, y ya está. ¿Qué es eso de que la magia es muy difícil de dominar, un arte arcano y complicado y luego aparecen magos en cada esquina? Pues no, de hecho casi todos los que dicen manipular las artes mágicas son unos farsantes.

Cuando te parece que va a ser lo típico al estilo de El Señor de los Anillos, con grandes gestas, heroes inmortales y malos malvadísimos, te sorprende con todo lo contrario: viles rumores, intrigas dentro de intrigas, los malos, en realidad no lo son tanto, y los que juegan limpio, normalmente juegan en inferioridad de condiciones, por pardillos.

Lo bueno de la serie:

La hace HBO que normalmente es garantía de calidad (Los soprano, Sexo en NY, A dos Metros Bajo Tierra, Roma, The Wire (Bajo Escucha), True Blood (Sangre Fresca). Estas series también os las recomiendo.
La trama, trata del juego de poder, de la lucha por un trono que el rey Robert Barateon ganó en una guerra a una dinastía de reyes de tres siglos. Su reinado es inestable aunque él ni se da cuenta. La gente intriga a su alrededor, se posiciona, aparta a otros intentando que no se note demasiado…
Los personajes son geniales. No son fáciles de entender al primer vistazo. Son gente complicada, con dobleces, con convicciones, y a veces con pasiones que no pueden evitar (o sí). Te sorprenderás cuando veas que te encanta Tirion Lannister, unos de los “malos” en principio.

Lo malo de la serie (que también lo hay, no quiero engañaros):

Demasiados personajes, al principio es fácil liarse y confundir quien es quien. Y en general el elenco es muy numeroso.

El casting, se puede mejorar, si leéis los libros lo entenderéis.

El estreno, en Canal+ el 9 de mayo, ¡No te la pierdas!

Carlos Vaquero (O profe de matemáticas).

Recital musicado de poesía de Lois Pereiro.

2011-05-05T08:24:00.000+02:00

Grazas a Normalización Lingüística, o pasado venres tivo lugar no noso centro un Recital Musicado sobre a poesía de Lois Pereiro a cargo de Manu Clavijo (voz, guitarra e violín) e David Taboada (teclados).

Se os poemas de Lois Pereiro chegan a nós e nos tocan de xeito certero o acompañamento musical non fai máis que acrecentar esa sensación. Ao alumnado encantoulle e ata conseguiron que cantara David.

Polina de Bastien Vivès

2011-05-02T19:08:00.000+02:00

Procedencia da imaxe

O 29 de abril é a data establecida polo ITI da Unesco para celebrar o Día Internacional da Danza. Nós sumámonos á celebración falando da última novela gráfica de Bastien Vivès que vén de editarse en España no pasado mes de marzo.

Nesta ocasión, este xove ilustrador do que xa temos falado con anterioridade, mergúllase no mundo da danza clásica a través da historia de Polina, desde os seus inicios con tan só 6 anos ata a súa xuventude con todas as horas de esforzo e renuncia que implican.

Déixovos un video musicado e outro donde o propio Bastien nos comenta como leva a cabo o seu traballo.

Estreno de "Tokio Blues" (Norwegian wood).

2011-04-30T18:48:00.004+02:00

Onte estréabase nos cines a adaptación da novela novela homónima de Haruki Murakami "Tokio Blues". Esta novela, a quinta escrita por el, foi a primeira editada en España e a que lle serviu para darse a coñecer no mundo occidental.

Mentres aterra nun aeroporto, Tóru Watanabe escoita unha vella canción dos Beatles (Norwegian wood, que dá título á novela) e retrocede no tempo para lembrar a súa xuventude nos convulsos anos 60, ao seu mellor amigo Kizuki e o seu suicidio, á moza de áquel, Naoko, coa que mantería unha relación tortuosa marcada pola súa fráxil saúde mental e a Midori, da que se namora pouco despois.

Nesta marabillosa novela xa hai moito do gran escritor que ten encandilado ao público, tanto do seu país como de Europa e América. O estilo impecable, que nos permite ver o mundo interior de pensamentos, dúbidas e sentimentos das personaxes como a través dun cristal traslúcido; a melancolía polo paso do tempo; ese certo "toque" surrealista/onírico das situacións e escenarios donde se desenvolven as súas historias.

O éxito acadado por Tokio Blues foi o comezo dunha carreira imparable. Amparado polas boas críticas e con auténticos fans lectores veríamos publicadas (en castelán) en poucos anos a maioría das súas obras. O pasado mes de febreiro, o seu último libro "1Q84" era editado en galego por Galaxía e no mes de marzo Murakami gañaba o XXIII Premi Internacional de Catalunya 2011.

Se aínda non lestes nada seu, na nosa Calixtina tedes "Do que estou a falar cando falo de correr" en formato papel e "Al sur de la frontera, al oeste del Sol" en formato dixital e podedes ler os tres primeiros capítulos de 1Q84 premendo no enlace que tedes enriba.

papel de MULLER de Papel: a exposición.

2011-04-28T08:44:00.002+02:00

papel de MULLER de papel on Prezi

Velaquí tendes o resultado da actividade programada para celebrar "Marzo, mes das mulleres traballadoras". É todo un luxo para lectoras e lectores do Instituto poder escoller entre as suxestións achegadas. Moitas grazas ás autoras e autores, compañeiras e compañeiros que colaborastes connosco con tanta ilusión e premura. Estamos moi satisfeitas ... Agora só queda ler... o papel de MULLER de papel...

Ana Mª Matute recibe o Premio Cervantes

2011-04-27T08:00:00.003+02:00

Ana María Matute

Con estes fermosos fragmentos e coa referencia ao mundo de Alicia, iniciaba e finalizaba o seu discurso a terceira muller en acceder a un asiento (K) na RAE, hai xa 15 anos. Esa muller convírtese tamén hoxe na terceira (detrás de María Zambrano e Dulce María Loynaz) en recibir o máis prestixioso premio das letras en lingua castelá, o Premio Cervantes.

Por suposto, falamos de Ana Mª Matute. Nacida en Barcelona en 1926, viu a súa infancia interrumpida, primeiro por unha enfermidade grave e logo pola guerra e a postguerra, pero a pesares diso ou quen sabe se por mor diso descubriu unha vocación temprana pola literatura. Sendo aínda unha nena escribía contos e con só 17 anos remataría a súa primeira novela.

Combinando a fantasía coa realidade social, os reis de mundos olvidados cos soldados que choran pola noite, foi creando un universo e un estilo propio que lle levaron a acadar o prestixio internacional e nacional que se merece.

Se queredes profundizar na súa vida e/ou obra só tedes que premer no enlace co seu nome. Se queredes ler o discurso completo da entrada na academia podedes facelo ademáis a través do blog Bibloranca.

Déixovos coas súas palabras.

Nada de Janne Teller

2011-04-25T13:55:00.000+02:00

Coñecín este libro mentres me mergullaba pola blogosfera e pronto me chamou a atención a polémica que o rodeaba: a súa prohibición en certas zonas de Dinamarca e Noruega, a resistencia dalgunhas librerías francesas a vendelo, a reticencia a editalo despois de encargalo e, como non, a inquietante frase da súa portada

NADA IMPORTA, HACE MUCHO QUE LO SÉ ASÍ QUE NO MERECE LA PENA HACER NADA, ESO ACABO DE COMPRENDERLO.

Así comeza a historia dunha clase de séptimo na que un bo día Pierre Antón solta esta sentencia e deixa aos seus compañeiros devanando os miolos para atopar a maneira de demostrarlle que está equivocado.

Para iso idean facer unha ofrenda de cousas que teñan significado, que importen. Ao principio o significado será material para pouco a pouco ir incorporando significantes máis abstractos como a familia, a relixión, a patria ou o sexo.

Pero a dor de desprenderse de algo que dá sentido as súas vidas lles leva a unha vertixe da que xa non haberá retorno.

O absolutismo das maiorías e os extremos aos que poden chegar para non escoitar as verdades que lles escocen ou ás que temen; a forma na que se dilúen as responsabilidades e o sentimento de culpa nos grupos e o baleiro de valores na sociedade actual son lecturas de fondo inevitables.

Merqueino e lino. Por momentos tiven que parar a tomar folgos, a relaxarme da dureza e a crueldade que desprendían a pandilla de adolescentes protagonistas. Remateino e sentín a imperiosa necesidade de compartilo con alguén, de poder falar del con outra persoa, de soltar lastre. Leveino ao instituto e llo pasei a Susana, de Susana pasou a Elisa e logo Paula e agora Raúl... Queres ser o próxim@?

Día do libro e dos dereitos de autor 2011

2011-04-23T00:00:00.006+02:00

O 23 de abril, celebramos cada ano o Día Mundial do Libro e dos Dereitos de Autor.

Neste 2011 e para celebralo, o poeta galego Carlos Negro, agasallou ás Bibliotecas Escolares Galegas cun fermoso texto sobre O lugar da lectura, con el a Consellería de educación editou un marcapáxinas que podedes descargar aquí.

A min gustaríame aproveitar esta data para falar da revolución que está experimentando o mercado editorial coas novas tecnoloxías.

Desde que apareceron os primeiros lectores electrónicos e as tabletas que facilitaban a lectura dixital, comezaron a escoitarse voces catastrofistas sobre a desaparición do libro. Non sei que pensades vós, pero a min sempre me dá un pouco de repelús escoitar xeneralidades do tipo todo ou nada.

Está claro que algo está cambiando e tamén está claro que os cambios producen recelo e medo. Probablemente o mundo editorial como o coñecemos acabe desaparecendo e un novo modelo de compra/venda/aluguer de libros acabará xurdindo.

Manterase o libro en papel? Eu apostaría que si. Porque os amantes dos libros queren sentir o seu recendo, anotar a lapis nas marxes, pasar as follas. Porque hai xéneros como a banda deseñada, os contos e libros ilustrados, que non se entenden doutro xeito.

Ganará terreo o ebook? Sen dúbida. Pola gran vantaxe do seu almacenamento. Porque cada vez máis xente vive en espazos reducidos e o volume dos libros supón un problema. Porque (en teoría) a edición dixital debería abaratar o prezo. Pola súa movilidade. Por ecoloxía...

Neste video feito pola Enciclopedia Británica en 1947 estaban á última. Pero nos guste ou non hai que seguir evolucionando!

Para os/as que estedes interesados en coñecer algo sobre historia do libro e a súa evolución sería interesante que premérades neste enlace feito polo Instituto de Tecnoloxías Educativas (ITE).

Visitantes de luxo: Lola Gándara e Abraham Carreiro

2011-04-19T09:00:00.002+02:00

Antes de dar comezo as vacacións, tivemos a sorte de contar con dous visitantes de luxo.

Por unha banda, a escritora Lola Gándara, invitada polo departamento de Lingua Galega, veu dar unha charla ao alumnado de 2ºESO que está a ler un dos seus libros:"A escura luz do Tiber".

Da outra, a través de Normalización Lingüística, o alumnado de 1º da ESO recibiu unha interesante master class de introducción ao debuxo de banda deseñada a cargo do debuxante de cómic Abraham Carreiro.
Abraham deunos unhas pautas básicas a seguir no debuxo do rostro para transmitir sentimentos de alegría, noxo, tristeza, sorpresa, etc. Así como indicacións para semellar movemeto nas figuras. Despois da charla foi tan amable de acompañarnos ata a biblioteca donde lle mostramos a nosa recente comiteca e lle pedimos algunha suxestión. Recomendounos Akira de Katsuhiro Otomo, o clásico que desencadeou a mangamanía en Europa e América e un dos seus ilustradores favoritos. Despediuse deixándonos no libro de honra unha fantástica adicatoria ilustrada!
Se queredes coñecer algo máis da súa obra premede aquí.

Contos e cinema. Próximo estreno de "Caperucita roja"

2011-04-16T12:50:00.001+02:00

Procedencia da imaxe

O estreno da adaptación americana do famoso conto de Charles Perrault "Carapuchiña vermella" está previsto para fin de mes.

Dirixida por Catherine Hardwicke (directora da saga Crepúsculo), con guión de David Johnson e protagonizada por Amanda Seyfried, Shiloh Fernández, Max Irons, Gary Oldman, Julie Christie, Virginia Madsen e Billy Burke, a película non ven precedida por unha boa crítica pois no argumento tómanse numerosas licenzas: triángulos amorosos, homes lobo, sacrificios, ciumes,...

Aquí tedes o trailer para ir facéndovos unha idea.

O das adaptacións dos contos ao cinema non é de agora. Xa sexa en películas de animación (todas as de Walt Disney, por exemplo) ou ficción, a maioría dos relatos infantís e xuvenís teñen unha ou varias versións na gran pantalla.

Procedencia da imaxe

O ano pasado, tamén no mes de abril, estrenábase "Alicia" de Tim Burton baseada nas obras "Las aventuras de Alicia en el país de las maravillas" e "A través del espejo" de Lewis Carroll.

Procedencia da imaxe

Tamén a obra de J.M. Barrie, que cumple o seu 100 aniversario en 2011, foi levada ao cine moitas veces con maior ou menor fortuna. Quédamonos aquí coa versión de Steven Spielberg de 1991 "Hook" na que un Peter Pan adulto interpretado por Robin Williams regresa ao país de Nunca Xamáis para pelexar de novo co Capitán Garfio (Dustin Hoffman) e rescatar ao fillos de Campanilla (Julia Roberts) ou a máis recente "Descubrindo Nunca Xamáis" do 2004 e protagonizada por Johnny Depp e Kate Winslet que reflicte de xeito ficticio a relación entre J.M. Barrie e a familia Llewelyn Davies, na que supostamente se inspiran as personaxes do libro.

Por último, para xuño de 2012 está previsto o estreno dunha adaptación do conto dos irmáns Green, "Branca Neves".

Tamén len... con Rosa Vila

2011-04-14T21:12:00.003+02:00

Onte tivemos unha sesión de tamén len moi especial. Visitábanos Rosa Vila, exmestra do C.P.I. Altamira donde foi compañeira nosa e profe dunha gran parte de vós, os alumn@s que estades agora en 4ºESO, nada máis e nada menos que durante catro cursos: 3º, 4º, 5º e 6º de primaria. Notouse, tanto Rosa como vós estabades emocionados.

As lecturas estaban cargadas de lembranzas; fragmentos de "Dúas bágoas por Máquina" de Fina Casalderrey, "Aydín" de Jordi Sierra i Fabra e "Memorias dun neno labrego" de Xosé Neira Vilas que lérades xuntos daquela.

Rosa tamén nos leu citas sacadas do libro de Michel Barlow "Diario de un profesor novato". Gustoume especialmente unha que dicía: "Un alumno no es un vaso que llenar sino una chispa que encender".

Por último, recomendouvos un libro, "El mundo de Sofía" e se despediu falando de futuro coas fermosas verbas do poema de Mario Benedetti "Lento pero viene".

Logo nós tivemos que marchar e vós quedáchedes en intimidade para compartir fotos e videos de aqueles tempos (para mostra a foto que tedes enriba).
Entrañable, tenra, e tan encantadora como sempre. Foi todo un pracer volverte ter con nós Rosa!.

Poesía e Primavera. O resultado!

2011-04-09T13:37:00.001+02:00

Á nosa Calixtina xa chegou a primavera!

Coa escolma de poemas e flores que nos deixáchedes a través dos comentarios do blog e coa colaboración do IES San Paio de Tui, enchemos de poesía, cor e alegría o espazo da nosa biblioteca. Desexando que ata vós chegue o arrecendo das flores, feliz primavera!

Poesía e primavera: unha flor, un poema on Prezi

Papel de MULLER de Papel: Participación.

2011-04-07T09:20:00.002+02:00

O equipo de biblioteca e os MQs estamos sumamente agradecidos pola resposta amosada polos autores, profes e exprofes aos que nos diriximos para pedirlles a súa colaboración no proxecto co que celebramos o 100 Aniversario do Día da Muller: "Papel de MULLER de Papel".

No caso de moitos dos escritores que colaboran neste proxecto, dicirvos que aos rapaces lles fascinou a vosa cercanía nas mensaxes que intercambiáchedes.

Solicitámosvos unha recomendación de lectura con protagonista e/ou autora feminina e pregámosvos que nos enviarades unha foto e que nos explicásedes brevemente por que escollerades ese título. As nosas espectativas resultaron desbordadas. Os autores recomendados pertencen a máis de 15 nacionalidades diferentes. Entre a escolma hai novela, poesía, diarios, epístolas...

En breve montaremos a exposición e vola mostraremos desde aquí, mentres, e por se estades buscando qué ler, aquí tedes unhas marabillosas suxestións.

Como aínda non temos o poemario "Todas as mulleres que fun" de Andrea Nunes Brión recomendado por Sechu Sende, vos deixamos esta videocreación cun dos seus poemas.

Videocreación "Todas As Mulleres que fun" from as candongas do quirombo on Vimeo.

A semana das curtas

2011-04-04T09:00:00.002+02:00

Procedencia da imaxe

Hai xa un mes que tivo lugar a "Semana das curtas" pero con tódalas actividades do Marzo en feminino nos fumos retrasando, como din que nunca é tarde...

Na semana do 28 de febreiro ao 4 de marzo levouse a cabo a I Edición da Semana das Curtas, organizado polo ENDL do IES Audiovisual de Vigo en colaboración coa Coordinadora Galega de ENDL, o seu obxectivo consiste na difusión da creación audiovisual galega entre a xente máis nova ao tempo que se promociona o uso do galego a través de canles atractivas para a mocidade.

O festival estaba organizado en sesións dunha hora ao día durante unha semana, nas que o alumnado accedía a través da rede á proxección de curtas, algún video musical dun grupo galego e algún documental sobre o emprego da nosa lingua extraído da web eufalo.tv.

Só nesta primeira edición participarón ao redor de 80 centros e máis de 11.000 alumnos/as.

Procedencia da imaxe

Os resultados das votacións, a través do blog, deron como gañadora a curta titulada "Tourettes" cun 32,92% dos votos.

Para os que nolas perdemos sempre nos queda o Festival de Cans, na parroquía do Porriño, que xa vai pola súa VIII edición. De seguro que moitas das curtas chegarán alí con todo o seu "agroglamour".

Día internacional do libro infantil

2011-04-02T17:00:00.001+02:00

Procedencia das imaxes

No ano 1967 o IBBY (International Board on Books for Young People) escolleu o 2 de abril como o Día International do Libro Infantil por seren a data de nacemento do escritor de contos Hans Christian Andersen. Este ano os autores das ilustracións e os textos do cartel son Jüri Mildeberg e Aino Perulk, ambos de Estonia.

Un bo día, sen dúbida, para lerlle un conto a alguén.

E vos deixo coa versión animada e galega dun dos contos máis famoso e fermoso de H.C. Andersen, "O soldadiño de chumbo".

Comezamos abril cun desexo: "Be happy" de Monica Sheehan

2011-04-01T09:00:00.000+02:00

Be happy (sé feliz) é un pequeno libro ilustrado de Monica Sheehan, editado por Malsinet na colección Libro amigo e publicado a finais do 2009.

Non se trata de ningunha novidade pero a súa mensaxe e a positividade que desprende tampouco pasan de moda. Aquí vos deixo a versión en video e xa sabedes... sede felices!

Poesía e primavera. As vosas flores e poemas

2011-03-30T09:00:00.000+02:00

Aínda que hoxe o día amanecera pouco primaveral, esperamos alegrárvolo mostrándovos o resultado das vosas aportacións de flores e poemas. A que quedou fermosa?

Cando propuxemos esta actividade abrímola á participación doutras Bibliotecas Escolares. No IES San Paio estaban a preparar unha actividade para celebrar o Día Mundial da Poesía e o Ano dos Bosques e nos convidaron a facer unha publicación conxunta que publicaremos en breve. Aquí están, desde Tui, todos os seus poemas e as súas fermosas árbores que adornarán en breve o noso mural-xardín.

Open publication - Free publishing - More anthology

Grazas a todos/as!

"Cando non lemos, a imaxinación desaparece"

2011-03-27T09:00:00.000+02:00

A través do blog de Soñando Cuentos, coñecemos este impactante anuncio televisivo canadiense feito pola Literacy Foundation.

Encántame!Nel podemos ver ás persoaxes dos contos clásicos hospitalizados e demacrados porque ninguén os le. A idea recórdame ao argumento de "A historia interminable" na que a nada invade Fantasía porque os humanos xa non lemos.

Moralexa: a importancia do fomento da lectura, cómo non!

Literacy Foundation: The Gift of Reading -... por hourigan

Biblioteca de profes "José Luís Calvo"

2011-03-25T11:45:00.000+01:00

Á volta de nadal comezaba a funcionar a Biblioteca de profes co nome de "Biblioteca José Luís Calvo" na honra do noso benquerido compañeiro.

Conta con fondos de Pedagoxía, Banda deseñada e Narrativa pertencente á Biblioteca do centro e máis coas aportacións temporais das recomendacións dos profes.

Tedes curiosidade por saber o que recomendamos? Pois abaixo podedes consultalo.

Agora só falta que José Luís poda finalmente levar a cabo a inauguración oficial. Agardámoste!

Recomendámosvos "La gramática del amor"

2011-03-23T08:00:00.000+01:00

Tras a fermosa ilustración da portada (Meritxell Ribas) e o suxerente título agóchase a primeira novela de Rocío Carmona, editora e vocalista do grupo Nikosia.

Argumento: Irene, unha moza de Barcelona, atópase nun internado británico. Os seus pais fai pouco que se separaron e vén de sufrir o seu primeiro desengano amoroso. Ridiculizada durante unha clase, toca fondo e bota a correr. O seu profesor de gramática sae tras ela e lle impón un sorprendente castigo, facer un curso de "Gramática do amor". Cada semana deberá ler un libro e facer un traballo que logo comentarán na tarde dos mércores.

O listado de libros que lle deben axudar a enfrontarse á vida e ao amor é:

1- "Al sur de la frontera, al oeste del sol" de Haruki Murakami. Con el adéntrase no mundo do primeiro amor, para comprender a súa importancia e as súas consecuencias.

"Somos o que queda de nós cando nos rompen o corazón por primeira vez"

2- "Orgullo y Prejuicio" de Jane Austen. Para reflexionar sobre o amor entre persoas de diferente extracto social e o fácil que é interpretar erroneamente os sentimentos dos outros.

3- "Carta de una desconocida" de Stefan Zweig. Para aprender a expresar os sentimentos sen medo ao rechazo.

4- "Ana Karenina" de León Tolstoi. Con el descubrirá a diferenza entre a pasión desenfrenada e os amores tranquilos.

5- "Las desventuras del joven Werther" de Goethe sobre os amores platónicos e o perigo de proxectar sobre os demáis as nosas carencias.

6- "Jane Eyre" de Charlotte Brönte que resalta a valentía e a decisión da protagonista.

7- "El amor en los tiempos del cólera" de Gabriel García Márquez sobre a importancia de atopar a persoa axeitada e de ser perseverante cando aparezan dificultades.

Parécenos un exemplo de literatura xuvenil intelixente. Un libro que serve de porta ou trampolín a outros libros, clásicos e contemporáneos, todo aderezado con citas ben escollidas e música ambiente. Gustounos e volo recomendamos.

Para saber máis podedes entrar no seu blog.

Poesía e primavera: unha flor, un poema

2011-03-21T08:00:00.001+01:00

Hai dous anos faciamos unha entrada adicada á primavera e á poesía. Para a nosa sorpresa resultou todo un éxito de participación. Este ano queremos repetir a experiencia pero con algunha modificación.

Queremos que todo o intituto, os profes e alumn@s, xente de outras bibliotecas escolares e TODOS OS VISITANTES nos axudedes deixándonos a vosa suxestión dunha flor/planta/árbore e máis o título dun poema. Coas vosas aportacións faremos un mural-xardín moi moi primaveral. Por suposto, canta máis diversidade mellor!

Aquí vai a miña aportación:Pensamentos e un poema de e.e.cummings.
Feliz Primavera!

Procedencia da imaxe

Allí donde nunca he viajado, felizmente
más allá de toda experiencia, tus ojos están en silencio: 
en tu gesto más frágil hay cosas que me cierran
o que no puedo tocar porque están demasiado cerca.  

Con sólo mirarme me liberas 
aunque haya estado cerrado como un puño 
tú siempre me abres pétalo a pétalo 
como la primavera abre 
(tocándola en forma diestra y misteriosa) 
su primera rosa.  

O si tu deseo es cerrarme
yo y  mi vida nos cerraremos hermosa, repentinamente
como cuando el corazón de esta flor imagina 
la nieve cayendo cuidadosamente por doquier; 
nada de lo que percibimos en este mundo iguala
la fuerza de tu intensa fragilidad,
cuya textura me somete con el color de sus campos 
retornando a la muerte y la eternidad con cada respiro.  

(No sé que tienes, que me cierras y me abres,
aunque algo me dice que la voz de tus ojos 
es más profunda que todas las rosas) 

nadie, ni siquiera la lluvia  tiene manos tan pequeñas.

e.e.cummings

Co País do Sol Nacente.

2011-03-17T08:00:00.000+01:00

"A gran ola de Kanagawa"

Da colección "36 vistas do Monte Fuji"

Katsushika Hokusai

Ante tanta destrucción, medo e tristeza como á que deben enfrontarse estes días as xentes do Xapón pouco se pode dicir, só acompañalos, aínda que sexa virtualmente, e mostrarlles o noso respecto e solidariedade.

Levámosvos no pensamento e no corazón.

Burkomanía

2011-03-16T08:00:00.000+01:00

Teño nas mans un cómic (sen texto) que ven de ser editado en España por Norma Editorial neste mesmo mes. Titúlase "Burkomanía" e pertence ao ilustrador belga JacPé.

O libro enfrenta en clave de humor a situación que viven, en algúns paises de relixión islámica, as mulleres que están obrigadas a usar o burka. O sorriso, en todo caso, é un sorriso agridoce.

O prólogo do libro fíxoo Anne-Marie Lizin, Profesora no Institut des Sciences Politiques de Paris, antiga presidenta do senado en Bélxica e Membro da Liga de Dereito Internacional das Mulleres. Comeza así:

" ¿Podemos reírnos de lo que no hace gracia?¿Reímos por no llorar?

La risa, en el caso del burka, nunca es franca y abierta, consecuencia de un humor contestatario y salvador. No puede serlo porque, bajo el burka, siempre hay una victima, una víctima real.

Hay millares de esas víctimas. Y lo sabemos, Soportan un comportamiento medieval del que no pueden ni imaginarse cómo quitárselo de encima, del que ni se atreven a soñar con ser liberadas, porque la lucha para la liberación tropieza con las estructuras sociales y mentales que tienen.

Para estas víctimas, la lucha no es teórica o ideológica, como puede ser en nuestros países, porque implica que cada una de ellas arriesgue su propia vida..."

E finaliza convidándonos a actuar para erradicar do mundo estas prácticas.

"Reir es saludable. Sobre todo cuando te lleva a actuar.
Actuar contra los hipócritas, a menudo hobres, que no "ven el problema".
Actuar para legislar el burka, para prohibir las lapidaciones, para prohibir los matrimonios forzados, actuar para convertir en intolerables todas estas prácticas en Europa y en todo el mundo".

Aquí tedes algunhas viñetas (os comentarios son meus). Paga a pena que lle botedes unha ollada.

burkamanía

View more presentations or Upload your own.

"Trece anos de Branca" en 1ºESO

2011-03-15T10:05:00.000+01:00

O alumnado de 1º ESO vén de ler o libro de Agustín Fernández Paz "Trece anos de Branca". Cádranos moi ben no Mes da muller, porque está protagonizada por unha moza. Isto é o que lles pareceu ás lectoras e lectores ...

Cine en feminino

2011-03-14T15:46:00.000+01:00

Tamén imos aproveitar o Mes da Muller para proxectar dúas películas "Quiero ser como Beckham" dirixida por Guinder Ghadha e "Million Dollar Baby" dirixida por Clint Eastwood, e traballar as súas respectivas unidades didácticas.

O IES Pedras Rubias pon os lentes violetas

2011-03-11T19:24:00.000+01:00

Durante o mes de Marzo o IES Pedras Rubias realiza varias actividades con motivo do Día Internacional da Muller Taballadora e coa finalidade de fomentar a igualdade de xénero.

Se o curso pasado adicamos este mes a visualización da muller en diferentes campos do coñecemento e da arte ao longo da Historia a través da Exposición “Coñéceas”,este ano queremos tomar conciencia da discriminación cara a muller poñendo os “lentes violetas”.

Así, baixo os títulos “No IES Pedras Rubias vemos o mundo violeta” e “Pon as gafas violetas…e acaba coa actitude machista”, elaboramos carteis con noso alumnado como protagonista.

A actividade está inspirada no libro “O diario violeta de Carlota” de Gemma Lienas, proposto como lectura voluntaria dende áreas como Educación para a Cidadanía Lingua Galega e Titoría.

O libro trata de facernos conscientes da discriminación cara a muller na nosa vida cotiá e noutras sociedades e culturas e crear un espiritu crítico ante as desigualdades entre homes e mulleres.

As vosas denuncias e propostas de igualdade quedarán pegadas no papel do corredoiro da pranta baixa.

Trataremos pois de denunciar e aplicar a regra da inversión para construir un Mundo máis xusto.

Irma

Tamén len... con Mónica Vizcaya

2011-03-10T18:38:00.000+01:00

Neste mes de "Marzo en feminino", quixemos convidar á nosa sesión do Tamén len a Mónica Vizcaya, Concelleira de Benestar e Igualdade do Concello de Salceda de Caselas.

Mónica estivo connosco hoxe no recreo e falounos sobre o proxecto do "Banco de tempo". Leunos diferentes definicións do que pode ser un Banco de tempo máis unha breve historia de cómo xurdiu e evoluiu esta idea. Logo falounos da súa implantación e funcionamento no noso concello.

Resaltou a confianza e o compromiso como valores realzados por este proxecto e tamén a posibilidade que ofrece para romper cos estereotipos profesionais: sempre que poden, e alguén solicita un usuario para que lle ensine unha tarefa que tradicionalmente se considera masculina, procuran mandar unha muller, e viceversa.

Grazas pola túa visita!

Engánchate á lectura con... Laura Gallego

2011-03-09T19:09:00.000+01:00

Folga dicir que se pensamos nunha escritora xuvenil española que leve arrasado nos últimos tempos, o máis probable é que o nome de Laura Gallego sexa o primeiro en virnos á cabeza. Pero, por se non a coñecedes, aquí vos deixo unha presentación coa súa biografía e obra xuvenil (ademáis ten publicados algúns contos infantís).

Laura Gallego

Para máis información visita a súa páxina, desde onde podes ler ou descargar os primeiros capítulos de case tódolos seus libros.

Estaremos pendentes da saída do seu novo libro no mes de outubro, seguro!
Vós xa nos deixarades a vosa opinión sobre o seu libro "Finis Mundi" en outra entrada do blog, desde entón, tedes lido algo máis dela? Compartídelo con nós.

No Día da Muller sobran as palabras

2011-03-08T09:01:00.000+01:00

Esta é a nosa muda homenaxe neste día especial e, por suposto, que non falte o humor.