29/10/19

Curso 2019-2020

Día das Bibliotecas 


Para celebrar o día das Bibliotecas, o xoves 24 de outubro tivo lugar durante o recreo unha lectura de poemas e fragmentos en prosa dalgunhas obras de Ricardo Carballo Calero, autor ao que se dedica O día das Letras Galegas 2020.  

As obras escollidas foron os poemas Ferrol, Reticencias, Se Avalon ou a illa das Mazás, Verdadeiro poeta foi, e María Silencio. Tamén se leron os fragmentos Francisco e Aurelia de Scorpio.

Fixeron quendas para ler as estrofas dos poemas e os textos en prosa o alumnado voluntario dos seguintes cursos:  
1ºA: David e Jennyfer 
1ºC: María, Guille, Ana, Ainhoa, Saúl e Mara
1ºD: Izan, Antón, Pablo, Raúl e Ylenia
2ºD: Nerea e Rubén (presentador do acto) 
3ºA: Sara Usera e Iván
3ºC: Aldara e Hugo
4ºA: Sara e Rocío
4ºB: Jenny e Leimy (presentadora do acto) 







28/10/19

Curso 2019-2020

Tamén len 


O mércores 23 de outubro inauguramos o Tamén len deste novo curso escolar. Anabel Rey, profesora de Educación Física do CEP Altamira veu visitarnos para compartir as súas lecturas con nós. 


Anabel leunos o libro Guay de Harold Jiménez Cañizales e algúns fragmentos do libro Valores de oro. Como Leo, Cristiano, Marta y otros 8 niños alcanzaron su sueño de Cristina Núñez Pereira. 


Despois da lectura houbo tempo para preguntas e para lembrar os cursos nos que Anabel foi a súa profesora en Primaria. Este encontro foi especialmente emocionante para o alumnado de 1º da ESO. 


Dámoslle as grazas por participar no Tamén len e desexámoslle moita sorte neste curso que empeza! 

10/10/19

Curso 2019-2020

Entrega de diplomas ao voluntariado da Biblioteca 


Coa fin de inaugurar o curso escolar na nosa Biblioteca, comenzamos coa entrega de diplomas aos voluntarios e voluntarias do curso pasado, desexando que sigan a colaborar con nós. Botamos en falta aos que xa marcharon do noso IES pero prometeron que virán visitarnos algún día. ¡Moita sorte a todos e a todas e bo comenzo do curso! 




25/6/19

Curso 2018-2019

Tamén len 

O xoves 13 de xuño Xoán González Leirós, ex-profesor de Xeografía e Historia no noso IES, veu visitarnos para participar no último Tamén len deste curso

 
En primeiro lugar leunos o poema Miriam incluido no libro de Ernesto Cardenal Antología Poética, que foi seguido de outros 5 poemas do mesmo libro. 


Despois continuou co libro Obras completas de Fernando Pessoa e leunos un poema das Poesías de Álvaro de Campos. 
E xa para rematar leunos 3 poemas de Cantiga nova de Álvaro Cunqueiro, includa no volume Obra en galego completa 


Ao rematar a sesión houbo un pouco tempo para preguntas e reencontros. Desexámoslle moita sorte no seu novo IES! 

 

29/5/19

Curso 2018-2019


Tamén len con Liber, Mar e Tessy 



O venres 10 de maio contamos no Tamén len coa presenza de Liber, Mar e Tessy, ex-profesoras do noso IES. 
Foron presentadas por algúns e algunhas dos seus ex-alum@s, o que deu pé para lembrar anécdotas e lembranzas do seu paso polo noso IES.
























En primeiro lugar leu Liber un relato curto, Seique, dos incluidos no libro Tu contas, eu conto de Susana Sánchez Aríns, que fala do acoso machista a unha rapaza durante a proxección dunha película na oscuridade do cine.



A segunda lectora foi Mar, que nos leu un fragmento do libro A lingua das bolboretas de Manuel Rivas, fragmento no que o autor narra os preliminares e a chegada á escola do protagonista, cos seus medos e inquedanzas.



Tessy foi a encargada de finalizar este Tamén len co conto A mellor sopa do Mundo de Susana Isern e Mar Ferrero, coa historia da rica sopa que conseguen cociñar un grupo de animais grazas a traballar en equipo.




            Finalmente houbo un turno para preguntas sobre os seus novos centros e moitas mostras de cariño.         

  



Esperamos que volvan a facernos outra visita moi pronto. ¡Moita sorte nos seus novos IES!


25/4/19

Curso 2018-2019


Tamén len 

O mércores, 3 de abril visitounos no Tamén Len Nacho Patiño, veciño de Parderrubias que combina o seu traballo como Director dun Centro Deportivo coa actividade de adestrador de balonmán. Cando se lle propuxo participar, brindouse encantado xa que o unen ao noso centro tanto relacións persoais como profesionais.  




En primeiro lugar leunos os poemas Caminante, Retrato e La Saeta do libro Campos de Castilla de Antonio Machado, seguidamente leunos un fragmento do libro Jugar con el corazón de Xecho Espar.



A lectura foi seguida dunha conversa co público, no que se atopaban rapaces e rapazas que querían facerlle preguntas ao seu adestrador. Contáronse anécdotas e falouse do deporte e da cultura do esforzo, imprescindible esta última para acadar resultados.



13/3/19

Curso 2018-2019

Tamén len 

O xoves 21 de febreiro visitounos Yolanda Lorenzo, ex-alumna e bloguera de moda, que nos leu o relato Valiente do libro Casi sin querer de Defreds





Tomando como punto de partida a obra deste autor, moi coñecido nas redes sociais, esta xuntanza estivo orientada cara a este tema e Yolanda explicou ao alumnado asistente o funcionamento da rede social Instagram, onde ela leva a cabo o seu traballo publicitario e contestou ás dúbidas que xurdiron durante a conversa.  


Deexámoslle moita sorte na súa traxectoria profesional. 

6/2/19

Curso 2018-2019

Tamén len 

O pasado xoves 31 de decembro tivemos con nós no Tamén len a Ana Sío, ex-profesora de Física-Química do noso IES, que nos leu un fragmento da obra Cartas de una pionera de Elinore Prut Stewart


O alumnado de 4º estivo contento de volver a atoparse coa súa antiga profesora, houbo preguntas, conversacións e algún momento emotivo. 

 

1/2/19

Curso 2018-2019


Charla de Francisco Castro e Amparo Rodicio

O pasado 25 de xaneiro, grazas á Editorial Galaxia, o alumnado de 3º e 4º de ESO recibiu toda unha lección de vida de mans de Francisco Castro, autor de Iridium, e Papu (Amparo Rodicio), neuropsicóloga que desenvolve o seu labor na Asociación de Dano Cerebral Alento.



Entre xogos e risos conseguiron facer visible as causas e as consecuencias do dano cerebral adquirido, pero sobre todo fixéronnos reflexionar sobre o inxustas que son as etiquetas que se poñen e o dano que poden causar.

Lograron transmitir a necesidade de normalizar o dereito das persoas que padecen DCA, evitando o uso desas etiquetas, xa que coma todas e todos son persoas que aman, que gozan, que rin, que soñan...

14/12/18

Curso 2018-2019

Tamén len 

O pasado xoves 29 de novembro o Tamén len tivo o pracer de contar con D. José Rodríguez Martínez e coa súa dona, Dna. Concha. 

Recentemente, o concello de Salceda homenaxeouno cun acto onde o nomeou salcedense distinguido, e o IES Pedras Rubias quixo aproveitar a súa sabiduría que os anos, a experiencia, en definitiva, a vida, lle concederon.


Ademais de lernos unha carta dirixida á súa nai de hai un século, D. José compartiu moitas outras misivas e respondeu ás preguntas do alumnado. De especial valía foi o seu testemuño sobre a educación, a emigración e diferentes anécdotas e datos de distintos momentos da historia salcedense que o noso homenaxeado viviu.

"Catapún" no Tamén len

28/11/18

Curso 2018-2019

Ida Vitale, Premio Cervantes 2018 




O IES Pedras Rubias súmase a celebración do premio Cervantes desta edición concedido a poetisa uruguaya Ida Vitale nacida en Montevideo en 1923. Pertence á denominada "Generación del 45", e cunha poesía esencialista busca indagar na alquimia da linguaxe cunha percepción sensorial de raíces simbolistas que se manifeste mediante conceptos precisos.

Nun primeiro momento algúns dos profesores do instituto animáronse a recitar algúns versos seus. Máis adiante será o alumnado quen trate de achegarse a súa poesía, polo que serán invitados/as a recitar poemas seus que iremos colgando ao longo do curso.

E finalmente esperamos organizar un recital de poesía arredor da súa obra alá polo mes de abril, cando o día 23 Ida Vitale veña a recoller o premio Cervantes.

"En el dorso del cielo"


 "Mes de mayo"



5/11/18

Curso 2018-2019

Día das Bibliotecas 

Lectura de textos na Biblioteca 

Para conmemorar este día, no recreo do xoves 25 de outubro tivo lugar unha lectura de distintos textos en galego.

A PRESENTADORA do evento foi Yashira Álvarez (4º B)


O primeiro texto que se leu foi un fragmento de A lingua das bolboretas de Manuel Rivas. 
Os lectores foron Daniel Rodríguez (3º B) como narrador e Víctor M. Moreda (4º B) coma o mestre.



O segundo texto foi Noite de voraces sombras de Agustín Fernández Paz. 
Con Ariadna Álvarez (4º C) no papel do narrador e Irene del Río (3º A) como lector da carta do tío. 


O terceiro texto foi O lapis do carpinteiro de Manuel Rivas con Pablo Almeida (4º B) coma o pai e  Paula Domínguez (4º B) coma o narrador. 


O cuarto e último texto lido foi un fragmento de Agosto do 36 de Xosé Fernández Ferreiro. 
Con Yoel Oliveira (4º C) coma o narrador, Nerea Estévez (4º C) coma o personaxe 1 e Noelia Fernández (4º B) coma o personaxe 2. 


25/10/18

Curso 2018-2019

   24 de outubro Día das Bibliotecas 

                Tamén len 

Coa fin de conmemorar o día das Bibliotecas Escolares, o mércores no recreo veu visitarnos Ángeles Collazo, profesora e encargada da biblioteca do colegio de primaria Altamira. 

Ángeles leunos un fragmento da obra de Gabriel García Márquez Cien años de soledad.


Todos os asistentes estaban moi contentos e emocionados por volver a encontrarse coa súa profesora de Primaria. Houbo moitas mostras de cariño e moita emoción. 


Esperamos que volva pronto a visitarnos outra vez. 

13/10/18

Curso 2018-2019

Comenzo do curso 2018-2019

Entrega de diplomas ao voluntariado da Biblioteca

Comenzamos o curso coa nosa directora facendo entrega dos diplomas aos voluntarios e voluntarias que colaboraron na organización da Biblioteca do noso IES durante o curso 2017-2018.


Moitas grazas aos participantes e esperamos seguir contando con vos durante este novo curso.

11/6/18

TERRITORIO DAS ARTES



Territorio das artes é o lema escollido pola biblioteca para levar un proxecto multidisciplinar no que se desenvolven as intelixencias múltiples do alumnado.



Con esta idea, os departamentos de plástica, historia e música coordináronse na elaboración de distintos traballos que plasman a idea.





Como resultado deste labor conxunto, o alumnado do instituto implicouse e materializou, en diversas obras a súa concepción da arte. 

Realizando, en cada curso, un traballo de investigación, coordinación e elaboración do temario tratado durante o ano.
Así, a idea prantexada pola biblioteca deu como resultado unha exposición de traballos artísticos que amosan as diversas concepcións de arte e artistas.

Podes ver, neste enlace, o resultado final