14/12/18

Curso 2018-2019

Tamén len 

O pasado xoves 29 de novembro o Tamén len tivo o pracer de contar con D. José Rodríguez Martínez e coa súa dona, Dna. Concha. 

Recentemente, o concello de Salceda homenaxeouno cun acto onde o nomeou salcedense distinguido, e o IES Pedras Rubias quixo aproveitar a súa sabiduría que os anos, a experiencia, en definitiva, a vida, lle concederon.


Ademais de lernos unha carta dirixida á súa nai de hai un século, D. José compartiu moitas outras misivas e respondeu ás preguntas do alumnado. De especial valía foi o seu testemuño sobre a educación, a emigración e diferentes anécdotas e datos de distintos momentos da historia salcedense que o noso homenaxeado viviu.

"Catapún" no Tamén len

28/11/18

Curso 2018-2019

Ida Vitale, Premio Cervantes 2018 




O IES Pedras Rubias súmase a celebración do premio Cervantes desta edición concedido a poetisa uruguaya Ida Vitale nacida en Montevideo en 1923. Pertence á denominada "Generación del 45", e cunha poesía esencialista busca indagar na alquimia da linguaxe cunha percepción sensorial de raíces simbolistas que se manifeste mediante conceptos precisos.

Nun primeiro momento algúns dos profesores do instituto animáronse a recitar algúns versos seus. Máis adiante será o alumnado quen trate de achegarse a súa poesía, polo que serán invitados/as a recitar poemas seus que iremos colgando ao longo do curso.

E finalmente esperamos organizar un recital de poesía arredor da súa obra alá polo mes de abril, cando o día 23 Ida Vitale veña a recoller o premio Cervantes.

"En el dorso del cielo"


 "Mes de mayo"



5/11/18

Curso 2018-2019

Día das Bibliotecas 

Lectura de textos na Biblioteca 

Para conmemorar este día, no recreo do xoves 25 de outubro tivo lugar unha lectura de distintos textos en galego.

A PRESENTADORA do evento foi Yashira Álvarez (4º B)


O primeiro texto que se leu foi un fragmento de A lingua das bolboretas de Manuel Rivas. 
Os lectores foron Daniel Rodríguez (3º B) como narrador e Víctor M. Moreda (4º B) coma o mestre.



O segundo texto foi Noite de voraces sombras de Agustín Fernández Paz. 
Con Ariadna Álvarez (4º C) no papel do narrador e Irene del Río (3º A) como lector da carta do tío. 


O terceiro texto foi O lapis do carpinteiro de Manuel Rivas con Pablo Almeida (4º B) coma o pai e  Paula Domínguez (4º B) coma o narrador. 


O cuarto e último texto lido foi un fragmento de Agosto do 36 de Xosé Fernández Ferreiro. 
Con Yoel Oliveira (4º C) coma o narrador, Nerea Estévez (4º C) coma o personaxe 1 e Noelia Fernández (4º B) coma o personaxe 2. 


25/10/18

Curso 2018-2019

   24 de outubro Día das Bibliotecas 

                Tamén len 

Coa fin de conmemorar o día das Bibliotecas Escolares, o mércores no recreo veu visitarnos Ángeles Collazo, profesora e encargada da biblioteca do colegio de primaria Altamira. 

Ángeles leunos un fragmento da obra de Gabriel García Márquez Cien años de soledad.


Todos os asistentes estaban moi contentos e emocionados por volver a encontrarse coa súa profesora de Primaria. Houbo moitas mostras de cariño e moita emoción. 


Esperamos que volva pronto a visitarnos outra vez. 

13/10/18

Curso 2018-2019

Comenzo do curso 2018-2019

Entrega de diplomas ao voluntariado da Biblioteca

Comenzamos o curso coa nosa directora facendo entrega dos diplomas aos voluntarios e voluntarias que colaboraron na organización da Biblioteca do noso IES durante o curso 2017-2018.


Moitas grazas aos participantes e esperamos seguir contando con vos durante este novo curso.

11/6/18

TERRITORIO DAS ARTES



Territorio das artes é o lema escollido pola biblioteca para levar un proxecto multidisciplinar no que se desenvolven as intelixencias múltiples do alumnado.



Con esta idea, os departamentos de plástica, historia e música coordináronse na elaboración de distintos traballos que plasman a idea.





Como resultado deste labor conxunto, o alumnado do instituto implicouse e materializou, en diversas obras a súa concepción da arte. 

Realizando, en cada curso, un traballo de investigación, coordinación e elaboración do temario tratado durante o ano.
Así, a idea prantexada pola biblioteca deu como resultado unha exposición de traballos artísticos que amosan as diversas concepcións de arte e artistas.

Podes ver, neste enlace, o resultado final







6/6/18

Xadrez na biblioteca

TORNEO DE XADREZ “CABALO DE PEDRA 2018”
Na biblioteca do centro (espazo onde tamén se desenvolven ás clases desta materia)  e dende o luns 7 do mes de maio, estase a celebrar o torneo de xadrez “Cabalo de Pedra 2018”. Cun total de 40 participantes –alumnado e profesorado do IES-, desenrólase un emocionante torneo que está a espertar un grande interese que se concreta nun importante seguimento das partidas durante os recreos.

O torneo desenvólvese con enfrontamentos eliminitarios ao/á mellor de dúas partidas cunha partida máis de desempate no caso de ser preciso. Son cinco as/os participantes que chegaron a rolda final que determinará aos tres primeiros clasificados/as no torneo. A falta do enfrontamento final entre os que serán 1º e 2º clasificadas/os, neste días estase a disputar unha liguiña entre os/as 3 semifinalistas para o 3º posto.

A xaquear!... E que gañe a/o mellor!


Chus e Irma no "Tamén len"

Visitáronnos, no "Tamén Len", Chus e Irma. A nosa profe de inglés e a nosa orientadora, que agora están traballando en dous institutos de Vigo. E foi unha festa porque tiñamos ganas de velas e botámolas moito de menos.

O programa "Tamén len" sirve para achegarnos e coñecer a persoas que non están fisicamente no instituto e saber de cales son os seus gustos literarios pero, tamén, como neste caso, para voltar a entrar en contacto con persoas que estiveron neste instituto e, agora, por diversas circunstancias xa non están con nós. 

E ese foi o caso deste día.

Como non podía ser doutro xeito, a chegada de Irma e Chus, levantou gran espectación, tanto no profesorado como no alumnado porque deixaron aquí unha fonda pegada e todas e todos tiñamos ganas de saber como lles ía nos seus novos destinos.
Logo dos bicos e apertas, fixémoslle un recibimento musical, do que se encargou Uxía, que interpretou unha cantiga de Amy Winehouse, acompañandose coa súa guitarra.
A música é un lugar común de encontro no instituto e en Salceda.

Chus leu un capítulo do libro "Modelos de mujer" de Almudena Grandes e Irma optou por ler unha das fermosas  cartas entre Circe e Penélope do libro "Circe ou o pracer do azul" de Begoña Caamaño.

Ambas deixaron claro, coa súa elección, algo  que de sempre fixeron no insti: por en valor o papel da muller en todos os ámbitos da vida e a igualdade de xénero.

E, para iso, dúas grandes escritoras: Almudena Grandes e Begoña Caamaño, a primeira en castelán e a segunda en galego. E, ámbalas dúas, con valores firmes na búsqueda da igualdade entre mulleres e homes, na aceptación da diversidade e na necesidade da solidaridade entre as persoas.

En definitiva, Chus e Irma continúan a ser parte desas persoas coas que estás a gusto compartindo camiño.

Xa nos tarda a próxima vez que volten visitarnos.







23/4/18

Mónica Fernández no Tamén Len.


Visitounos, no Tamén Len, Mónica Férnandez, o 19 de abril.


Mónica, que é a orientadora do CEP Altamira, leunos fragmentos do Prin-cipiño,de Antoine de Saint-Exupéry. 

A historia do aviador e o neno de cabelos louros que se atopan no deserto, nunha fermosa edición con desplegables dos debuxos do autor. 


Unha boa escolla, tanto polo seu contido como por celebrarse o 75 aniversario da súa publicación.


Durante a lectura, e máis tarde no coloquio, gozamos da tenra empatía que Mónica e quen de mostrar cos seus antigos alumnos e alumnas do Altamira que asistiron á sesión.


Apertas, bicos, afectos e literatura son un feitizo poderoso que sirven de exemplo do que verdaderamente debe ser a aprendizaxe. Está claro que Mónica ben sabe diso.



Moitas grazas e ata sempre.










18/4/18

Lino Estévez no Tamén Len.


O 12 de febreiro, tivemos, no programa Tamén Len, a visita dun ex alumno, Lino Estévez, que é o segundo adestrador do equipo de futbol do Areas.


Lino leu fragmentos do libro "¿Cómo llegar al éxito: de fracaso en fracaso" do escritor Agustín Medina, mostrando que tanto no futbol, algo que ben coñece, como na vida é imprescindible saber xestionar os malos momentos para poder acadar os obxectivos que nos propoñamos.


Lino tamén botou man dun libro do Cholo Simeone titulado "Creer: el desafío de superarse siempre" que afondaba na importancia da motivación e a autoestima.

Foi importante ver patente que as boas lecturas son compañeiras desexadas, tamén, nos éxitos deportivos.

Pablo Soto no Tamén Len.

Coincidindo co Día da Paz, Pablo Soto, subdirector do Banco de Santander en Salceda de Caselas, visitounos no programa Tamén Len.

Elexiu para a ocasión un libro cunha historia tremenda da IIª Guerra Mundial: "El niño con el pijama a rayas". A narración, nos ollos de dous nenos, do Holocausto nazi.

Esta historia foi levada ao cine nunha película co mesmo nome que é unha das máis demandadas na sección de cine da nosa biblioteca.

Coñecer a historia é un dos obxectivos da educación, en xeral, e do noso instituto, en particular. Grazas, Pablo, pola túa visita.