21/6/12

Exposición cubista de 1º ESO




Os voso compañeiros de 1º curso da ESO fixeron unha serie de traballos que poden admirarse estes días no Instituto. Son representacións de algo semellante a un rostro humano, pero nun estilo e empregando unha técnica que lembra a dos pintores cubistas de comezos do século XX.

Trátase do “collage” ou “papiers collés”. é dicir “papeis pegados” en francés, unha técnica pictórica inventada por Picasso e Braque (os creadores do Cubismo) que consistía en reciclar materiais cotiáns, como textos e imaxes impresas, recortes de xornáis e revistas, etc, e engadilos ós cadros, deste xeito, subliñan o carácter autónomo da obra de arte respecto da realidade natural, non pretendendo reproducila mediante solucións plásticas tradicionais, senón elaborando un novo vocabulario plástico. Os cubistas rexeitaban que o pintor tivera que esmerarse en copiar a realidade  dun xeito naturalista, e por iso no dubidaban en apropiarse dos materiais que lles interesaban (fotografías, etiquetas de bebidas, follas de xornáis, etc.) para incorporalos sen máis ás súas obras de arte.


LUIS SEOANE, o artista galego que está sendo homenaxeado estes días na biblioteca do instituto, tivo unha etapa cubista moi influída pola obra de Pablo Picasso, e o uso de técnicas e recursos cubistas como o “collage” pódese apreciar sobre todo na súa obra pictórica. Invítovos a descubrir os seus resultados consultando os libros que podedes atopar na biblioteca sobre Luis Seoane, Picasso, Braque, Juán Gris e o cubismo, ou ben buscando imaxes da obra destes autores en Internet.

Nacho, profe de Educación Plástica.

20/6/12

Xulia Alonso visita o noso centro


 O 14 de maio do 2012 visitounos Xulia Alonso, autora de Futuro imperfecto e gran muller.

Nós, Karen Engster, Iria Alonso e Sofía Carracedo, xunto con Jessica Bonet, tivémo-lo honor de presentala cun texto no que expresamos as nosas impresións coa axuda da profesora de galego, Susana. Despois da nosa lectura, a autora moi emocionada deu inicio á charla.

Como era unha autobiografía, sentímola moi preto, casuou moita impresión en moitos de nós e ademais non se privou en contar a súa experiencia coas drogas, con Nico, o seu amor  e a enfermidade de ambos; sen olvidar a súa filla Lucía, causa pola que escribiu este libro, e así deixar constancia en papel e non permitir que a súa cabeza olvidara certos detalles.

De esquerda á dereita: Sofía, Karen, Iria, Jessica e Xulia Alonso
A súa presentación  foi amena, contounos algúns detalles máis que nos chegaron fondo.

Ó comezo das preguntas ninguén se atrevía a preguntar nada. Fíxose o silencio e... Mario de 3ºB, levántase e entrégalle un pequeno ramo como agradecemento de todo o aportado. Xulia emocionouse, e detrás dela fomos todos.

Finalmente, firmounos unhas profundas dedicatorias, nas que dicía que se sentira moi ben,  e moita xente entrogoulle ramos de flores coma un mínimo agradecemento pola súa presenza e proximidade.

                             Karen Engster, Iria Alonso e Sofía Carracedo, 3ªA


7/6/12

A viaxe dun libro, Barcelona 2012


Debuxo de Nacho Ruíz, profesor de Educación Plástica
acompañante na excursión de 4º ESO

Queremos inaugurar unha nova sección que etiquetamos co título “A viaxe dun libro” baseándonos na idea de que, se ben os libros nos transportan a lugares afastados, exóticos ou cercanos, pero a lugares aos que viaxamos coa mente; tamén hai libros que viaxan con nós, que fan viaxes reais e gardan un significado consciente ou inconsciente nesa experiencia na que nos acompañan e fan que teñamos máis información, maís emoción, unha ampla dimensión para facer introspección ou para saír de nós, sorprendéndonos case sempre.

Aproveitamos a aventura da viaxe de 4º ESO, para iniciarnos nunha viaxe tan íntima como colectiva, e aínda que pareza un pouco trivial, que mellor que escomezar cunha “Guía de viaxe de Barcelona”, tan práctica e da que tanto dependemos ás veces para situarnos…, pero tamén nos acompañan outras lecturas na mesma viaxe, a cada quen a súa…, como ese libro de Eduardo Mendoza “La ciudad de los prodigios”. É o noso desexo compartilo con vós a través da crónica que fixemos os profesores acompañantes, con prosa, versos, imaxes, e coa participación dun programa radial dos alumnos que viviron esta experiencia con moita graza. Esta visión se completará coa crónica da viaxe das alumnas de Taller de Prensa que están a elaborar un nº extra da revista do insti “As tamancas de pau”.

                                                                 A coordinadora da B.E.

A CRÓNICA DOS PROFES:
Relato Da Viaxe a Jaca e Barcelona Con Fotos

A CRÓNICA DO ALUMNADO:


5/6/12

Tamén len... con José Luís




Dicir “Tamén len” é dicir José Luis, e viceversa. Así o demostrou na sesión do “Tamen len” deste mes de Maio que nos ofreceu, como ese excompañeiro xubilado que segue a colaborar con nós e, sobre todo, a compartir as infinitas lecturas, a gran sabiduría, a arte da lectura comunicada oralmente, con esa memoria prodixiosa que lle permite contar e revivir capítulos enteiros de “Platero y yo” cos que nos emocionou en serio e en broma. 



Sirvan de exemplo eses cadernos onde garda dende 1981 o inventario das lecturas que fixo ata hoxe, que case rondan as 3000, adicándolle, cada mil libros lidos, tempo á relectura de “El Quijote”, pero tamén insiste en adicarlle tempo a reler as que considera lecturas fundamentais, esas que recibimos de xeito diferente nas diferentes idades ou momentos da vida e que tantas referencias nos ofrecen para desvelar todo tipo de misterios humanos, tan humanos.

Seguimos disfrutando e aprendendo contigo, grazas!