17/4/14

CONTACONTOS: Os SIAREIROS DA PALABRA saen de xira.

Os días 9, 10 e 11 de abril os SIAREIROS DA PALABRA do Club de Lectura saimos de xira para representar contos dos irmáns GRIMM para os maís pequenos dos CRA de Salceda, nunha actividade de CONTACONTOS programada este curso como colaboración entre o noso instituto e o CRA.


Foi un intenso traballo, pero estamos moi satisfeitos coa experiencia e ademais divertímonos un montón...



-Pasen e vexan no seguinte enlace:


13/4/14

Iª XORNADAS GASTRONÓMICAS


Como novidade, este curso, convocáronse as Iª Xornadas Gastronómicas, abertas á participación de todas aquelas persoas atrevidas cos fogóns, agora que está tan de moda a "Nova Cociña". Hai que dicir que foi un éxito, animou ás mañás e foi un exquisito xeito de dar enerxía neste final de trimestre. Destaca a masiva participación feminina, pero esperamos que para novas convocatorias "eles" se atrevan e sigan o bo exemplo de Fernando, quen presentou unha receita ben rica.

Iº CONCURSO GASTRONÓMICO
MESTRE DA COCIÑA


CULLER DOCE

CHUPAS AFRODISIACOS. Flori.
TRADICIÓN. Flori.
PEDRAS DULCES. Celia.
ESENCIA DE TRUFAS. Loli.
NEGRIÑOS. Begoña Conserxería.
CAPRICHOS. Paula E.Física.
BISCOITO BRANCO NEGRO. María José Matemáticas.


CULLER SALGADA

“PIONONO”. Chefa.
PAN DE QUEIXO. Susana.
PEDRAS SALGADAS. María José Matemáticas.
TORTILLA DE PRIMAVERA. María José Cafetaría.
PEDRAS RUBIAS. Fernando.


*Por orde de votación:

      
1º Premio Culler Doce: Chupas Afrodisiacos.
       
1º Premio Culler Salgada: Pionono.

2º Premio Culler Salgada: Pan de Queixo.

                       IES. Pedras Rubias.
                       Salceda de Caselas, Marzo 2014

12/4/14

TAMÉN LEN con María José na CAFETARÍA..



O luns 31 de abril María José, a quen todas e todos coñecemos pola súa amable atención aos requerimentos de todos na CAFETARÍA do instituto a diario, foi a nosa invitada  e quixo  compartir unha lectura no pequeno tempo do recreo lendo para nós a pasaxe final do libro de Laura Esquivel "Como agua para chocolate". Atractiva obra da que deixamos un fragmento en versión cinematográfica.














Nesta ocasión a sesión desenvolveuse entre o arrecendo do café quente, os bocatas de tortilla e chourizo e a mostra das cualidades culinarias doces ou salgadas que varios de nós quixemos compartir nun concurso promovido por Fernando dentro deste contexto no que aproveitamos para relacionar comida e literatura. Acompañounos tamén a exposición de libros de cociña...

Destacamos o momento da contribución de Begoña, a nosa conserxe, á decoración do lugar, xa que tivo o detalle de facer un particular agasallo. E dicimos particular porque é de elaboración artesanal. Pois se falamos de Begoña, estamos a falar dunha muller que o resolve todo e faino con arte. Ten destrezas plásticas e lle dá tanto á pintura, ao debuxo como a técnicas gráficas como este: 


DEBUXO TRANSFER EN MADEIRA:  
consiste en transferir un debuxo impreso a unha superficie, neste caso a madeira. Temos que imprimir o debuxo nunha fotocopiadora ou impresora láser en negro ou en cor, deberemos facelo en efecto espello.Necesitamos un verniz de transferencia que podemos atopar en tendas de manualidades. A técnica consiste en aplicar o verniz sobre a madeira e tamén sobre o debuxo que queremos transferir. Pegamos o papel na madeira coa cara impresa hacia abaixo, estiramos ben e deixamos secar, podemos acelerar o proceso secando con secador de pelo. Unha vez seco imos sacando o papel da fotocopia mollando cunha esponxa e frotando en movementos circulares ata eliminar todo o papel da fotocopia, quedando o debuxo que tiñamos no papel impreso gravado na madeira. Podemos terminar o traballo aplicando un verniz para madeira ou unha capa de cola branca.












Iª XORNADAS GASTRONÓMICAS

CONCURSO GASTRONÓMICO: MESTRE DA COCIÑA

                  Dou fe do exquisito das viandas, que algunhas elaboraron... 
                                               e outros/as probamos!!
                                          
                          Pequeno Menú mañaneiro


Entrante
Plato
Sobremesa



1/4/14

ZAZ, ou como viaxar a través da MÚSICA

Hai un tempo, Alba, unha alumna colaboradora e asidua da biblioteca, recomendounos a música de Zaz en relación ao tema das viaxes. Aquí deixamos este post para compracela e coñecer un pouco maís desta cantante.

Zaz é unha xoven cantautora francesa que se deu a coñecer nestes últimos anos. Cunha boa formación musical, fusiona a canción francesa co gypsy jazz. Presenta influencias do jazz, ritmos africanos e latinos. Ten unha voz potente que sabe rodear dun estilo fresco,   de letras con mensaxe e de gran simpatía. 

Viaxamos con ela polas rúas de París e destacamos este video dunha actuación en Montmartre:




ou a subida que fixo co seu grupo ao Mont Blanc, neste enlace a este blog de francés que ten moi boas entradas e materiais:

http://onchattefranc.wordpress.com/2014/01/23/quand-la-vitalite-et-spontaneite-de-zaz-se-melangent-a-la-nature/