28/2/11

Engánchate á lectura con... Agustín Fernández Paz

Iniciamos con este autor un novo apartado adicado aos escritores de literatura xuvenil con máis seguidores-lectores. Por que comezamos por Agustín Fernández Paz? Chegaría con dicir que porque é galego, porque os seus libros están dentro das lecturas recomendadas polos departamentos de galego e de castelán de todos os institutos, porque vos gusta, porque nos gusta... pero hai unha razón máis poderosa: Agustín Fernández Paz ven de ser nominado para recibir o Premio Hans Christian Andersen, probablemente o máis prestixioso premio de literatura infantil e xuvenil que algúns comparan co Nobel nese xénero. 
Aquí vos deixo un panel coa súa abundantísima bibliografía. Para ver as reseñas dos seus libros ou saber máis sobre el, premede enriba das imaxes.
Noraboa Agustín!


24/2/11

Un "Tamén len" moi musical

Onte 23 de febreiro visitounos na sesión mensual do "Tamén len" David Alonso, director da Banda Xuvenil de Música de Salceda. Escolleu para ler un anaco de "Galván en Saor" , de Darío Xohán Cabana, un dos seus libros favoritos segundo nos contou. Compartimos con el uns minutos moi interesantes escoitándoo falar de literatura e, como non, de música.

23/2/11

O namoramento en 3 cómics de Bastien Vivès.

Bastien Vivès é un escritor/ilustrador de banda deseñada francés de tan só 27 anos e que se está a converter en toda unha promesa neste xénero.

Os seus tres últimos libros publicados en España van sobre o mesmo tema: o namoramento. Cun estilo especialmente minucioso respecto das expresións e os xestos, consigue sen dúbida que vivamos as súas historias con tanta intensidade como se foramos os verdadeiros protagonistas.


En "El gusto por el cloro" o protagonista é un mozo que debe acudir á piscina por prescripción terapeútica para mellorar a súa escoliose. O que comeza como un deber vaise transformando pouco a pouco nun hobbie e máis tarde nunha necesidade... Alí namórase dunha nadadora e asistimos con el ás súas dúbidas, á ansiedade da espera dos mércores, ó seu desexo de volver a vela,...


No 2010 publicábase "En mis ojos". O protagonista (co que nos identificamos plenamente xa que as ilustracións só nos mostran o que entra dentro do seu campo visual) coñece a unha moza nunha biblioteca. Desde as niñas dos seus ollos presenciamos as miradas, os silencios, as conversas sen sentido e nos iremos namorando con el, participando de todos os sentimentos que acompañan o amor e o desamor.

Que entre o amor e a amistade hai unha estreita liña divisoria é ben sabido. Bruno e Francesca son amigos desde hai moito pero pouco a pouco os seu sentimentos vanse transformando. Este é o argumento de "Amistad Estrecha".


22/2/11

"Indignez vous!" agora en galego.


En outubro de 2010 editábase en Francia un libriño con a penas 32 páxinas titulado "Indignez vous!" de Stéphane Hessel. Cunha tirada inicial de 8000 exemplares, leva vendidos ata agora, só en Francia, máis de dous millóns de exemplares.

Este breve manifiesto invítavos a vós, os máis novos, a deixar de lado o conformismo e a apatía, a indignarse ante as desigualdades sociais, a pobreza, os totalitarismos e as diferentes formas de violencia que imperan nas sociedades actuais. Denuncia a despiadada dictadura dos mercados financieros e vos invita a reclamar unha verdadeira liberdade de prensa. Mellor vos deixo coas súas palabras...

"Chamamos aos xoves a facer vivir, a transmitir a herdanza da Resistencia e os seus ideais. Lles dicimos: tomade o relevo, indignádevos! Os responsables políticos, económicos, intelectuais, e o conxunto da sociedade non deben resignarse nin deixarse impresionar pola actual dictadura internacional dos mercados financieros que amenaza a paz e a democracia".
"Cando algo indigna, como eu me indignei co nazismo, entón nos facemos militantes, fortes e comprometidos. Hoxe os motivos para a indignación están menos claros nun mundo complexo, interdependente, interconectado, donde non é fácil saber quen goberna, quen decide en realidade, pero nese mundo, hai cousas insoportables. Para velas, hai que mirar ben, hai que buscar. Dígolle aos xoves: buscade un pouco, vádelas atopar. A peor das actitudes é a indiferencia, dicir: non podo facer nada, a min vaime ben. Comportándoos así perdedes un dos elementos esenciais que nos fan humanos: a facultade de indignación e de compromiso que é a súa consecuencia".
"Chamemos sempre a «unha verdadeira insurrección pacífica contra os medios de comunicación de masas que propoñen como horizonte para a nosa xuventude só o consumo en masa, o desprezo dos máis débiles e da cultura, a amnesia xeneralizada e a competición a ultranza de todos contra todos.
Aos que farán o século XXI lles decimos con afecto: CREAR É RESISTIR, RESISTIR É CREAR”.

Stéphane Hessel naceu en Berlín en 1917 e emigrou a Francia en 1925. De familia de orixe xudea, foi detido e deportado pola Xestapo en 1944. Pasou por varios campos de concentración e, ao rematar a guerra ingresou no servicio diplomático, participando na redacción da Declaración dos Dereito do Home. Desde entón ata agora, aos seus 93 anos, leva exercido de diplomático, escritor, poeta e político.

A traducción do texto ao galego por Fernando Moreiras, con prólogo de Manuel Rivas e editada por Factoría K, sairá á venda a principios de marzo.

E para que practiquedes o voso francés (sobre todo os de 4º, que xa queda pouco para París) aquí vos deixo a Hessel.


Stephane Hessel
Cargado por rue89. - Vídeos de noticias del mundo entero.

18/2/11

Ilustrado por... Shaun Tan.

Tiñamos pendente esta entrada desde que comezamos cos libros ilustrados e os/as ilustradores/as pero hoxe enterámonos de que a curta "The lost thing" baseada no libro homónimo de Shaun Tan, está nominada ao Óscar á mellor curta de animación, así que xa non o podíamos deixar por máis tempo.

Shaun Tan naceu en 1974 nun barrio residencial ao norte de Perth, Australia. Licenciouse na Universidade de WA en 1995 en Belas Artes e Literatura Inglesa e traballa como ilustrador, escritor, deseñador de escenografías e artista conceptual.

Entre os seus libros ilustrados destacan: "Cuentos de la periferia" (2008), "Emigrantes" (2006) con multitude de premios internacionais, "El árbol rojo" (2001) (tédelo en libros para ver e escoitar), "La cosa perdida" (1999) e "Los conejos" editadas en España, e "Memorial" e "The Viewer" sen editar no noso país.



A lectura-visión dos seus libros resulta sempre asombrosa e inquietante, as súas ilustracións oníricas e surrealistas impregnánnos dunha mestura desacougante de tristeza, estraneza e soidade. O propio autor define os seus libros como "libros ilustrados para nenos maiores", xa que tratan estilos inusuais e temas relativamente complexos, como o imperialismo colonial, a apatia social, a natureza dos recordos ou a depresión.
A súa obra ten inspirado curtas de animación, proxeccións musicadas e obras de teatro.

17/2/11

A Lei Sinde: a favor ou en contra?

Na última ceremonia de entrega dos Premios Goya, un dos momentos de maior audiencia foi sen dúbida o discurso de Álex De La Iglesia, Presidente da Academia de Cine, que dimitía uns días antes, despois de reunirse cos internautas , polo seu desacordo coa Lei Sinde.


O tema non é fácil, as descargas piratas de música, cine e libros fan caer as vendas en picado. Toda unha cadea de productores, editores, managers, músicos, escritores, actores, directores, productores, etc vense afectados pola falta de ingresos derivada dos dereitos de autor. Da outra banda, a xente que reclama un acceso gratuito á cultura ou, cando menos, máis ao alcance de tod@s.

Hoxe, mentres me movía pola rede, atopei un artigo de título sorprendente: "La piratería no existe" firmado polo escritor Juan Gómez Jurado.
Tedes aquí unha entrevista que concedeu á tve en Galicia.



Autor de obras como "El espía de Dios" o "Contrato con Dios", best sellers mundiais con máis de 3.000.000 de exemplares vendidos, e famoso pola discusión con Alejandro Sanz a causa deste tema, propón medidas intermedias como 1libro 1euro, na que podes descargar os seus libros dando a vontade.

O debate está servido. E ti, que pensas?

15/2/11

O último de Moccia, "Carolina se enamora"

E xa que estamos a voltas co amor, dicirvos que non hai nin un mes que saiu a derradeira novela de Federico Moccia: "Carolina se enamora".

Sinopse: Carolina é unha adolescente de 14 anos que divide a súa vida entre o instituto, a familia, os amigos e as festas, cos confictos xeracionais típicos da súa idade e que vai descubrir o primeiro amor e a sufrir tamén o seu primeiro desengano.

Ben seguro que será todo un éxito como os anteriores e as súas versións cinematográficas. Pero mellor volo conta o propio Moccia.


Más vídeos en Antena3


E se queredes gañar un exemplar, no blog "Atrapada entre libros" organizan un concurso. Para ler as bases e participar preme no nome do blog.

Decoración interactiva por San Valentín





Cando comezamos cos preparativos para a celebración do Día dos Namorados, os nosos MQs, coma sempre, puxeron a traballar o maxín para idear o concurso deste ano, o lema, o xeito de publicitalo e, como non, a decoración.

Decidiron facer un camiño de corazóns que nos levase ata a entrada da nosa biblioteca. Alí nos estarían esperando os libros e películas recomendadas para estas datas e as bases do concurso.

O que ninguén podía esperar era que espontaneamente todo o mundo quixera deixar a súa mensaxe escrita nos corazóns. Ás poucas horas non quedaba ningún libre. Todo un éxito, MQs!


14/2/11

Amor e agradecemento

Desde que nos mergullamos hai unhas semanas no mundo dos libros ilustrados e, en concreto, no universo de Jimmy Liao, as compoñentes deste equipo de biblioteca quedamos absolutamente rendidas á beleza das imaxes e á máxica tenrura que despertan as súas historias.
Tanto foi así, que nun ataque de osadía decidimos poñernos en contacto con el a través da súa editorial en España, Barbara Fiore. Esa mesma tarde rexistrabamos no blog unha visita desde Taipei (Taiwan), cidade natal do escritor/ilustrador. Coincidencia?... Pode ser.
Ao día seguinte tiñamos un mail confirmando que podiamos usar as súas ilustracións sen problema.
Hoxe, Día dos Namorados, estrenamos cabeceiras nos blogues da biblioteca e do Club de lectura. Agora o dificil vai ser que o contido non deshonre o nivel das ilustracións.
Queríamos dar as grazas igualmente a Lara, a nosa Lara, que foi a deseñadora do debuxo empregado ata agora.
Non nos queríamos despedir nun día como hoxe ser poñer a nota romántica e parécenos adecuado facelo cun poema de Wislawa Szymborska (Premio Nobel de Literatura 1996) co que comeza outro dos libros de Liao, "Desencuentros".

Amor a primera vista

Ambos están convencidos
de que los ha unido un sentimiento repentino.
Es hermosa esa seguridad,
pero la inseguridad es más hermosa.

Imaginan que como antes no se conocían
no había sucedido nada entre ellos.
Pero, ¿qué decir de las calles, las escaleras, los pasillos
en los que hace tiempo podrían haberse cruzado?

Me gustaría preguntarles
si no recuerdan
-quizá un encuentro frente a frente
alguna vez en una puerta giratoria,
o algún "lo siento"
o el sonido de "se ha equivocado" en el teléfono-,
pero conozco su respuesta.
No recuerdan.

Se sorprenderían
de saber que ya hace mucho tiempo
que la casualidad juega con ellos,

una casualidad no del todo preparada
para convertirse en su destino,

que los acercaba y alejaba,
que se interponía en su camino
y que conteniendo la risa
se apartaba a un lado.

Hubo signos, señales,
pero qué hacer si no eran comprensibles.
¿No habrá revoloteado
una hoja de un hombro a otro
hace tres años
o incluso el último martes?

Hubo algo perdido y encontrado
quién sabe si alguna pelota
en los matorrales de la infancia.

Hubo picaportes y timbres
en los que un tacto
se sobrepuso a otro tacto.
Maletas, una junto a otra, en una consigna.
Quizá una cierta noche el mismo sueño
desaparecido inmediatamente después de despertar.
Todo principio
no es más que una continuación
y el libro de los acontecimientos
se encuentra siempre abierto a la mitad.

De "Fin y principio" 1993.

13/2/11

No Día dos Namorados, un amor de película... ou de novela!

Wordle: dia dos namorados
No día dos Namorados non podiamos deixar de recomendarvos algúns libros e películas de temática amorosa.
Se premedes enriba das imaxes podedes acceder ás reseñan (no caso dos libros) ou aos trailers.

Que as disfrutedes!

12/2/11

Canciones para Paula: das redes sociais ao papel.



O outro día vos falabamos das novelas transmedia, que complementan o texto en papel con páxinas web, blogs, videos e outros recursos multimedia. Pero tamén estamos na actualidade ante o proceso contrario, novelas que xorden primeiro na internet e logo dan o salto ao papel; éste é o caso de "Canciones para Paula" de Francisco de Paula Fernández, coñecido co seudónimo Blue Jeans.

"Canciones para Paula" ou CCP xurdiu como unha fotonovela en Fotolog e de ahí pasou ás redes sociais onde se fixo con máis de 30.000 seguidores en menos dun ano, ata que a Editorial Everest a publicou en papel a finais de 2009.

Sinopse: Paula, unha moza a punto de cumplires os 17, enamórase por internet de Ángel, de 22. Cando deciden coñecerse en persoa, Ángel chega tarde á cita e Paula ten un fugaz pero intenso encontro con Álex. Ademáis Paula conta sempre coa inestimable compaña de "Las Sugus" as súas inseparables amigas.

Amor, desamor, mentiras, amistade, encontros e música unénse nesta novela xuvenil que nos mostra o mundo dos adolescentes e a súa relación con internet.
A finais de 2010 saía a segunda parte, "¿Sabes que te quiero?".

Como non podía ser doutro xeito, os libros contan con páxina web, blog, foro e CD coa banda sonora.

9/2/11

Tamén len con... Rafa Pérez Cabaleiro.



O pasado venres 28 de xaneiro reiniciamos as nosas sesión mensuais do Tamén Len, esta vez cun invitado moi especial, o noso ex-alumno Rafa Pérez Cabaleiro que rematou a ESO hai tres anos e foi probar fortuna como futbolista nas filas do Real Madrid. Na actualidade forma parte do equipo xuvenil do Celta.


Rafa leu un conto do escritor romántico José Espronceda titulado "La pata de palo"; narra o que lle aconteceu a un rico comerciante que quedou se unha perna. Manda facer facer ao mellor artífice de pernas de pau a mellor perna artificial que xamáis ninguén tivo. Unha perna que andase soa. O seu desexo foi cumprido. Así o seu egoísmo e a súa avaricia foron castigados condenado a vagar eternamente sobre a súa pata de pau.

Gustouvos?

En breve engadiremos a entrevista que lle fixo Laura.
Sonia.

7/2/11

Concurso polo día dos namorados: O amor nun flash



"Eros y Psique". Antonio Cánovas.


Coma todos os anos, e xa que se vai acercando a data, a biblioteca vos convoca a participar non novo concurso polo Día dos Namorados.
Nesta edición o lema é "O amor nun flash"... adiviñades por onde van os tiros... Pois si, para participar hai que entregar unha fotografía que represente o que é para vós o amor cun pé de foto explicativo. O prazo de entrega remata o 21 de Febreiro e as fotos podedes, ou ben entregalas directamente na biblioteca ou mandárnolas por mail ao noso enderezo: biblosvivos@gmail.com. Admítese tanto o formato dixital como en papel.
O premio, a risco de parecer repetitivas, segue a ser unha CEA ROMÁNTICA.
Para que vos vaiades poñendo en situación...


Contamos coa vosa participación!!

6/2/11

"El silencio se mueve" e "Proyecto Amanda": a narrativa transmedia está de moda!

Hai tempo xa que vimos observando como a narrativa xuvenil e as novas tecnoloxía se dan a man; novelas con banda sonora e páxina web, co fin de atraer a un público inmerso na cultura da imaxe e da internet. O fenómeno vai en aumento, agora os libros, xuvenís ou non, se complementan a través de videos colgados en youtube, ou se volven interactivos coa axuda de blogs e das redes socias, nuns casos para traspasar as barreiras da idade e noutros simplemente para aumenta-lo atractivo. Hoxe imos mencionar dous exemplos:



O "Proyecto Amanda", de Melissa kantor, é un conxunto de 8 libros, unha páxina web e os Fanzines "Endeavor".
No primeiro libro," Invisible", nos contan a chegada de Amanda Valentino ao Instituto Endeavor o día de Halloween e como vai transformar a vida dos que a coñecen ata a súa desaparición , tan só uns meses máis tarde.
Na páxina web (tedes o vínculo premendo no título) coñeceredes aos compañeiros cos que tivo máis trato, iredes seguindo as pistas e tentaredes explicar quén é, e qué lle pasou a Amanda.
Nos vindeiros libros prometen incluir fragmentos escritos polos lectores na páxina.


"El silencio se mueve" de Fernando Marías considérase a primeira novela transmedia española. Combina o texto cunha web, un cómic, un guión de cine, fragmentos de xornais, un nº de télefono disponible as 24h do día (91 4226192) e un blog.
Sinopse: "Juan Pertierra aprendeu do seu pai a escoitar o silencio, ou a lo menos eso di na súa páxina web. As veces a xente acode a el na busca de axuda para resolver misterios. Iso é o que fai Liza, unha muller preocupada polo mutismo da súa filla. Que terribles segredos do pasado sairán á luz? Unha novela de misterio que nos mergulla nun ambiente oscuro de traizóns e vinganzas".

3/2/11

Ilustrado por... Benjamin Lacombe

Benjamin Lacombe naceu en París en 1982 e estudiou na École Nationale Supérieure des Arts Décoratifs. O seu primeiro cómic foi editado cando só tiña 19 anos.

Coñecémolo a través das portadas de "La mécanica del corazón" y "La alargada sombra del amor", por álbumes tan marabillosos como "Los amantes mariposa", "Blanca nieves", "Genealogía de una bruja" ou as ilustracións de clásicos como "Los cuentos macabros" de E. Allan Poe ou "Notre-Dame de Paris" de Victor Hugo.

No caso de "Los amantes mariposa" ilustra a versión dunha antiquísima lenda chinesa, a tráxica historia de amor de Liang Shanbo y Zhu Yingtai, considerada como o Romeo e Xulieta oriental.

O seu derradeiro traballo editado en España é "Cuentos silenciosos" un pop-up delicioso con ilustracións adicadas aos seus contos favoritos. Colorín colorado a entrada ten rematado...

1/2/11

Ilustrado por... Jimmy Liao

Jimmy Liao naceu en 1958 en Taipei (Taiwán). Estudou Belas Artes e traballou no mundo da publicidade ata que aos cuarenta anos enfermou de leucemia, deixou o traballo e decidiu adicarse a escribir e debuxar as súas propias historias.
Os seus álbums contan con verdadeiros siareiros entre os lectores adultos e polo de agora leva publicados 17, dos que imos destacar:

"El pez que sonreía": Tedes colgado na columna da dereita, en libros para ver e escoitar, a curta de animación baseada neste álbum.

"Desencuentros": Unha moza e un mozo viven no mesmo edificio pero nunca se atopan porque ela, cando sae, xira sempre á esquerda mentras que el o fai á dereita. Un día a vida lles proporciona un encontro no que axexan o que podería ser o principio dun gran amor. Volverán a atoparse? Tédelo tamén na columna da dereita.

"Esconderse en un rincón del mundo", "El sonido de los colores" e "La noche estrellada" dos que vos deixo abaixo un adianto.


Os libros saen da biblioteca no Día Escolar da Paz e a da Non Violencia





Todos os 30 de xaneiro celebramos o Día Escolar da Paz e da Non Violencia. A data rememora o falecemento do Mahatma Gandhi nese mesmo día do ano 1948.
Este ano quixemos empregar os libros e o cine como medio para achegarnos á realidade que, por desgraza, se vive en moitas zonas do planeta onde se seguen a desenvolver conflitos armados ou onde a violencia forma dalgún xeito parte da súa vida cotiá.

No estante negro están as películas, libros e cómics que reflicten eses conflitos, esas vidas atrapadas pola violencia.
No outro estante a esperanza dun mundo mellor; os símbolos da paz empregados por distintas culturas e debuxados polo noso alumnado.