Malia que o mal tempo dos últimos días de outubro e primeiros de novemnro nos impediron realizar todas as actividades organizadas polo Equipo de Dinamización Lingüística co gallo do magosto e o Samaín si puidemos celebrar os tradicionais concursos de cabazas e receitas de outono. Tamén degustamos as sobremesas feitas polo alumnado con produtos de outono. Esperemos que o próximos curso o tempo nos permita realizar todas as actividades.
Temos novas adquisicións para que poidades desfrutar coa lectura dos premios recentes:
O día 24 de outubro co gallo da celebración do día das bibliotecas, o equipo de dinamización lingüística realizou un programa de radio co alumnado de 4º ESO D sobre a figura que será homenaxeada o Día das Letras Galegas. Resultou moi interesante e o alumnado fíxoo realmente ben. Moitos parabéns. Deixamos o enlace a internet para que poidades velo:
https://www.youtube.com/watch?v=BImV1lsfQd0
Neste mes celebramos unha nova sesión do club de lectura:
- no club manga seguen reuníndose semanalmente e, ademais de comentar Hanko Kun, aprenden moito de debuxo manga coas indicacións dalgunha das participantes no club:
- no grupo de 1º de ESO comentamos este mes o libro Dúas bágoas por máquina, de Fina Casalderrey que nos transmitiu a importancia do amizade e do cariño entre humanos e animais:
Este mércores 22 de outubro temos unha nova edición da nosa clásica actividade de fomento da lectura: Tamén Len. Arrancamos o novo curso coa presenza de Pablo, o director do Colexio Altamira. Tamén está xa en marcha dende principios de outubro a Hora de ler, durante a cal profesorado e alumnado gozan dunha lectura silenciosa do seu agrado.💓
Arrancamos este novo curso coa nosa biblio en obras. Ampliouse o espazo de xeito que contamos cun lugar máis acolledor e lumninoso. Comezamos polo tanto o camiño este ano moi devagar ata que todo estea listo. Esperamos que vos guste e contamos coa vosa visita.
Si arrancamos xa cos clubs de lectura. Continuamos co club de manga que amplia o número de integrantes e contamos con outros dous, un de 1º de ESO e outro de 3º e 4º. En 1º comezamos coa lectura de Trece avisos de Paula Carballeira para adentrarnos no mundo do sobrenatural de xeito entretido e ir así achegándonos ao noso Samaín e a cultura popular relacionada co medo. En cuarto escollemos unha obra breve pero moi intensa que nos fará reflexionar sobre a barbarie das guerras, Enderezo descoñecido de Kressman Taylor. As reunións de manga lévanse a cabo todos os martes no recreo e a primeira dos outros dous grupos foi este luns 20 de outubro. Queremos mostrarvos aquí a creatividade que amosan os membros do club manga xa que nesta primeira reunión, na que analizaron a saga Hanako Kun, crearon uns debuxos fantásticos que aquí vos mostramos.
Como remate deste curso fomos de excursión a Vigo. De mañá ao cine para ver o filme Lilo y Stich que nos encantou. Despois visitamos o FNAC onde puidemos coñecer as últimas novidades literarias e acabamos cun paseo literario para coñecer a obra de Domingo Villar e a estatua homenaxe que xa loce na Alameda así como a estatua de Xulio Verne que se atopa no porto deportivo para lembrar a relación entre Vigo e a obra Vinte mil leguas baixo os mares que el escribiu. Pasámolo moi ben e xa contamos con repetir o próximo curso. Aquí vai a mostra gráfica:
Deixamos aquí unha mostra da entrega de diplomas ao alumnado do voluntariado da biblioteca e agradecémoslles a súa axuda e traballo. Sen eles e elas sería máis difícil todo. Agardamos contar coa súa colaboración o próximo curso. Grazas a todos e todas.
.jpg)
Onte na última sesión do club de manga deseñaron unha chulísima bolboreta como a que protagoniza algunhas páxinas do manga que leron: Hanako Kun. Grazas á profe Helga por levar o club e á profe ESther de plástica que axudou no deseño da bolboreta. Agardamos continuar co club o próximo curso. Aquí vos deixamos a testemuña gráfica:
Onte luns 12 de maio celebramos o último Tamén Len do curso e tivemos o pracer de recibir a Tania Riádigos, exprofe de Bioloxía. Resultou un encontro moi apaixonante que deixou o alumnado con ganas de rematar de ler as obras escollidas pola nosa convidada: O que Darwin non previu, de Alba Pelayo Froiz e La chica de nieve de Javier Castillo. Mil grazas Tania por este encontro que serviu para espertar o gusto pola lectura. Aquí deixamos unhas fotiños do encontro e dos libros lidos.
Para conmemorar o día do libro, este 23 de abril, celebramos o noso mercadiño de libros e nel o alumnado puido intercambiar libros e levar novas lecturas para gozar con elas. Aquí van as fotiños.
Rematamos o mes de marzo con sesión do Tamén Len. Desta vez contamos coa presenza da ex-profe de inglés Cristina. Para a ocasión escolleu o poemario "Extracción de la piedra de la locura" de Alejandra Pizarnick e leunos varios dos seus poemas como: "Noche" , "Origen" ou "El sueño de la muerte me llama". Aquí as fotos da sesión.
