4/11/11

Club de lectura de profes: "O anel de Palova"

Viñamos rumiando a creación dun club de lectura para profes desde hai tempo, concretamente despois da lectura en cadea e o fructífero intercambio de opinións ao que nos levou "Nada" o curso pasado. De feito, penso que vén existindo xa pero dun xeito caótico e pouco ortodoxo :). Así que este curso puxémonos serias e decidimos fundar o club de lectura "O anel de Palova".

O nome ten múltiples significados; anel en sentido figurado polo que ten de círculo, de unión e nexo e tamén en sentido literal... e Palova na honra a unha compañeira (non é rusa aínda que poda parecelo) que se trasladou este curso e coa que pensamos seguir mantendo contacto, a lo menos mediante este club.

Como primeiros títulos seleccionamos "Mexillóns para cear" de Birgit Vanderbeke na Editorial Rinoceronte e "Circe ou o pracer do azul" de Begoña Caamaño e editado en Galaxia, ambos recomendacións feitas no Papel de MULLER de Papel por Gemma Lienas e Begoña Caamaño, respectivamente.

6 comentarios:

Susana dijo...

Eu xa estou anotada!!;))

Irma dijo...

E eu, encántame o nome "O anel de Palova" que poético...

ana dijo...

O nome é autoría de Paula, a min tamén me encantou!

Elisa dijo...

Eu tamén estou anotada. Voume a pór cos mexillóns xa. A ver quen lle fai sombra ao "anel de Palova".

Lepauli dijo...

Eu empecei por ler o de Circe, que me parece moi, moi interesante para conversar; e agora estou acabando o dos Mexilóns, que pode levarnos a falar de 1 e 1000 cousas.

Dende o centro do anel de Palova
Ciao

ana dijo...

Eu xa lin os dous pero para aquela debería refrescar ideas!