Semana contra a violencia de xénero: Quiéreme bien!

“A violencia contra a muller é quizais a máis vergoñosa violación dos dereitos humanos. Non coñece límites xeográficos, culturais ou de riquezas. Mentres continúe, non podemos afirmar que avanzamos realmente hacia a igualdade, o desenvolvemento e a paz”

Kofi Annan.

Esta fermosa cita  encabeza o Blog “Mujer sin cadenas” que ten entre os seus obxectivos visibilizar a problemática da violencia contra as mulleres e difundir recursos e enlaces de axuda cara a promover  unha cultura de equidade.

Citamos este blog pois nel atopamos unha entrada sobre o cómic do que vos queríamos falar: "Quiéreme bien. Una Historia de Maltrato” de Rosalind B. Penfold (Lumen 2006) con motivo do Día Internacional da eliminación da violencia de xénero o 25 de Novembro.

Eliximos este cómic polo seu carácter preventivo ao contarnos a vida real de Rosalind B. Penfold, seudónimo que utiliza esta muller canadense para contar a súa historia a través de debuxos que ela mesma facía ás agachadas para desafogarse, mentres vivía un drama real e cotiá que se repite con patróns moi parecidos na intimidade de moitos fogares.

Deixamósvos o enlace ao blog (premede no nome) onde podedes  apreciar as viñetas deste cómic e os trazos que caracterizan unha relación destrutiva e así poder aprender e alertarnos cara evitar este tipo de relacións.

Irma.