O mércores 27 de maio organizamos unha actividade coa intención de presentar un novo libro e promover a súa lectura da man da súa autora, Susana Maceira Quinteiro. Libro publicado en Bos Aires e que se titula "Un mundo que no vi". O profesor de CCSS Xoán G. Leirós foi o presentador do acto, aludindo con imaxes e palabras ao contexto histórico e ao feito da emigración que tanto condicionou a realidade galega; el mesmo fai a seguinte crónica:
A emigración das mulleres: unha
historia familiar
Moi grato foi recibir a
visita de Susana Maceira, autora galego-arxentina, nacida na emigración,
residente en Buenos Aires. Escritora tardía, só coa xubilación como profesora
de historia se aventurou no relato da memoria familiar, que abrangue todo o
século XX, homenaxeando as afoutes mulleres –bisavoa, avoa, nai- de Beiro
(Carballeda de Avia, Ourense) que atravesaron o Atlántico. Vidas de mulleres de
orixe campesiña, pero tamén retrato rural e cruzado dos anos da Guerra Civil:
fuxidas, denuncias, persecucións, cárcere... para rematar na definitiva
emigración dunha gran parte do grupo familiar, que atopou na capital do Sur o
futuro e a paz que lles faltaba aquí. Unha narración que emociona.
Viva, suxerente e engaioladora resultou a súa
intervención, amosándonos a valentía das mulleres, a capacidade resolutiva, as
situacións e incentivos que as moveron; evocando sufrimentos, encontros e
reencontros; lembranzas amorosamente transmitidas; admiracións e rechazos.
A visita serviu para que as nosas alumnas, os nosos
alumnos, avivaran os tizóns nos que callaron as historias familiares nesta
terra tan emigrante do val do Caselas, e as recolleran íntegras e sorprendentes,
transformándose co descobrimento asombrado do pasado dos seus.
Moitas grazas, Susana Maceira.
1 comentario:
Neste libro, a seora Susana Maceira, mostra tudo ou cariño e admiracion das polas mulheres dá sua familia et tamen pola sua terra, onde ela vivera sendo crianza.
Eu desexo que ás pessoas que estiveran na presentacion do libro, em especial vos xovenes, continuem esta tarefa de investigar sobre a vida de seus paisanos, valorando seu espiritu de trabailho e toda sua cultura. Eu sou uma uruguaia com moito amor por Galiza e minhas amigas Susana e Carmiña. Para elas uma abrazo moi forte.
Perdon polas minhas faltas de ortografía.
Ana Cardozo
Publicar un comentario