biblosvivos

25/1/15

MARCOS GÁNDARA NO TAMÉN LEN

Este pasado xoves 22 de xaneiro estivo entre nós Marcos Gándara, antigo alumno da 1ª promoción que cursou 4º ESO no IES Pedras Rubias. Dende aquela xa tivo tempo de estudar a carreira de Historia Contemporánea, Estudos americanos e Arquivística, facer un Máster de "Xestión Cultural" en Lugo e mostrar inclinación por diversas actividades. Na actualidade leva xa varios meses contratado polo Concello de Salceda para dinamizar varios proxectos culturais: ampliación do Arquivo da Imaxe (do que se está a crear unha páxina web onde colgar cantas imaxes se poidan recoller a través de todas as persoas que queiran contribuír para rescatar o patrimonio fotográfico local), ou posta en marcha dun Club de Lectura vinculado á Biblioteca Municipal, para o que nos pedira asesoramento e exemplares de libros á Biblioteca Escolar do noso Centro; intercambio de ideas que fixemos e seguiremos a facer gustosamente.

Colabora en prensa (Galicia Confidencial) e revistas online, como Iwrite magazine, Hypérbole magazine; escribindo artigos sobre cultura, historia, futbol...; ademais de ter publicado tamén algún relato de ficción. Deste xeito, para compartir connosco elixiu un relato da súa autoría, que fixera por encargo, titulado "Volver a empezar" onde conta unha historia no contexto dunha sociedade de futuro indesexable, distópica. Podemos dicir que é una persoa inquieta, crítica e comprometida e que sabe mover o público e cuestionalo sobre a lectura que escoitamos, falando sobre as sociedades hipercontroladas, compartindo deste xeito un recreo moi interesante. (Deixamos enlaces ás revistas e ao relato clikando enriba deles).

A presentación do acto -como non- correu a cargo de varias Siareiras da Palabra do noso Club de Lectura: Alba e Lucía, e das notas do 2º movemento de "O inverno" de Vivaldi, interpretadas tamén por membros do noso Club: Bieito, Pablo, Carmen e Camila, trombón, trompa e flautas. Houbo un amable e nutrido público atento ao acto, a quen agradecemos sempre a súa presenza incondicional.

20/1/15

BO TRATO: CONTRA TODO TIPO DE VIOLENCIA // EN DEFENSA DA CONVIVENCIA PACÍFICA ENTRE IGUAIS

No trimestre anterior comezamos a andaina para promocionar o BO TRATO, primeiro contra a violencia machista, agora en defensa dunha convivencia pacífica que respecte a diversidade e a igualdade, e seguiremos esta liña vermella en febreiro para reflexionar sobre o sentimento e a experiencia do BO AMOR.

-EN DECEMBRO, no corredor creamos un espazo de BO TRATO, onde desgranar os conceptos esenciais relacionados sobre os que traballar: igualdade, respecto, dignidade,
liberdade, compromiso, benquerencia, amizade, compañeirismo, cooperación, feminismos, asertividade, empatía, equilibrio, comprensión...

e a un lado deixamos o espazo que iremos armando coas fotografías feitas de cada grupo de alumnos e alumnas, por curso, ademais de unir a elas as do Club de Lectura e a das persoas adultas que traballamos neste Centro de Ensino: conserxe, administrativo, profes, encargada da cafetaría..., para poñer en evidencia o noso rexeitamento ante o maltrato, pero dende unha postura positiva como é a promoción do bo trato. Así cada grupo reflexionou sobre este asunto e chegou a unha idea, un eslogan ou unha imaxe nas que basear a súa posta en escena comprometéndose todas e cada unha das persoas que aquí convivimos. Será agora en Xaneiro cando deamos colocado cada unha das fotografías ampliadas para completar o noso muro do BO TRATO. Por suposto que tamén creamos, a carón, un punto atractivo e cómodo para poder ollar os diferentes libros e filmes que recomendamos relacionados con esta temática.

-EN XANEIRO, e dado que estamos sendo asaltados por feitos violentos cada dous por tres, non queremos deixar pasar a ocasión de sensibilizarnos, implicarnos e facer unha reflexión a través dun CONCURSO DE VIÑETAS: UNHA OLLADA Á PAZ.

CONCURSO DE VIÑETAS

PARA UN XANEIRO DE PAZ

A biblioteca calixtina convoca:

Viñetas: unha ollada á paz

relacionadas:

coa defensa da paz, do respecto, da liberdade de expresión, da convivencia na diversidade, da capacidade de ser críticos e de ter as mentes abertas, de defensa e valoración do humor gráfico…

bases:

quen así o desexe pode presentar unha viñeta de creación propia, orixinal, con liberdade de estilo, nun formato sobre papel (ou calquera outro material) de tamaño a4, Baixo pseudónimo escrito por detrás do traballo e os datos persoais (nome completo e curso) en sobre pechado só co pseudónimo (nome falso) por fóra.

prazo:

entregaránse(traballo e sobre) nos recreos na biblioteca ao longo deste mes de xaneiro e ata o día 29, para poder ser expostos

o día 30 de xaneiro, día internacional da paz

1º premio: -agasallo dun libro ilustrado ou de bd.

Animádevos a participar!!!!

-EN FEBREIRO, seguiremos esta liña de actuación para educar no BO AMOR, e facer unha necesaria análise do sentimento amoroso e os seus usos e abusos, malentendidos, sufrimentos, dependencias, etc.; coa finalidade de aprender a vivir os nosos sentimentos e paixóns dun xeito -a poder ser- equilibrado. Faremos un mural da "FÍSICA E QUÍMICA DO AMOR" e convocaremos para a ocasión un CONCURSO DE FÓRMULAS DE BO AMOR, para exercitar a expresión escrita.

11/1/15

UN PASEO POLA HISTORIA, A ARTE E A CULTURA A TRAVÉS DAS VISITAS AO CAMIÑO DE SANTIAGO, AOS PAZOS DE SALCEDA E A HOMENAXE AOS MÁRTIRES DE SOBREDO.

Como o curso pasodo estivemos a traballar seguindo a senda que nos marcaron as Viaxes, pensamos que sería boa idea realizar no blog da BE un relato sobre as Saídas ou Actividades Complementarias e Extraescolares, que se fixeron dende diferentes Departamentos e que están moi arraigadas.

Que non poideramos facelo antes non é obstáculo para deixar constancia de actividades que funcionan moi ben todos os anos e que permiten a relación coa contorna e o achegamento ao noso patrimonio histórico-artístico. Ademais de estar en débeda co alumnado que participou daquela. Publicamos ao mesmo tempo estas 3 últimas entradas sucesivas e relacionadas.

Destacamos pola súa importancia, boa dinámica, aproveitamento e interese para o alumnado, tres actividades que dalgún xeito nos levan a viaxar ao pasado e dende hoxe a comprender e valorar feitos históricos e artísticos que forman parte da nosa cultura. Sexa o caso do CAMIÑO DE SANTIAGO ou, a nivel local, o caso da visita aos PAZOS DE SALCEDA DE CASELAS e a HOMENAXE AOS MÁRTIRES DE SOBREDO.

Os motivos didácticos e pedagóxicos que nos levan a organizar actividades complementarias e extraescolares para o alumnado son:

-Contribuír ao desenvolvemento integral da persoa.

-Potenciar as capacidades específicas de cada alumno/a,

complementando as actividades curriculares.

-Favorecer a convivencia, non só entre o alumnado, senón tamén entre

alumnado-profesorado e coa contorna.

-------------------------- * ---------------------------

-O CAMIÑO DE SANTIAGO é unha actividade organizada no 1º Trimestre para o nivel de 3º ESO, dende os Departamentos de Educación Física, Relixión e contando coa colaboración de CC.SS. É unha saída voluntaria de 2 días, fóra do horario lectivo, facendo dúas etapas do Camiño e a visita ao teito da Catedral de Santiago de Compostela.

-A visita aos PAZOS DE SALCEDA DE CASELAS é unha actividade pensada para 4º ESO, que todos os anos visitan os Pazos de Picoña, Avalle e Pegullal, da man do Departamento de CC.SS.

-A HOMENAXE AOS MÁRTIRES DE SOBREDO trátase duha actividade interdisciplinar de 4º ESO, que serve de marco de convivencia porque é compartida cos institutos de Tui: San Paio e Indalecio Pérez Tizón, e co alumnado de 6º do CEP. Altamira de Salceda. Ademais de ser organizada polos Departamentos de CC.SS. e Lingua Galega dos Centros mencionados, xa que se trata dun acto histórico-literario, onde están presentes textos e poemas alusivos e comprometidos coa situación do campesiñado e do agro galego.

Visitar os Pazos e Sobredo é un perfecto complemento e sírvenos para destacar a importancia do estudo da situación do campesiñado suxeito a foros e ao redor do papel da fidalguía, os señores dos Pazos; que traballamos neste 1º trimestre e permite entender uns feitos históricos relacionados entre si, e que conformaron a sociedade e a economía do lugar nun pasado cercano.

O CAMIÑO DE SANTIAGO: UNHA CRÓNICA

3º ESO. OUTONO 2013

O día 24 de outubro partimos do IES Pedras Rubias hacia Arzúa. O traxecto durou sobre unha hora e media e deixounos algo máis adiante de Arzúa, pois chovía. O Camiño foi divertido, aínda que cansado e a chuvia non axudaba para nada. Afundíanse os pés na terra e os charcos semellaban ríos, ata as botas de montaña estaban enchoupadas (máis que botas eran peceiras)

A xente que pasaba ao noso carón desexábanos “Boa Viaxe” ao que respondiamos “Igualmente”. Cando por fin logramos chegar ao albergue, duchámonos e cambiamónos. A cada un outorgáronnos unha cama e... contaron a tres de menos! Polo que dous compañeiros e maís eu tivemos que durmir con xente descoñecida pero moi simpática. De feito falamos cunhas mozas taiwanesas en inglés con moita graza. Tamén había andaluzas e un señor novazelandés e outras rapazas de Astorga.

Algúns polo tarde saíron a visitar un pouco o lugar, namentres outros nos quedamos no albergue, pois había wifi, je, je...

Á hora de cear fomos ao bar-restaurante e a cada quen puxéronos o noso prato. Había dúas opcións: pasta ou filete. Terminamos de cear e regresamos ao albergue para deitarnos cedo. Ao día seguinte tivemos que amencer ás 7h da mañá para almorzar e partir de novo. Esta vez houbo maís sorte e non choveu, incluso saíu algún raio de sol. Comezamos o camiño e nun punto déronnos un bocata e de seguido continuamos. Cando faltaban dous quilómetros, o que máis e o que menos estaba morto de cansazo e ese par de quilómetros fixéronsenos eternos, pero cando chegamos sentimos a gloria e tirámonos no chan (literalmente). Comimos no Claustro Maior todos xuntos e despois nos deixaron deambular por Santiago un rato, ata que volvimos a reunírmonos para facer unha visita guiada aos teitos da Catedral. Volvimos ao autobús de camiño ao noso fogar e moitos pensamos: Al fin!, pero maís que pensalo dixémolo.

Alba Fernández López. 3ºB.

Fabiola Pérez López. 3ºA.

4º ESO VISITA OS PAZOS DE SALCEDA

PICOÑA, AVALLE E PEGULLAL

Todos os anos, no IES Pedras Rubias, organizamos unha actividade complementaria que consiste nunha visita aos Pazos de Picoña, Avalle e Pegullal, unha actividade que quedou fixada dada a súa importancia para o coñecemento directo do patrimonio monumental, cultural e histórico-artístico de Salceda de Caselas.

Está destinada ao alumnado de 4ºESO, organizada polo Departamento de CC.SS. e traballada na materia de Historia Contemporánea en relación ao tema da fidalguía, da propiedade da terra e das explotacións agrarias na Galicia moderna e contemporánea. Así mesmo permite un achegamento práctico ás formas da arquitectura barroca galega aplicada a estas construcións rurais pacegas, ou Casas Grandes.

A súa posible realización debemos agradecela á amabilidade das familias propietarias de cadanseu pazo, e ao papel de intermediario e de guía excepcional do mestre Manuel Prego Español, que cada ano –incluso xubilado- ten unha resposta afirmativa para nós e é quen de acompañarnos e sorprender ao alumnado coa súa información privilexiada, procedente do traballo de investigación sobre os pazos locais da súa autoría, que foi publicado polo Concello. ("Unha ollada á Historia de Salceda de Caselas")

O sentido da visita é activo e participativo por parte dos alumnos/as que teñen que cubrir in situ os datos dunha Ficha de Traballo elaborada polo propio Departamento de CC.SS., que lles permite fixar a atención e facer o seguimento das explicacións que lles van desvelar o significado de escudos e linaxes, formas arquitectónicas e escultóricas, tipo de explotación, modos de vida, pervivencia e actual función destas propiedades, estado de conservación, etc.

O achegamento ao outro lado destes muros, descobre para eles unha realidade fascinante e exclusiva, tanto no caso da “deconstrución” do Pazo da Picoña, obxecto da herdanza repartida (partixas) que levou á súa deteriorización e á aplicación de materiais propios do “feísmo galego” pemitidos ao longo do tempo; como no caso do coidado estado de conservación e uso dos Pazos de Avalle e Pegullal, que son mostra do aproveitamento para explotacións de vide ou de kiwi, respectivamente. Como nos comentaba a actual propietaria de Avalle, cando a súa familia decidiu comprar este pazo coas súas terras, o que lle deixaron foi un novo modo de vida, que valora extraordinariamente e ao que se adaptou encantada.

Queremos compartir con vós esta viaxe ao pasado da nosa localidade e difundila como actividade que reporta un desenvolvemento de competencias básicas a partir do coñecemento e valoración da realidade cercana.

Achegamos a Ficha de Traballo e un resumo da información relativa a cada pazo.

HOMENAXE AOS MÁRTIRES DE SOBREDO

A HOMENAXE AOS MÁRTIRES DE SOBREDO trátase duha actividade interdisciplinar de 4º ESO, que serve de marco de convivencia porque é compartida cos institutos de Tui: San Paio e Indalecio Pérez Tizón, e co CEP. Altamira de Salceda. Ademais de ser organizada polos Departamentos de CC.SS. e Lingua Galega dos Centros mencionados, xa que se trata dun acto histórico-literario, onde están presentes textos e poemas alusivos que evidencian a problemática situación vivida polo campesiñado e o agro galego, ao que lle adicamos un par de horas dunha fría mañá de outono.

Todos os anos, coincidindo coa data do 28 de novembro, facemos unha lembranza dos feitos acontecidos a poucos quilómetros de nós, nun día 28 de novembro do ano 1922, relacionados coas loitas agrarias de comezo do século XX, que demandaban a Abolición ou a Redención dos Foros e que provocaron diversas represións co resultado, neste caso, da morte de tres campesiños/as e numerosos feridos, conmemorada cun MONUMENTO aos Mártires de Sobredo levantado en 1932 na época da II República por iniciativa das Sociedades de Agricultores e Gandeiros e os Sindicatos Labregos e Obreiros, demolido na represión falanxista no contexto da Guerra Civil de 1936, e recuperado en 1987 coa chegada da democracia. Espazo onde nos reunimos e relatamos o noso respecto ás vítimas da represión. Dita conmemoración permite á mocidade participar nun acto singular, nun lugar da memoria popular, nun acto de loita pola dignidade das persoas e por un mundo maís xusto e solidario.

Tamén nos acompañan o mestre Paco González e Darío Vila Costas, o tesoreiro do Instituto de Estudos Agrarios Mártires de Sobredo (IEAMSO), que porta o estandarte da parroquia de Parderrubias, o único que se conserva do municipio. Data de 1913 e pertencía a Sociedade obreira e agrícola de Parderrubias e foi doado por un emigrante do lugar en Río de Xaneiro. Dende 2012 temos un acordo de colaboración co citado IEAMSO, aprobado en Claustro.

Serve para saber que pasou e recuperar a nosa memoria histórica, como era a vida dos nosos devanceiros, como era a política e a sociedade do momento, cales eran as condicións de vida e o esforzo colectivo que fixeron. E o recordamos mediante textos históricos, poemas, música e flores, nun acto sinxelo pero cheo de significado.

Están as palabras e versos de Rosalía de Castro, de Ramón Cabanillas, de Luís Seoane, Curros Enríquez, Álvarez Caccamo, Antón Avilés de Taramancos, Manuel Rivas, Manuel Portela Valladares, Tomás Rodríguez Sabio, e incluso os versos dun antigo alumno do IES Pedras Rubias: Brais González.

O remate consta dunha ofrenda floral onde cada un de nós deixamos un caravel ao son da Marcha do Antigo Reino de Galicia, interpretada en directo para a ocasión por un grupo de alumnos/as que tocan gaitas, tambores, pandeiros, panderetas, etc. Seguidamente é interpretado e cantado con solemnidade por todas as persoas presentes o Himno de Galicia.

Pero aínda queda un momento para disfrutar da charla e do intercambio de pareceres facendo a homenaxe culinaria ás exquisitas roscas das que damos conta nun pispás.

2013-11. 016. Rosa dos ventos. Sobredo 067 from biblosvivos on Vimeo.

2013-11. Sobredo. 066 from biblosvivos on Vimeo.

2013 Sobredo 068 from biblosvivos on Vimeo.

2013-11. Sobredo. from biblosvivos on Vimeo.

2013-11 Sobredo. from biblosvivos on Vimeo.

8/1/15

PREMIO ONDAS A PONTE... NAS ONDAS!

Non queremos deixar de facer unha mención especial dende este blog -aínda que xa foi concedido en decembro de 2014- ao premio Á MELLOR COBERTURA INFORMATIVA acadado pola actividade de Radio Escolar, PONTE... NAS ONDAS!, que durante 20 anos mantivo un programa radial a través das ondas, en diferentes centros educativos de ensino primario e secundario, na fronteira de Galicia e Portugal, entre eles no CEP Altamira e no noso IES Pedras Rubias de Salceda de Caselas, sostido pola Asociación Cultural e Pedagóxica Ponte... Nas Ondas!

A intención ou obxectivo ao longo do tempo foi e é rescatar e difundir un rico patriminio oral, o Patrimonio Inmaterial transfronteirizo galego-portugués; laboura sostida pola iniciativa de mestres e profesores, e a participación dos escolares dos dous lados do Río Miño que aprenderon o uso dun medio tan entrañable, cercano e efectivo como é a radio, onde a palabra é instrumento fundamental de traballo. Ao longo de todo este tempo compartiron música, contos, teatro, xogos tradicionais...e máis; sempre coa intención de trasmitir a nosa cultura galega, portuguesa, brasileira, angoleña, mozambicana..., dende a conexión coa actualidade, e en contacto con outros pobos e outras culturas.

9/12/14

MARGA SOTO NO TAMÉN LEN DE DECEMBRO.

Acaba de estar connosco, hoxe no recreo, Marga Soto, dona da Libraría Lemos de aquí, de Salceda. Estivo moi ben acompañada por Juan, Andrea e Mireya, de 2º ESO, que fixeron unha completa presentación da nosa invitada.

Sabendo que estamos a traballar as Ciencias na Biblioteca, quixo ler un capítulo do libro "A evolución de Calpurnia Tate". Nel fala da relación que a protagonista ten co seu avó, e como, dende o respecto mútuo, comparten o amor polo descubrimento dos fenómenos naturais; el coa experiencia e a paixón que non diminúe coa idade, e ela coa curiosidade e a ansia xoven de saber e con todo por descubrir...

É un libro que este outono tamén estivemos lendo no Club de Lectura, e non deixamos de recomendalo.

Houbo tempo para o coloquio con Marga, quen nos falou da súa profesión de libreira, da que gusta moito, sobre todo polo trato coas persoas; e de como concilia o traballo co coidado dos seus fillos.

Quixo ser mestra, pero iso quedou atrás...

2/12/14

MAGOSTO TERRORÍFICO

Deixamos a crónica do acontecido no mes de Santos e Defuntos: sesión de Lecturas Terroríficas co protagonismo da estadea, seguida, como xa dixemos, polo concurso de caracús, e esa Santa Compaña que participou tamén no "Magosto Terrorífico" que tivo que adiarse por mor da choiva, pero que por fin disfrutamos o mércores día 19. Cada curso concursaba disfrazándose de aparecidos e coa posta en escena de cadanseu magosto.

A organización do evento partiu de Normalización Lingüística, e tivo a colaboración de todas as partes. O mestre de cerimonias foi Raúl, quen se transmutou en "morta vivinte" aparecida no Muiño da Cernada -fermoso lugar no bosque a carón do noso insti e perfecto decorado para tan desacougante experiencia- onde nos trasladamos en nutrida, fantasmagórica e espectral procesión a Santa Compaña, estadea ou estantiga -como se lle chama en diversos lugares de Galicia-, Fiz de Cotobelo, innumerables zombies, seres diversos e estraños..., todas as almas sobrecollidas pola súa voz, que susurraba improvisando inquietantes historias do alén...

Quede aquí o video de tamaña experiencia colgado no sitio web do insti, e tamén, o relato que Raúl Francés escribiu lembrando cando de rapaz "descubriu a Santa Compaña", que podedes ler entrando no "Espazo de Creación" no apartado "Cousas de noso", na columna dereita deste blog, onde sabedes que calquera de nós pode participar cos seus escritos.

29/11/14

MÁIS RECURSOS AO REDOR DA VIOLENCIA DE XÉNERO

Facemos referencia a novos materiais, que seleccionamos para o uso do alumnado que está a traballar nesta problemática: os de 4º en Ética, os de 2º en Educación para a Cidadanía, e os demais que andades na busca de ideas e datos para elaborar o eslogan de cada aula e a posta en escena relacionada coa defensa do "BO TRATO".

- Que saibades que dende a ONU elixiuse a cor laranxa para promocionar lazos ou vestirse con ela e usala como distintivo para concienciar e sensibilizar contra os malos tratos contra as mulleres.

- Pensamos que outro aspecto que poderiades traballar sería a mensaxe das cancións, rexeitando as que propagan ideas machistas, de mulleres sumisas ou sometidas, de relacións sentimentais mal entendidas; e escoitando as letras que falen de liberdade, dignidade, respecto, igualdade, benquerencia, empatía, equilibrio nas relacións, comprensión, comunicación, tenrura, asertividade (saber dicir non cando corresponde)

- Están xa en marcha as dinámicas de cada aula para poñerse de acordo e colaborar todxs para crear o eslogan e a posta en escena para a foto, e o video se cadra. Polo de agora xa saíron ideas moi interesantes, variadas e atractivas, sempre en función do "BO TRATO", como xa dixemos.

Chama ao 016

Videos e cancións:

https://www.youtube.com/watch?v=A8jvF0h0fa8&feature=youtu.be

Video IES Fontem Albei, Fonsagrada. Seguimos coa mesma canción...

https://www.youtube.com/watch?v=1eFf9Za9-qM
Curtametraxe: A violencia non son os golpes,

https://www.youtube.com/watch?v=WxDDJ7c9NO4
Canción de Tralle Flujo Underground. Maltrato a la mujer. Rap.

https://www.youtube.com/watch?v=oQcA4uVCrfc
Curta: Caricias. Contra el maltrato.

https://www.youtube.com/watch?v=g2RA7ZNQwWk

https://www.youtube.com/watch?v=DHtrRXVkyzM
Curta: Prevención de la violencia en el noviazgo. El Salvador.

http://biblioribeira.blogspot.com.es/2014/11/poemas-contra-o-maltrato.html
Poemas contra el maltrato. biblioribeira. IES Ribeira do Louro, O Porriño.

http://biblioribeira.blogspot.com.es/2014/11/homernaxe-malala-no-25-de-novembro.html
Homenaxe a Malala. biblioribeira. IES Ribeira do Louro, O Porriño.

http://biblioribeira.blogspot.com.es/2014/11/a-comunidade-educativa-de-torneiros.html
A comunidade educativa de Torneiros contra a violencia de xénero. biblioribeira. O Porriño.

http://www.edu.xunta.es/centros/iessanpaio/node/1241
Poesía. ies san paio de Tui.

https://www.youtube.com/watch?v=ovoQKgr_62c#t=22
A violencia nin en pintura. bibliolucus.

http://www.inmujer.gob.es/estadisticas/consulta.do?area=10
Instituto de la Mujer para la igualdad. Estatística sobre violencia.

http://www.msssi.gob.es/ssi/violenciaGenero/portalEstadistico/home.htm
Ministerio de Sanidad, Servicios sociales e Igualdad. Estadística violencia.

https://www.youtube.com/watch?v=9qvSk7ukcKc
Non son fada nin princesa. Canción Non son fada, de Sés.

https://www.youtube.com/watch?v=1VH6LG2WDD4
Ella. Bebe.

https://www.youtube.com/watch?v=MAluDTX9kGc
Je veux. Zaz.

https://www.youtube.com/watch?v=cWC-zLqwm_E
Poema de Agustín Gacía Calvo. Canta Amancio Prada. Libre te quiero.

https://www.youtube.com/watch?v=1JMrxyv8B_8
Me quedo contigo (Si me das a elegir). Manu Chao.

https://www.youtube.com/watch?v=iYi526FkcL4
La vida es bella. Noa y Miguel Bosé.

https://www.youtube.com/watch?v=40WIRz_noPc
Alberto Pérez. Nos ocupamos del mar.

https://www.youtube.com/watch?v=2rg1JZnxG0M
Fito y Fitipaldis. Nos ocupamos del mar.

https://www.youtube.com/watch?v=NXNwP8xKrQM
Javier Krahe. Marieta.

https://www.youtube.com/watch?v=dWi5otOd8FM
Mujer florero. Ella baila sola.

https://www.youtube.com/watch?v=FXDjUhtWc48
Hay mujeres. Ricardo Solfa y Joaquín Sabina.

https://www.youtube.com/watch?v=MH3rsOBynrY

https://www.youtube.com/watch?v=qBZTomdOM3A
Canción de Pedro Guerra. Madurar el amor.

https://www.youtube.com/watch?v=RZHR3iN0bSs
Canción de Pedro Guerra con Bebe. El marido de la peluquera.

https://www.youtube.com/watch?v=Gb1487cthK0
Canción de Pedro Guerra. Quiere.

https://www.youtube.com/watch?v=2PBHh6tpKfo
Canción de P. Guerra. Otra forma de sentir.

https://www.youtube.com/watch?v=vqixt78RxxA
Canción de Chico César con P. Guerra. A primeira vista.

https://www.youtube.com/watch?v=63xrbVSXbXA
Canción de P. Guerra. Contamíname. Fala da igualdade entre culturas, pobos, persoas.

https://www.youtube.com/watch?v=qfESgtCTn1Q
Victor Jara. Te recuerdo Amanda.

https://www.youtube.com/watch?v=W73m0imS2bc
Mercedes Sosa. Gracias a la vida.

https://www.youtube.com/watch?v=Oe1o13CItv4
Violeta Parra.Volver a los 17...

https://www.facebook.com/video.php?v=746659775389758&set=vb.100001372283108&type=2&theater

CIFRAS ESCALOFRIANTES QUE PARECEN MENTIRA PERO SON VERDAD:

• Casi una cuarta parte de las niñas de 15 a 19 años de todo el mundo (aprox. 70 millones) han sido víctimas de alguna forma de violencia física desde los 15 años.

• Alrededor de 120 millones de niñas menores de 20 años en todo el mundo (cerca de 1 de cada 10) han sido víctimas de relaciones sexuales forzadas u otro tipo de actos sexuales forzados.

• 1 de cada 3 adolescentes de 15 a 19 años (84 millones) que alguna vez estuvieron casadas han sido víctimas de actos de violencia emocional, física o sexual cometidos por sus maridos o sus compañeros.

• Los datos sugieren que, en algunos países, por lo menos 7 de cada 10 niñas de 15 a 19 años que han sido víctimas de abusos físicos y/o sexuales nunca han procurado ayuda: muchas dijeron que no creían que fuera un caso de abuso o no lo consideraban un problema.

• En todo el mundo, más de 700 millones de mujeres vivas hoy en día se casaron antes de cumplir los 18 años. Más de 1 de cada 3 (alrededor de 250 millones) iniciaron la unión antes de cumplir los 15 años.

• En todo el mundo, cerca de la mitad de las niñas de 15 a 19 años cree que está justificado que un hombre golpee a su mujer bajo determinadas circunstancias, como por ejemplo si rechaza tener relaciones sexuales.

ES LA VIOLENCIA COTIDIANA, BRUTAL Y ESTRUCTURAL CONTRA LAS MUJERES. LOS HOMBRES QUE DICEN QUERERLAS Y LAS SOCIEDADES INJUSTAS E INDOLENTES ANTE SU SUFRIMIENTO SON LOS PRINCIPALES PELIGROS PARA LAS MUJERES DEL MUNDO.

Artigo:

http://iniciativadebate.org/2014/11/25/hombres-hablemos-de-violencia-machista/

27/11/14

TAMÉN LEN NOVEMBRO: MIRIAM E A SÚA EXPERIENCIA SAHARAUI.

Este venres 21 no Tamén Len, contamos coa presenza dunha antiga alumna: Miriam Fernández Moreira, que foi presentada por dúas alumnas de 3º, Alba e Josefina, que o curso pasado coincidiron con ela na excursión á neve, onde os acompañou como persoa de apoio; xa que ela fixo a carreira de Educación Física, quere ser profesora e, como non, é unha gran amante dos deportes. A experiencia de traballar con xóvenes gustoulle moito e sentiuse moi ben entre eles/as. Do cal damos fe, pois é evidente que ten madeira de ensinante, demostrou ser unha boa comunicadora, ademais de disfrutar entre nós compartindo esta actividade de lectura.

Primeiro leu en inglés -e que ben soaba!- un fragmento do libro máis lido, máis traducido e máis vendido do mundo, do escritor francés Antoine de Saint-Exupéry (1900-1944) "The Little Prince" , publicado en inglés en 1943 por unha editorial estadounidense, namentres que en Francia non se puido editar ata 1946 por mor da II Guerra Mundial.

Hai que dicir que o seu autor foi aviador e tivo numerosas experiencias accidentadas no deserto do Sahara; e alí é a onde nos levou Miriam coa elección da segunda lectura: "Hijas de la arena. Cartas desde los campamentos saharauis", escrita por Ana Tortajada en 2002, quen estivo en Tinduf, no deserto alxeriano, onde están os acampamentos de saharauis e decidiu relatar a vida deste pobo e da súa maneira de enfrontarse á precariedade, denunciando a actitude da comunidade internacional ante un conflito que leva anos

en espera de resolución. A autora viviu nas jaimas de telas zurcidas que compoñen a paisaxe do deserto e compartiu o día a día das mulleres saharauis, escoitando os relatos e fábulas propios da súa cultura, que son aclaratorios da forza dun pobo sufrinte, disposto a todo por defender a súa independencia e recuperar o seu territorio, hoxe en mans de Marrocos e que anteriormente, ata 1975, fora colonia española.

Magnífica mestra de cerimonia, contou dun

xeito claro e conciso a problemática deste pobo e a súa experiencia cos nenos saharauis, a quen adoita acoller na súa casa en vacacións de verán; ademais de viaxar a Tinduf en 2008, no inhóspito deserto de Alxeria, para coñecer a súa realidade -tan dura e inxusta- da man da Asociación Solidariedade Galega co Pobo Saharaui.

É de destacar o papel das mulleres desta cultura, que son as que puxeron en pé os acampamentos e sosteñen a vida delas e dos nenos nunha parte do deserto onde non sería posible vivir de non ser pola cooperación internacional. A presenza dos homes é minoritaria, ben porque están na fronte ou ben porque están presos polo goberno de Marrocos.

Chámanos a atención a ambientación da Biblioteca para acoller esta actividade, que semellaba unha gran jaima alfombrada e velada... obra de Chefa, quen tamén podería contarnos moitas cousas da súa visita a este mesmo lugar do deserto de Tinduf en Alxeria.

23/11/14

RECURSOS PARA ANALIZAR E TRABALLAR OS MALOSTRATOS

A Biblioteca Calixtina -como centro de recursos e dinamizador- xunto cos Dpts. de Orientación e CC.SS, e o traballo dxs titorxs, aunamos esforzos para organizar unha serie de actividades encamiñadas a informar dende o achegamento á realidade, para valorar esa información, analizar esta problemática e sensibilizarnos ante ela; co obxectivo de educar na igualdade, dignidade, respecto, liberdade, pero sabendo que namentres non cambien "as estruturas e a mala educación" que xeran actitudes machistas, desigualdade e violencia de xénero, non acadaremos un cambio nas nosas sociedades.

Aproveitamos a conmemoración do 25 de novembro, "Día Internacional contra a violencia de Xénero", para empezar a construír certas actividades coa participación de todas as partes, sobre todo coa idea de implicar ao alumnado dun xeito activo e directo, e tamén a toda a comunidade educativa.

Os últimos días estivemos con outros temas na cabeza e promovendo outro tipo de dinámicas; foi necesario esperar para non saturar ou bombardear abrindo diferentes frontes, por iso o noso plan é comezar a traballar este tema a partir desta semana e durante o que queda de trimestre.

Planificamos as seguintes actividades contra a violencia machista:

-Dende o cinema:
- 3º e 4º verán e analizarán o filme de Benito Zambrano "Solas".
- 1º e 2º analizarán varias curtas alusivas a este tipo de violencia.

-Dende as titorías:
- Traballarán as unidades didácticas elaboradas para comentar ditos filmes.

-Dende a Biblioteca, Orientación e CCSS: promovemos a construción dun

"Muro dos BOS TRATOS"

onde plasmar os conceptos positivos relacionados, ademais de expoñer nel unha foto fixa de cada aula poñendo en escena un slogan ideado por cada grupo, no que teñen que participar todxs expresando a súa sensibilidade ante esta problemática. A idea é promover pensamentos e actitudes positivas, para enfrontalas no corredor do instituto á evidencia da frecuencia alarmante destes actos a través dos retallos de prensa sobre

"MALOSTRATOS"

-Ademais de estar no ánimo dalgúns alumnos e alumnas gravar un video ou curta que permita desenvolver a idea de cada grupo elaborando un guión respecto ao tema.

-> Todos os materiais serán expostos ou difundidos no monitor da entrada do Instituto e a través da páxina web e do blog biblosvivos.

Quedan aquí as referencias aos recursos relativos á violencia machista que fomos recopilando, destacando os enlaces seguintes:

-Tipos de vilencia. Miguel Murillo (sociçologo criminal)