Ilustrado por... Rébecca Dautremer.

Seguindo no mundo da banda deseñada, imos comezar hoxe unha serie de entradas adicadas aos álbums ilustrados. Este xénero, asociado antes aos contos e ao público infantil, é demandado na actualidade por lectores de todas as idades e vén de experimentar un enorme pulo debido á importancia da imaxe na cultura actual.

Imos comezar pola obra dunha fantástica ilustradora francesa, Rébecca Dautremer.

Rébecca Dautremer naceu en Gap en 1972 e estudou na Escola Nacional de Artes Decorativas de París. Adicase ao deseño gráfico e de xoguetes, debuxa para prensa e ilustra álbums (nalgúns tamén escribe o texto). Entre as súas principais obras destacan as ilustracións dos álbums:

"Princesas olvidadas o desconocidas" con texto de Philippe Lechermeier. Quizais un dos seus traballos máis coñecidos. Nel fálase das princesas que acadaron a fama como "Cinsenta" e "Brancaneves" pero sobre todo de todas as princesas anónimas que non chegaron tan lonxe :).

"Cyrano" na versión de Taï-Marc LeThan sobre o clásico de Edmund Rostand. Con imaxes impactantes, encadres que semellan planos cinematográficos e cores vermellas, consegue emocionar desde a primeira á última páxina.

"Enamorados" Como credes vós que interpretan un grupo de nen@s o que é estar namorados?

"Diario secreto de Pulgarcito". Preme para ve-la presentación!

"Nat y el secreto de Eleanora" deste hai unha película animada titulada "Kérity, la maison des contes" (O título orixinal do álbum).

Na actualidade está a rematar as ilustracións para "Alicia en el país de las maravillas" e os seus seguintes proxectos serían ilustracións para a "Biblia" e "Seda".