Onte día 26 de febreiro tivemos o pracer de recibir no noso Tamén Len de febreiro a Eva Martínez. Foi profesora de prácticas de Lingua Galega o curso pasado e ademais é exalumna do centro. Agasallounos coa lectura dunha das cartas que forman parte do libro de Fran Alonso Cartas de amor, un relato moi emotivo no que unha adolescente uruguaia emigrada a Galiza escríbelle ao seu mozo sobre como é agora a súa vida aquí e a imposibilidade de seguiren xuntos. Grazas Eva por acompañarnos.
.jpg)
Non queremos esquecernos dunha importante data do mes de febreiro: o día 11 conmemórase o Día da Muller e da Nena na Ciencia. Por este motivo, a biblioteca en colaboración co Departamento de Bioloxía expuxo obras relacionadas con esta celebración e a profesora Miriam de Bioloxía realizou un pequeno mural con imaxes de mulleres científicas de moita relevancia. Ademais diso organizou un xogo de pistas con 1ºESO arredor da figura de Jane Goodall, unha etóloga inglesa e Mensaxeira da Paz das Nacións Unidas que foi sen dúbida unha das figuras máis influentes nos movementos ecoloxistas e polos dereitos dos animais do noso tempo. Faleceu o 1 de outubro de 2025 e deixa unha pegada indeleble no estudo dos grandes simios. Outro dos xogos de pistas xirou arredor da figura de Rachel Louise Carson 1907-1964) que foi unha bióloga mariña, conservacionista e escritora estadounidense que, a través da publicación de Primavera silenciosa en 1962 e outros escritos, contribuíu ao lanzamento do movemento ambiental moderno. De todo isto deixamos aquí unha mostra en imaxes.
Neste mes, o 9 de febreiro, reuniuse de novo o grupo de cuarto da ESO para comentar, desta volta, as poesías de Carlos Negro. As obras escollidas foron Maquinaria e Aplicación instantánea nas que o autor conecta moi ben coa rapazada cunha poesía fresca, directa e coa súa propia linguaxe.
O club de profes reuniuse o 11 de febreiro para comentar unha existosa obra de Laettitia Colombini, A trenza. Gustounos moito e gozamos coa lectura das tres historias protagonizadas por tres mulleres de lugares moi distantes (Canadá, India, Italia). Cada unha delas vive unhas circunstancias moi diferentes inzadas de obstáculos, emocións, retos e loitas persoais que nos amosan a problemátca social e persoal á que cada unha delas ten que enfrontarse. O final da obra entrelaza as tres vidas de xeito sorprendente. Cunha prosa fácil e que engancha dende o comezo a autora fíxonos emocionar. A versión cinematográfica, dirixida pola propia autora, tamén está dispoñible.
.jpg)
.jpg)
.jpg)
Pouco a pouco seguimos dando forma ao novo espazo da biblioteca. Máis amplitude, máis luz e novas lecturas e xogos. Nos recreos o noso alumnado comparte xogos, club manga, partidas de xadrez e intercambian opinións sobre lecturas. Temos agora unha biblio moito máis dinámica e acolledora: Aínda queda moito por facer porén continuamos a traballar para seguir mellorando cada curso. Aquí vos agardamos!!!! 💓📗
Vede que ben está quedando:
.jpg)
Antes de gozar das nosas vacacións de Nadal, organizamos dende a biblioteca un concurso de postais para que o noso alumnado demostrase a súa creatividade unindo os motivos de Nadal cos motivos literarios. O resultado foi o que aquí vos mostramos. Damos as grazas a todos e todas os que participastes e os nosos parbéns ás tres gañadoras!!! ✨
.jpg)
O luns19 de decembro, para rematar as sesións deste trimestre do club de lectura, reunímonos de novo para ler e comentar a obra de banda deseñada TAM. Fixemos a lectura compartida e logo intercambiamos opinións. Gustounos esta banda deseñada escrita por Anémona de Río, pseudónimo de Aldara Álvarez García, Vigo, 1995. Gustoulle debuxar dende sempre pero nunca o contemplou como unha profesión ata que en 2013 entrou na escola de cómic e banda deseñada O Garaxe Hermético, onde participou en dous álbums: 221BD e Verne imaxinado. O seu proxecto Tam gañou o Premio Fin de Curso e foi publicado por Retranca Editora. Durante estes anos tamén realizou varias tiras cómicas para o Diario de Pontevedra. En 2019, gañou o I Premio de Banda Deseñada O Garaxe Hermético con A proba de auga. Actualmente dedícase a facer encargos personalizados. Pódense atopar máis mostras do seu traballo en Instagram e Twitter en @anemonaderio.
Aquí vos deixamos unhas fotiños da sesión.
.jpg)
.jpg)
O departamento de Bioloxía acháganos unha interesante mostra de fósiles para que poidamos coñecer máis sobre o desenvolvemento da vida. "Réplicas de fósiles e a súa era" aproxímanos ás diferentes etapas que conforman a evolución do planeta.
.jpg)
