Felicitación de nadal

Felicidades, constitución!

O 5 de decembro rematou a colocación da exposición sobre os 30 aniños que cumpre a Constitución Española.
Esta actividade organizouna o departamento de C.C.S.S e o alumnado do Instituto.
Os rapaces/as de 2º E.S.O realizaron coa nova profesora Silvia carteis sobre os dereitos humanos. Os de 1º E.S.O colaboraron recollendo testemuñas das persoas maiores sobre como se sentiron cando morreu Franco dirixidos polo profesor Adrián. Por último os de 3º E.S.O realizaron carteis do Estatuto de Autonomía e da Constitución co profesor Xoán e mais Adrián. Nós, alumnos/as de 4ºESO,que estamos estudando o século XX, imos facer entrevistas aos nosos avós/as ou a algunhas persoas maiores que teñamos a man sobre as reaccións á morte de Franco, golpe de Estado do 23F… A intención é que coñezamos e, sobre todo, PENSEMOS o significado da Constitución e o seu contexto.
Como podedes observar, no corredor de arriba do noso Instituto en cada parede colocáronse carteis, mapas, debuxos, fotografías… que explican o período histórico de antes e despois do 36, os 30 anos da Constitución, así como o aniversario do Estatuto de Autonomía de Galicia e a Declaración dos dereitos humanos. Un excelente traballo que nos serviu para entender mellor o noso pasado. Moitas grazas ao Departamento de CC.SS. e … que sigan así!!

Carla e Saray

Made in Galiza, unha lectura ... DIFERENTE

INSTRUCCIONES PARA APRENDER A HABLAR EN GALLEGO
Welcome to the best method to learn Galician! Bienvenu à la meilleure méthode pour apprendre le galicien! El primer paso que debería dar la persona que pretenda empezar a hablar gallego es sacarse una fotografía tamaño carné para tener un recuerdo de cómo era antes de saber hablar gallego...

Made in Galiza, páx. 36

Instrucións para empezar a falar galego, prospecto médico da lingua galega, un método de autohipnose para falar a nosa lingua sen prexuízos, un relato que é unha soa frase... A imaxinación e o humor retranqueiro sobrancean por todo o libro de Séchu Sende, lectura escollida para o alumnado de 3º ESO nesta primeira avaliación. É un libro atrevido, rebelde... diferente.

Achégate á nosa realidade lingüística da man de Séchu Sende e opina ...

Unha de vampiros...Saga Crepúsculo

Hai uns meses, unha das miñas enfermeiras comentábame incrédula e emocionada que a súa filla adolescente enganchárase por primeira vez á lectura, de feito, pegáralle tan forte que levaba o libro con ela a todas partes.
Pregunteille con curiosidade polo título do libro que obrara a milagre: "Crepúsculo"

O mellor de todo era que o libro formaba parte dunha saga xunto con "Luna Nueva" , "Eclipse" e "Amanecer" polo que a súa filla seguiría a ler durante unha tempada.

Desde entón, como soe pasar nestes casos, non deixo de tropezarme con referencias ao libro, máis á película que se estrea estes días.

Miles de fans en todo o mundo, centos de videos en youtube, páxinas web, foros e blogs adicados á novela parecen demostrar que a filla da miña enfermeira non é a única que sucumbe a esta historia de amor "imposible" entre unha adolescente e un vampiro que terá 17 anos por toda a eternidade.

Entre Juanes anda el juego (o de Juan Gelman a Juan Marsé)

Acabamos de inscribir en el cuadro de honor de los premios Cervantes a todo un señor de la palabra, Juan Marsé, catalán de 75 tacos. Me pides que diga algo y a ello voy. Mirando su retrato, tiene toda la pinta de un boxeador “sonao” y si esperas que su jeta esboce y amague una sonrisa, pues espera sentada. ¿Sabías que el apellido Marsé e adoptado/adoptivo? De padre desconocido o no reconocido, su madre biológica, muerta en el parto, se apellidaba Faneca. Estarás conmigo, oh ilustre creadora del blog calixtino, que Juan Faneca resulta más sonoro, significativo y… playero. Pero vengamos a la obra. De todo su catálogo me quedo con “La muchacha de las bragas de oro”, por lo sugeridor, por el Premio Planeta que le supuso y tal. Eso sí, su obra cumio es sin duda ÚLTIMAS TARDES CON TERESA, en la que se consagra el antihéroe PIJOAPARTE, mozo charnego del barrio barcelonés del Guinardó, que se enamora de Tere., niña bien, algo rebelde e ingenua. Para cerrar un trío, si “Las bragas” es el violín, “Últimas tardes” es el piano, digamos que “Rabos de lagartija”, una de sus penúltimas obras, es… el violonchelo (ejem!). ¿Su estilo, su prosa, su rumbo? Pues una mezcla de esqueleto y corazón, de basura y magia, a veces sacude como un trueno, a veces acaricia como una pluma de ganso. Y, sí, ácido, muy ácido y corrosivo (qué le voy a decir a la experta en materia de ácidos y oxácidos…) De Juan Marsé sabrá más quien leyere.
La tarde-noche está diluviana y quiero soltar este portátil de mi hija que no tiene ni rato. Lamento no recordar la letra, pero sí la música de una frase de Marsé: Mi mayor deseo es vivir siempre un amor imposible. De acuerdo, don Juan.

José Luís

Centos de citas, un punto de encontro II

Como vos dicíamos a semana pasada, aqui vai unha escolma das citas para que votedes as vosas favoritas. Á hora de votar, gustaríanos que tivésedes en conta que moitas destas citas son de creación propia (en verde), o que ten moito máis mérito!

1.- "Cuando te aburras y no sepas que hacer, coge un libro y empieza a leer" Jessy 2ºD
2.- "Los libros nos dan consejos que no se atreverían a darnos nuestros amigos" Nuria 2ºB
3.- "A biblioteca é como unha hipoteca, nunca se acaba" Richi 2ºA
4.- "Hai algo no fondo do pasillo que ninguén sabe que é porque a maioría da xente non vai nin a ler" Ernesto 2ºD
5.- "Si te gusta la biblioteca no vayas a la discoteca" Helier 3ºA
6.- "El hombre que no lee no tiene ninguna ventaja sobre el que no sabe leer" Javier Comesaña 3ºA
7.- "No hay dos personas que lean el mismo libro" Mauricio 2ºB
8.-"El niño del pijama a rayas: en Lemos 12 €, en Semel 15 €, en nuestra biblioteca no tiene precio" Yaisha 2ºD
9.- "Lee y conducirás, no leas y serás conducido" Jorge 2ºC
10.- "Non hai mellor nave que un libro para viaxar lonxe" Emily Dickinson. Borja 2ºA
11.-"Un libro abierto es un cerebro que habla, cerrado un amigo que espera, olvidado un alma que perdona, destruído un corazón que llora" Estefanía 1ºB
12.- "Si viajas a un rincón lleva un libro y te alegrará el corazón" Lois 1ºB
13.-"Un libro es como un viaje, se comienza con inquietud y se termina con melancolía" Nerea 1ºC
14.- "Hai moitos libriños e poden ter moito valor, pero para ti lelos tencho que mandar un profesor" Anónimo 3ºB
15.- "La biblioteca del colegio es como un paragüas sólo se usa cuando llueve" Diego 4ºB
16.- "Un libro é unha porta aberta á cultura, coñecemento, sabedoría e sobre todo ilusión" Josue 2ºB
17.- "A biblioteca é un lugar, ler unha acción e sen lectura ninguén son" Rosana 3ºB
18.- "Ningún amor muere, sólo cambia de lugar en la memoria" David 4ºB
19.- "Canto máis pobres son as palabras, máis pobre é a vida" Kevin 2ºA
20.- "A ninguna princesa se le cae la corona por ningún principe" Elba 4ºC
21.- "Si la vida te da mil razones para llorar, demuestra que tienes mil y una para soñar! Haz de tu vida un sueño y del sueño una realidad" Miriam 4ºB
22.- "La felicidad no se logra con grandes golpes de suerte que pueden ocurrir pocas veces, sino con pequeñas cosas que ocurren todos los días" Lucía 2º C
23.- "Un viaje de mil millas empieza por un solo paso" Sergio 3ºC
24.- "Si alguien ama a una flor de la que sólo existe un ejemplar en millones de estrellas, basta que las mire para ser dichoso. Puede decir satisfecho: mi flor está allí, en alguna parte" Julio 4ºC

Día contra a violencia de xénero

O vindeiro martes, 25 de novembro, celébrase o Día contra a violencia de xénero. Desde o I.E.S. Pedrasrubias queremos amosar a nosa repulsa contra toda forma de discriminación e/ou violencia.

Para máis información podes consultar as seguintes páxinas:

Páxina de Alecrim: http://www.alecrin.org/

Páxina de igualdade da Xunta de Galicia: http://www.igualdadegaliza.org/

Rede de asesoramento afectivo-sexual para a mocidade: http://querote.org/

Xunto con algúns teléfonos:

Atención a mulleres: 900 400273

Garda civil: 062

Policia Local: 092

Policia Nacional: 091

Emerxencias:112

Urxencias:061

Centos de citas, un punto de encontro.

Na semana da celebración do Día das Bibliotecas Escolares, como actividade complementaria, vos propuxemos que crearades ou copiarades unha cita que podía ter como temática os libros ou ser de tema libre. Todos colaboráchedes a través das titorías cos vosos post-it de cores creando o mural "centos de citas, un punto de encontro" que quedou ben fermoso, como podedes ver nas fotos de abaixo.

A partir de agora, iremos colgando no blog unha selección de ditas citas, xunto cunha enquisa para que votedes ás vosas favoritas. Non vos esquezades de participar!

O Taller de Prensa inicia a súa andaina

Este curso 2008-09 todos os membros da comunidade educativa do IES Pedras Rubias imos gozar dunha información actualizada e veraz do que acontece ao noso redor grazas ao alumnado que participa na optativa “Taller de prensa”.
Nesta materia os alumnos e alumnas comportámos como periodista e facémonos unha idea, a pequena escala, do que é esta profesión. O noso traballo diario consiste en recoller noticias acontecidas no instituto e na vila para despois facer unha publicación.
“O niños dos carrizos” é unha delas, que verá a luz dúas veces por trimestre. Tamén contaremos cun par de especiais, o do entroido e a revista fin de curso, Atdp (As tamacas de pau), na que coa axuda de Susana, a profe, somos os encargados de redactar, maquetar…
Tamén pensan participar coa axuda dos alumnos/as de 3ºD na VIII edición O país dos estudantes, concurso a nivel nacional de publicacións estudiantís, no que o noso Instituto xa concursou en dous anos anteriores.

Bautizo da biblioteca II

O prometido é débeda, aqui tedes por fin a reportaxe gráfica do bautizo da biblio.

Ciencia-ficción: A noite dos tempos de R. Barjavel

Proposta para todos os rapaces (ou non) amantes da ciencia-ficción: A noite dos tempos de Réné Barjavel.

O personaxe principal, Simón, é un médico que vai á Antártida en misión científica cun grupo de investigadores. Durante as perforacións, os aparellos de alta sensibilidade atopan baixo o xeo un “refuxio” feito pola man do home, pero cunha tecnoloxía tan punteira que na actualidade sería imposible de construír. Os científicos logran penetrar no refuxio e o que alí atopan cambia para sempre á humanidade enteira. Este achado marcará con lume no corazón de Simón a…Eléa.

Esta novela ten todos os ingredientes dunha boa novela do seu xénero e contén ao mesmo tempo grandes doses de romanticismo. Tampouco falta a crítica da nosa sociedade, capaz de destruír o máis fermoso só polo beneficio duns poucos e diante da indiferenza da maioría (contra-utopía).
Orixinalmente foi escrita en francés (La nuit des temps, éd. Pocket) Non atopei tradución ao galego pero si en castelán ( Edicións Ultramar). Tamén podemos descargala gratuitamente no ordenador dende os seguintes enlaces:
http://www.esnips.com/doc/12e0859f-8032-461b-8d64-494bb47b1d30/Barjavel,-Rene---La-noche-de-los-tiempos-pdf
http://cahuinweb.com.ar/sololibros/wp-content/uploads/2007/04/barjavel-rene-la-noche-de-los-tiempos.pdf

Para terminar, esta vez en francés, unhas palabras de Barjavel:

"Dieu avait fait l'homme à son image, mais il l'avait pétri dans la boue qui contient en puissance toutes les pourritures."

Matilde

Os xoguetes non esquecidos

"Durante as longas tardes dos domingos, na época estival, era moi doado escoitar un troupeleo de rapazolos na costa dun camiño. Alí había berros, pelexas, choutos violentos, golpes,.. máis tamén risas, amizade, un buligar de camaradas capaces de romperen a testa contra o chan ou escordaren un nocello e viren á noite para as súas casas suorentos e cansos, máis vencellados polos pescozos coma se fosen parellas de rubios bois condenados a se entender despois de araren todo o día.
Eran estes sinais ou indicios dabondo como para saber que alí se estaban a celebrar competicións de carrilanas. Sempre escollían un camiño costento e con algunha curva pouca doada a dar, para imprimirlle máis emoción á baixada... "

Os xoguetes esquecidos

Xosé López Gonzaléz e Xosé Manuel García

Pois vai a resultar que de esquecidos, afortunadamente, nada de nada e senón... que llo pregunten aos nosos intrépidos "Rachabimbios".

http://es.youtube.com/watch?v=YdCreIfHkNc

Nace a primeira biblioteca escolar dixital en rede

O Centro Internacional de Tecnoloxías Avanzadas (CITA) de Peñaranda de Bracamonte (Salamanca) ven de crear a primeira biblioteca escolar dixital da rede. Nela recóllense máis de 1.500 enlaces relacionados coa educación infantil, primaria e secundaria.

O director da CITA, destaca que este proxecto vai dirixido aos tres vértices do ámbito educativo: alumnado, profesorado e pais/nais.

Cun deseño fácil e atractivo, a web está dividida en tres grandes áreas: Primaria, E.S.O. e Bacharelato.

A biblioteca, bautizada co nome de BED é de acceso e utilización gratuíta, podendo o usuario suscribirse para recibi-las actualizacións e novas de xeito periódico.

Tedes o enlace na columna da dereita, en sitios que deberías visitar.

Tamén len... con Paco

Hoxe inauguramos o "Tamén len " deste curso tendo como invitado a Paco, o profe de ingés do C.P.I. Altamira.

Que dicir ten que houbo cheo total!

Paco agasallounos coa lectura dun fragmento de "A língua das bolboretas" de Manuel Rivas, no que o protagonista, "Pardal", vai por primera vez á escola. Atentos escoitamos como o rapaz, morto de medo e vergoña fuxía cara os montes no seu primeiro día de colexio e como, dunha segunda volta, e grazas ó seu mestre, lle foi collendo o gusto a aprender e descubrir cousas novas.

Logo chegou o turno das vosas preguntas: Se seguía levando a guitarra ás clases, se aínda existía o club de inglés, porqué escollera este libro,...

Para todos nós foi un pracer compartir este espazo contigo, desde o IES Pedras Rubias, moitas grazas!

Bautizo da biblioteca I

Coincidindo co Día das Bibliotecas Escolares, aproveitamos para bautizar a nosa biblioteca, contarvos as actividades previstas para este curso, descubrir o novo nome e ... sobre todo pasar uns momentos inolvidables da man do noso SuperFandiño e as súas azafatas.

Como o acto non foi curto, tentaremos adicarlle varias entradas esperando contar coa vosa participación para que nos relatedes como o vivichedes.

Grazas pola vosa participación: O equipo da biblioteca.

Aquí tendes os enlaces para poder ve-los video, que os disfrutedes.

http://es.youtube.com/watch?v=drsoAvmSSNk

http://es.youtube.com/watch?v=Rir8LWOTdQU

E vai de premios!

Estamos de noraboa!

Agustín Fernández Paz gañou hoxe o Premio Nacional de Literatura Infantil e Xuvenil, concedido polo Ministerio de Cultura, coa súa obra “O único que queda é o amor”, editada por edicións Xerais en galego e por Anaya en castelán. Este premio distingue ao mellor libro de literatura infantil ou xuvenil publicado no ano 2007 en calquera das línguas oficiais que se falan en España.

Nacido en Vilalba no ano 1947, é licenciado en Ciencias da Educación. Traballou como profesor de primaria en diferentes centros e máis recentemente como profesor de Língua e Literatura Galega no IES “Os Rosais 2” de Vigo ata a súa prexubilación no 2008.

Entre as súas obras destacan: "A cidade dos desexos", "As flores radiactivas", "Contos por palabras" (seleccionada pola Fundación Germán Sánchez Ruipérez como unha das cen mellores obras da literatura infantil española do siglo XX), "Lonxe do mar", "O centro do labirinto", "A néboa escura", "Noite de voraces sombras" e "Corredores de sombras", entre moitas outras.

Podedes acercarvos a súa obra desde a nosa biblioteca onde atoparedes moitos dos seus libros.

O Premio Nobel de literatura 2008

Jean-Marie Le Clèzio naceu en Niza (Francia) o 13 de abril de 1940. De nai inglesa e pai francés, foi o gañador desta edición do Premio Nobel de Literatura. A parte deste premio, tiña gañado o "Renaudot", o máis importante das letras francesas, en 1963 e o "Paul Morand" en 1980 pola obra "Desert".
Comezou a escribir con 7 anos e se fixo famoso aos 23 coa súa primeira novela "Le Procès-verbal" ("El atestado").
Casou en 1975 coa súa dona, de orixe marroquí, e teñen dous fillos.

O Nobel lle será entregado o 10 de decembro en Estocolmo.

Se queredes máis información, aqui vos deixo este video:

Elena Soutullo González 3ºA

As letras galegas perden a Ramiro Fonte

Ramiro Fonte (Pontedeume, 1957, Barcelona 2008) era actualmente o director do Instituto Cervantes de Lisboa. Poeta, narrador, ensaísta, crítico e estudoso da literatura galega, formou parte dos poetas do Colectivo Cravo Fondo e era membro destacado da denominada Xeración dos 80.
Publicou no 1983 o seu primeiro poemario, As cidades da nada, un libro que ía definir pefectamente a estética da xeración, marcada por un culturalismo da linguaxe que buscaba romper as trabes da poesía social imperante desde finais dos anos sesenta.
Posteriormente, apontoaría unha traxectoria de forte impronta persoal cuns versos que fundirían un neoclasicismo de métrica rigorosa e un progresivo intimismo.

Dixeron del…Ramiro pertencía a unha categoría distinta que non precisa monumentos, porque o seu recordo se disolverá na paisaxe, discorrerá polo Covés e as tierras do Eume ata que o mundo acabe. Andan por aí non sei cantos científicos acelerando partículas para atopar a orixe do universo, pero hai outros sistemas para chegar a esa mesma conclusión, que é reunir a poesía que en todo o orbe e durante toda a historia crearon persoas como Ramiro.
Neles está o compendio do que somos, o máis insondable, o misterio que provoca a emoción. Poetas e creadores son os que deixan un legado inmortal, dentro do cal están as claves para saber quen somos. Non busquen o que é Galicia nas estatísticas ou os tratados políticos porque o enigma está cifrado en escritores como o que nos abandona (CARLOS LUÍS RODRÍGUEZ)

Compartindo a lectura con... Irma

A lectura de " La ladrona de libros" de Markus Zusak, non estivo completa ata que non comentei o libro cos amigos e amigas que tamén o leran.
Recomendo este libro a todos aqueles que lles guste ou non ler. O formato publicado en Lumen pareceume moi atractivo e, a pesar do volume do libro, ao abrilo invítache a coñecer o que contan esa cadea de palabras encabezadas por pequenos títulos que enlazan uns capítulos cos outros e pouco a pouco desvelan o final da historia.
A protagonista, Liesel Meminger, é unha rapaza como moitas de vós: viva e esperta, travesa, sensible, apaixonada, intrépida... que vive nunha sociedade e nunha época onde a morte convive con todos eles como unha personaxe máis.
Anímote a que coñezas esta historia e a compartas con nós, xa me contarás que che parece...

"O neno do pixama a raias" chega aos cines

"O neno do pixama a raias" de John Boyne foi un dos libros máis solicitado en préstamo na nosa biblioteca o curso pasado. Para os que xa o lestes unha boa nova: axiña a poderedes ver nos cines. Para os que aínda non o fixestes, sempre estades a tempo.

O libro relata unha historia de amizade entre dous nenos de nove anos, Bruno e Shamuel, a través dun aramado. Bruno é o fillo dun comandante da SS destinado ao campo de concentración de Auschwitz, e Shamuel é un neno xudeu que sempre leva un pixama a raias...

Dirixida por Mark Herman (Tocando al viento), con Assa Buttefield no papel de Bruno e o debut cinematográfico de Jack Scanlon encarnando a personaxe de Shamuel, a película promete ser todo un éxito .

Aí vos deixo un adianto,

A boa educación

Desde o pasado 22 de setembro ata o vindeiro 10 de outubro, nunha das salas do Centro Cultural do Porriño, podedes visitar a exposición: "A boa educación".

Organizada polo A.M.I. (Arquivo Municipal da Imaxe) a exposición amosa a través de fotografías e paneis explicativos a evolución do ensino no Porriño (e, por extrapolación en Galiza) desde principios do S.XX ata mediados dos anos 60.

Mergullados entre as fotos de grupos e os retratos das distintas épocas, os paneis guíannos nunha viaxe no tempo; desde unha situación inicial calamitosa, con locais en alugueiro e sen medios, pasando polas melloras promovidas desde a emigración, ata a renovación pedagóxica nos tempos da República e a volta á escuridade coa Guerra Civil e a posterior represión franquista.

Nesta viaxe, un pode descubrir historias sorprendentes, coma a do mestre Luís Carragal Peón, que durante a República foi quen de crear unha Cooperativa Rural anexa á Escola Nacional de Nenos, na parroquia de Budiño, exemplo de experiencia innovadora única no noso País.

Por último, nun recuncho da sala recréase unha aula de entón con mobiliario cedido por MUPEGA (Museo Pedagóxico de Galiza).

Anímovos a visitala, paga a pena.

O meu fragmento favorito

E para inaugurar a sección de citas e fragmentos favoritos, aí vos deixo o meu. A elección non era doada xa que son moitas as citas que me viñan á cabeza pero había que escoller unha. Espero que vos guste (Ana, a profe de Física e Química).

-El mundo es eso-reveló-. Un montón de gente, un mar de fueguitos.

Cada persona brilla con luz propia entre todas las demás. No hay dos fuegos iguales. Hay fuegos grandes y fuegos chicos y fuegos de todos los colores. Hay gente de fuego sereno que ni se entera del viento, y gente de fuego loco, que llena el aire de chispas. Algunos fuegos, fuegos bobos, no alumbran ni queman; pero otros arden la vida con tantas ganas que no se puede verlos sin parpadear, y quien se acerca, se enciende.

El libro de los abrazos

Eduardo Galeano

Benvid@s!

Un novo curso comeza, e con el a ilusión de ampliar horizontes. Así nace BIBLOS VIVOS, a nosa biblioteca virtual.

Un espazo de tod@s para compartir novidades e inquedanzas.

Queremos escoitar as túas opinións, comentarios e suxestións.

Gustaríanos que compartises con nós o teu libro favorito, a túa película, as citas que recordas, os poemas.... e entre todos ir facendo medrar este novo proxecto que xorde cheo de esperanzas e ilusións.

Pero, sobre todo, gustaríanos que este blog servise de portal de acceso á maxia que dorme dentro de cada un de nós.