CICLO DE CINEMA

A finais do 2º trimestre, esa semana antes das vacacións de Semana Santa, adoitamos facer un Ciclo de Cinema para o alumnado que non vai de excursión, nomeadamente o de 2º e 4º ESO.

Desta volta, pensamos que podiamos programalo seguindo varias pautas: o lema deste curso "Imaxina que..." , valorar filmes que cremos se deben dar a coñecer pola repercusión que tiveron na historia do cinema e pola súa valía como obras cinematográficas.

Elaboramos unha ficha de cada filme e propuxemos ver e traballar:

-El maquinista de la General. Buster Keaton. 192

-El guateque. Blake Edwards. 1968

-Star Wars. Episodio V: El Imperio contraataca. Irvin Kershner. 1980

                    

Consideramos que, no tempo que levamos tentando achegar a mocidade ao cinema de calidade e que saiban da súa historia, tivemos resultados positivos, e esperamos contribuír deste xeito a formar un bo público e dar a coñecer unha faceta tan importante das diversas culturas. Porén, unha cousa non desvaloriza a outra, e tamén quixemos destacar a faceta de entretemento de moitos filmes.

BD (HISTORIETAS). IMAXINA QUE ... EXISTE UN MUNDO ONDE TODAS AS PERSOAS VIVEN EN PAZ

Este é o resultado do Concurso de BD, onde imaxinamos que poderiamos vivir nun mundo en PAZ, xa que na realidade non é así, pero imaxinalo posible sempre move a buscar esa posibilidade a través de diferentes formas de pensar e actuar...

A variedade de ideas e a creatividade son evidentes e agradecemos o traballo de todas as persoas que participaron; temos que recoñecer que a táctica de guiar dende as aulas as pautas para facelo e cualificalo como un traballo máis en diversas materias como Ética, Plástica, etc, dá bo resultado e enriquece e complementa a aprendizaxe académica con pautas que pretenden respectar a liberdade de expresión e creación, ademais de sensibilizarse ante temáticas de interese xeral e coa idea de compromiso social necesaria para coidar a convivencia nos diferentes aspectos.

Despois de reunir diversas valoracións de alumnas/os e profes, as Historietas de Banda Deseñada destacadas con premio son:

1- The pencil. Iago Ferreira. 3ºC.
2- Buchi. Alba Cabaleiro. 4ºB.

3- A pomba. Laura Besada. 2ºA.

4- London. Tamara. 2ºA. Mención especial.
5- Un mundo sen violencia? César Pascual. 4ºB. Mención especial.

CONCERTO DE MÚSICA: EN SON DE PAZ.

"En Son de PAZ" é un título ben axeitado para deixar constancia sobre o ambiente que se creou ao redor da música o pasado xoves 28 de Xaneiro, cando alumnas/os de todos os cursos interpretaron diferentes pezas musicais e cancións da man do profesor de Música Pablo, que estivo traballando connosco ese mes, a quen agradecemos a súa idea e capacidade para organizar dita actividade e desexamos que lle vaia moi ben no seu novo destino.

IMAXINA –JOHN LENNON

Imaxina que non hai Ceo,

é  moi fácil de pensar.

Sen o inferno baixo noso,

enriba o firmamento.

Imaxina a toda xente,

vivindo o día a día.

Imaxina que non haí fronteiras,

é moi fácil de acadar.

Sen loitas que lidiar, (batallas que librar)

e  ningunha relixión.

Imaxina a toda a xente,

vivindo a vida en PAZ.

Ti dirás que eu soño,

peor hai moitos coma min.

E desexo que te unas,

e o mundo sexa un só.

Imaxínao sen diferenzas, (que non hai diferenzas)

podemolo conseguir.

Que non haxa máis cobiza,

só igualdade entre nós.

Imaxina a toda a xente

compartindo amor.

Ti dirás que eu soño, (son un tolo)

pero hai moitos coma min.

E desexo que te unas,

nun fermoso mundo en PAZ.

                                   (Tradución ao galego: Paula Fdez. Bañuelos e Uxía González).

Houbo dúas sesións para repartir o público e que puideran acudir todos os grupos. Ambalasdúas comezaron coa actuación "estelar" de Uxía González, acompañada de Gabriel ao piano, interpretando a canción de John Lennon "Imaxine", unha parte en inglés e outra en galego traducida por nós. A verdade é que fixeron un bo tandem e resultou emocionante escoitalxs. Non tedes máis que premer nos vídeos e nos enlaces para lembrar o seu son e o dos demais grupos que actuaron con entusiasmo e bo oficio.

https://www.youtube.com/watch?v=J_9FqLAhk5I

                                  Uxía e Gabriel. Ensaio Imagine-Imaxina

                                     Imagine-Imaxina. John Lennon

                                     Canción de Zara Larsson

https://www.youtube.com/watch?v=aT2Xe1Mzh6Y

https://www.youtube.com/watch?v=vjhzmsZ3SF4

LEMA DA BIBLIOTECA ESCOLAR: IMAXINA QUE...

"Imaxina que..."

Este curso decidimos que podería ser un bo lema facer xirar as nosas actividades ao redor desta idea, de imaxinar como poderían ser as cousas, o noso mundo, a nosa realidade, as nosas iniciativas, e, como non, os nosos soños... En definitiva, imaxinar a mellor das vidas, imaxinar para descubrir cousas novas, para experimentar; pero sabendo que para iso, tamén para imaxinar, é necesario aprender, saber, indagar, curiosear, investigar, cuestionar, buscar... para encontrar e para que o noso maxín sexa movido e o vexamos bulir, rebulir, burbullar... por mil e unha ideas e coñecementos, como base da aprendizaxe e da creatividade de cadaquén.

                                 Arte no Barrio Oeste de Salamanca. Foto de Paula F.B.

A conexión tamén está servida co lema que se vai traballar dende a Asesoría de Bibliotecas Escolares este ano: 

"Biblioteca escolar, Base de exploracións"

http://www.edu.xunta.es/biblioteca/blog/?q=node/804

Partindo destas ideas pretendemos acadar as destrezas e as competencias clave para mellorar a lecto-escritura, a capacidade de comprensión da información que manexamos, o diálogo, o debate, ampliar a nosa cultura, entender a sociedade na que vivimos e implicármonos coas diferentes realidades que nos rodean, darlle ao proceso educativo e á escola o valor de servirnos para formarnos como persoas que vivimos nunha colectividade, onde poidamos, dun xeito ou doutro, contribuír a mellorala e facela máis xusta e libre. 

-Tendes estes enlaces a varios documentos: a unha noticia de prensa sobre a desigualdade en Europa e o aumento da pobreza, que quizá sexa do voso interese para comezar a achegarvos á información e ás problemáticas que nos rodean:

http://www.huffingtonpost.es/2015/09/09/oxfam-desigualdad_n_8104186.html?utm_hp_ref=spain

-Este outro enlace sobre unha app para reivindicar a importancia histórica das mulleres:

http://cadenaser.com/programa/2015/08/31/la_ventana/1441032924_832662.html

-Este enlace fala do que pasa nos países de onde saen persoas que chegan a Europa escapando de situacións de conflito:

http://www.eldiario.es/desalambre/paises-salen-personas-llegan-Europa_0_423458182.html

-Compartes a opinión de José Mujica? Sabes quen é este personaxe? Quizá che interese buscar información sobre el e contrastala.