Hoxe 2 de decembro tivemos unha nova xuntanza do club de lectura. No grupo de manga disfrutaron con Spy x family 2 e mesmo fixeron debuxos anime inspirándose nel.
No grupo de 1º e 2º ESO analizamos a obra Cartas de inverno de Agustín Fernández Paz, un clásico da nosa literatura xuvenil. A partir da súa lectura empregamos a ténica Knolling para crear unha fotografúa inspirándonos no seu contido.
Aquí van as fotiños mostra da sesión.
O 18 de novembro, co gallo da conmemoración do mes da ciencia en galego, o club de ciencias desenvolveuse na biblio con alumnado de 4º ESO e 1º BACH. A sesión levou por título "Cromatografía das follas de outono" e o resultado foi moi produtivo. Aquí vos deixamos unha mostra gráfica do desenvolvemento e resultado.
Hoxe conmemoramos o Día das Bibliotecas cun progama de radio especial no que alumnado do noso equipo de voluntariado e club de lectura leu textos do noso cancioneiro popular. Ademais acompañamos o recitado con música en galego que mesturan en moitos casos a tradición e a modernidade. Podedes ver o programa completo na nosa canle de youtube Onda Raia Pedras Rubias. Aquí vos deixamos o enlace: Día das Bibliotecas
.jpg)
Tivemos hoxe unha nova sesión do club de lectura na que comentamos dúas obras teatrais: A derradeira bala e O achado do castro. Comentamos os seus argumentos e personaxes e dramatizamos algunhas escenas. Son obras que gustaron moito e que axudaron a que o alumnado vaia descubrindo o xénero teatral desde outra perspectiva. Agardamos unha próxima reunión pronto.
Estamos de novo en marcha e retomando as nosas citas lectoras. Realizamos a primeira reunión do club de lectura o 30 de setembro na cal decidimos comezar lendo teatro xa que este curso a Biblioteca Escolar sae a escena! A rapazada de 1º e 2º ESO leu O achado do castro, un clásico de Manuel Núñez Singala e os de 3º e 4º A derradeira bala de Fernando Castro Paredes, obra gañadora do Premio Vidal Bolaño de Teatro, un premio convocado pola Editorial Galaxia e o equipo de dinamización lingüística do IES Ribeira do Louro e colaboración do Concello do Porriño desde o ano 2018.
Con moitas ganas e novas ilusións voltamos nun espazo renovado e aberto para que poidamos gozar da lectura e dos xogos que esperan na nosa Biblioteca Calixtina.
Iremos informando de novidades e poñendo en marcha proxectos e actividades.
Bo curso para todos e todas!!!!
Hoxe tivemos o pracer de volver a recibir a Fran Alonso na nosa biblio para a gravación dun novo programa para a TVG (LÉOCHO EU) sobre os clubs de lectura. O alumnado do club de lectura de 1º BACH e 4º ESO gravou unha nova sesión do club na que falaron de novo co autor sobre o seu poemario Street Poems. Unha bonita experiencia. Moitas grazas a todos e todas e especialmente a Fran Alonso por volver acompañarnos.
Onte entregamos os diplomas ao grupo de voluntariado que o curso anterior desenvolveu o seu labor na biblioteca. Algúns e algunhas continúan tamén este curso e agardamos poder contar con eles e elas o próximo curso. Moitísimas grazas polo voso labor!
Como peche ás actividades deste curso o 29 de maio fixemos unha excursión literaria conxunta co público máis fiel do Tamén Len, do club de lectura e cos colaboradores de voluntariado da biblioteca. Achegámonos ao universo literario de Domingo Villar facendo un percorrido por algúns escenarios nos que se desenvolve a novela A praia dos afogados. Visitamos así Panxón e fixemos lecturas de fragmentos da obra ademais de poder gozar dun día solleiro na praia. Grazas a todo o alumnado participante e agardamos que o próximo curso teñamos moitas máis lecturas proveitosas. Aquí vos deixamos unha pequena mostra en imaxes do día.
Co gallo da celebración das Letras Galegas, dedicado estes ano a Luísa Villalta, leváronse a cabo as seguintes actividades organizadas polo Dpto. de Dinamización da Lingua: un encontro cos regueifeiros Luis Caruncho e Bieito Lobariñas, o maratón de lectura de textos e libros da autora homenaxeada na bibliotaca (xa que o mal tempo non permitiu realizalo ao aire libre como era costume). Tamén se celebrou un xogo de búsqueda do tesouro en colaboración co Dpto. de Educación Física. Ademais, na Aula Virtual habilitouse un espazo para as Letras Galegas no que se pode atopar material diverso sobre a autora.
DÍA DE ROSALÍA DE CASTRO
O día 23 de febreiro cumpríronse 187 anos do nacemento de Rosalía de Castro.
Para celebralo, no IES Pedras Rubias o Departamento de Lingua Galega e Literatura organizou un Concurso Artístico de Creación Propia. Para a elaboración destas creacións partiuse da inspiración da natureza, igual que inspirara a Rosalía nalgunhas das súas composicións. Dúas foron as modalidades de creación: haikus (para 1º de ESO) ou composición poética acompañada dunha planta silvestre (para os restantes cursos), en ambos casos relacionado coa figura de Rosalía de Castro e a natureza. Houbo de prazo ata o xoves 29 de febreiro.
Outorgáronse 3 premios por cada modalidade. Velaquí o alumnado premiado.
En marzo volvemos regalar poesía en forma de rolos para toda a comunidade educativa. Tamén expuxemos os poemas que se regalaban escritos en varias linguas: galego, castelán, francés, inglés e portugués. Tivo moi boa acollida e cada roliño que se abría ofrecía versos moi diversos e emotivos. Unhas fotiños da mostra:
Xa pasadas un par de semanas do comezo da última avaliación celebramos hoxe o Día do Libro cunha nova sesión do noso Tamén Len. Desta vez visitounos unha nova escritora de Salcela, Ana Vila, coa súa novela "Laguna. Memorias del agua". Un encontro moi frutífero que deixou ao alumnado con ganas de ler esta obra e mesmo a 2ª parte que en breve publicará.
