EXPLOSIÓN DE CORAZÓNS E FÓRMULAS DE BO AMOR!!!!

Invitámosvos a entrar no marabilloso mundo do LABORATORIO DO BO AMOR onde creamos un sin fin de FÓRMULAS DE AMOR, coa participación de gran parte do alumnado, que ademais foi un traballo valorado en diversas materias (Ética, Cidadanía, Print, Linguas...), que servirán de reflexión e inspiración sobre un aspecto da existencia humana que esperta o interese de todxs: a nosa capacidade para establecer as mellores relacións.

Aí están os ingredientes necesarios para que esas fórmulas sexan efectivas: 

entre efluvios, cores, olores, texturas, visións, e sons, aplicando todos os sentidos, busquemos as que máis nos cheguen ao co-razón de entre esta gran explosión de creatividade, sentimento e pensamento.

VIÑETAS: UNHA OLLADA Á PAZ

Non quixemos deixar pasar a ocasión de celebrar o Día da Paz o 30 de Decembro, para botarlle "unha ollada á Paz", solidarizarnos en contra de toda violencia e a favor da liberdade de expresión. Por iso convocamos este concurso de viñetas, cuxo resultado foi a presentación de traballos variados, destacando a creatividade de moitos deles a partir de reflexións ben interesantes. A elección do mellor non é doada, o xurado terá dificil decidir...

  "La Muralla" poesía de Nicolás Guillén, poeta cubano, 

      interpretada por Ana Belén.

BO TRATO: POSTA EN ESCENA

Por fin fomos quen de levar a termo o plan proposto de implicar a todo o instituto -aula por aula- ademais de contar coa colaboración do Club de Lectura e do profesorado e demais adultos do Centro, que quixeron participar animados na montaxe dunha posta en escena por cada un dos grupos para posicionarnos en defensa do BO TRATO, partindo de ideas e actitudes pensadas sempre en positivo. 
Dende Biblioteca, Print, Orientación, Titorías, Ética e Edu. Cidadanía, estivemos especialmente implicadas para encauzar, compartir e consensuar as ideas que ían xurdindo nas diferentes aulas e darlles forma para fotografar. Houbo certas demoras e retrasouse máis do debido, pero o obxectivo era facelo con todo o alumnado e persoal do centro.

O interesante é que deste xeito participamos todas e todos e a verdade é que houbo variedade de propostas e de boas ideas para plasmar en cada fotografía. 

Deixamos enlace ao post do blog dos SiareirosdaPalabra, onde colgamos tamén o video feito:

 ... EnLEate co BO TRATO!

Nunha entrada anterior explicamos xa a dinámica da actividade, agora só queremos deixar constancia gráfica e que filtre nos poros de cadaquen esta mensaxe; 

pois unha imaxe e un bo lema valen máis que mil palabras...