SEMANA DAS LETRAS GALEGAS

 Co gallo da celebración das Letras Galegas, dedicado estes ano a Luísa Villalta, leváronse a cabo as seguintes actividades organizadas polo Dpto. de Dinamización da Lingua: un encontro cos regueifeiros Luis Caruncho e Bieito Lobariñas, o maratón de lectura de textos e libros da autora homenaxeada na bibliotaca (xa que o mal tempo non permitiu realizalo ao aire libre como era costume). Tamén se celebrou un xogo de búsqueda do tesouro en colaboración co Dpto. de Educación Física. Ademais, na Aula Virtual habilitouse un espazo para as Letras Galegas no que se pode atopar material diverso sobre a autora.

 

LEMBRANDO ACTIVIDADES DE FEBREIRO

DÍA DE ROSALÍA DE CASTRO

 O día 23 de febreiro cumpríronse 187 anos do nacemento de Rosalía de Castro.

Para celebralo, no IES Pedras Rubias o Departamento de Lingua Galega e Literatura organizou un Concurso Artístico de Creación Propia. Para a elaboración destas creacións partiuse da inspiración da natureza, igual que inspirara a Rosalía nalgunhas das súas composicións. Dúas foron as modalidades de creación: haikus (para 1º de ESO) ou composición poética acompañada dunha planta silvestre (para os restantes cursos), en ambos casos relacionado coa figura de Rosalía de Castro e a natureza. Houbo de prazo ata o xoves 29 de febreiro.

Outorgáronse 3 premios por cada modalidade. Velaquí o alumnado premiado.

O día 13 de febreiro tamén colaboramos coa radio escolar na celebración do Dia da Radio. Preparamos un programa especial con música e poesía en feminino de autoras galegas. 

MÁIS ACTIVIDADES DE MARZO E ABRIL

 En marzo volvemos regalar poesía en forma de rolos para toda a comunidade educativa. Tamén expuxemos os poemas que se regalaban escritos en varias linguas: galego, castelán, francés, inglés e portugués. Tivo moi boa acollida e cada roliño que se abría ofrecía versos moi diversos e emotivos. Unhas fotiños da mostra:

En abril volvemos celebrar o noso mercado de libros. Fixémolo o día 24 e os participantes puideron escoller entre un bo fato de libros para intercambialos polos que eles trouxeran os días anteriores. Trocaron os vales que se lle deron a cambio de cada libro traído por un novo exemplar. Démoslle unha nova vidad a aquelas obras que xa non cabían nos andeis das casas.