O pasado luns 11 de maio tivemos un encontro moi emotivo e enriquecedor entre o alumnado de bacharelato que cursa Literatura Universal e os maiores que acoden á Aula Social A Revolta. O noso alumnado leulles uns contos e a cambio puideron escoitar fermosas historias das vidas dos maiores: como ían á escola os e as que puideron ir, como traballaban, a emigración á que algúns e algunhas se viron obrigados...Resultou unha experiencia fantástica para todos e todas e contamos con repetir en breve. Aquí vos deixamos as fotos que reflicten a felicidade e a emoción que sentimos.
