A historia da pantasma Calixto

Pois aqui tedes o resultado da historia que fumos creando para o día do libro. Se queredes ve-la só tedes que pinchar no libriño verde que aparece abaixo. Desexamos que vos guste!

Agradecementos:

A Matilde, por mostrarnos as bondades de Toondoo.
A Leticía (4º C), polas fotos da Picoña e o río Caselas.
E a tod@s por participar

biblosvivos

a historia completa da pantasma calixto by biblosvivos Make Your Own At www.toondoo.com

Club de lectura: Siareiros da palabra

Vinte e tres valentes alumnos e alumnas, constitúen a formación fundadora do noso Club. Co inicio do curso 2008-2009 arrancaron as actividades a ritmo de cruceiro, xa que nas horas de mediodía o corpo e o espírito piden calma e estabilidade, e é cando nós dispoñemos de tempo para reunirnos ao redor das lecturas, do cinema, das conversas e sobretodo das risas, que nunca faltan.
Seleccionamos “Las bicicletas son para el verano”, obra teatral de Fernán Gómez, para dar un ritmo deportivo,( ma non troppo) á primeira actividade lectora, que complementamos co visionado do filme do mesmo título dirixido por Jaime Chávarri. Aproveitamos a ocasión para recrear a lectura teatral a viva voz e familiarizarnos coa linguaxe cinematográfica, desenvolvendo todo en catro sesións. Resaltamos que o tempo previo de xantar no Instituto supón para os rapaces unha excelente ocasión para confraternizar e pasalo ben, tanto que non queren ir para casa.
Durante a “Semana do Libro” a nosa xuntanza foi unha boa ocasión para ler o capítulo inicial de “Marina” de Ruíz Zafón, que os siareiros enganchados seguirán lendo para compartir despois opinións. Foi o punto inicial dunha Asemblea para falar dos asuntos pendentes, avaliar o feito ata agora e programar o último trimestre, onde acordamos ler o libro “O señor Ibrahim e as flores do corán” e ter presente a posibilidade de ver o filme baseado en dita obra.
Siareiros organiza todos os meses a actividade “TAMÉN LEN” con resultados satisfactorios. Agradecemos ao público a súa asistencia e participación activa. O día do Libro compartimos sesión lectora cos rapaces de Bretaña lendo textos en francés, galego, castelán, inglés, e como non, en bretón. En maio anticipamos, se todo é propicio, a nova da grata presenza do profesor de galego, Ramón, que esperamos nos agasalle coa súa obra creadora.

Finalmente, estamos negociando o intercambio co CLUB DE LECTURA do IES. Ferro Couselo de Ourense, coordinado pola añorada e querida compañeira Paloma, profesora de castelá. A partir de agora asomaremos as nosas sonoras e apaixonadas voces por esta xanela aberta a todos e todas.

Os coordinadores do club

Os/As franceses...Tamén len

O día 23 de abril tivemos no Instituto unha celebración moi especial do Día do libro.
Os convidados á sesión mensual do “Tamén len” foron os alumnos/as franceses que realizan o intercambio co noso Instituto, que nos visitaron na semana do 20 ao 24 de abril.
Na sesión de lectura participaron mozos e mozas franceses e tamén do Pedras Rubias. Léronse anacos de textos en francés, bretón, galego, español e inglés. Como podedes ver nas fotos, o salón de actos estaba petado de xente. Que grande celebración para a festa das palabras e a lectura!

Le 23 avril nous avons eu une célébration très spéciale au Collège Pedras Rubias lors de la journée du livre.
Les élèves français qui étaient en échange linguistique à Salceda du 20 au 25 avril ont été invités à cette séance mensuelle de « Eux aussi, ils lisent ». Des garçons et des filles français et espagnols ont participé à cette séance. Ils ont lu des petits extraits de textes en français, en galicien, en espagnol et en anglais. Comme vous pouvez voir sur les photos, la salle polyvalente était pleine à craquer.
Une très grande fête des mots et de la lecture !

Cres en pantasmas? Axúdanos a darlle vida a Cali!

Mañá, xoves 23 de abril, celébrase o día do libro e desde o blog da biblio queremos celebralo creando un cómic entre tod@s. Como? Pois moi fácil, abaixo tedes as primeiras viñetas. Agora, a través dos comentarios, temos que construír a historia de Calixto (Cali, para os amigos). Só hai que ler o que haxa e seguir o fío engadindo unha frase ou un parágrafo, e a ver que sae... Nós iremos actualizando as viñetas co voso texto ata telo terminado. Contamos coa vosa participación xa que sen vós non hai historia, así que animádevos e... veña, a darlle vida a Cali...

Primavera, poesía e hormonas: Os vosos comentarios

Desde este blog queremos agradecervos a estupenda acollida que amosáchedes á entrada sobre poesía. Nótase que o das hormonas é real e non saben de idades... Así que decidimos publicar como se merecen os poemas e fragmentos que compartíchedes con nós a través dos comentarios. Moitas grazas a tod@s e seguide participando!

Open publication - Free publishing - More primavera

Mii cuentoO peRfectoO gaña o "101 palabras de amor"

¿Cómo explicar todo lo que nuestros corazones sienten en unas simples palabras? Cada mirada, cada caricia, cada beso, cada abrazo...SENTIMIENTOS...los mismos sentimientos por los que me levanto cada mañana deseando volver a verte, a sentirte junto a mi, para SIEMPRE... Tú me enseñaste a querer como nunca había querido y por eso ahora tengo miedo a que esto se acabe y a que después no pueda seguir adelante sin ti, ya que mi corazón late porque estás tú. No importa lo que piesen los demás..lo único que importa es que TE QUIERO...(L)

Como vos quedades despois disto? Mii cuentoO peRfectoO, ou sexa, Ariadna (3ºB) recibiu o xoves 2 de abril o seu premio como GAÑADORA do concurso "101 palabras de amor".

Fixeron entrega do "Vale por unha cea romántica" os maqueadores de 3ºB, Jesús e Ana.

Agora só nos queda ver con quen vai de cea... Ollo, Ari, estaremos vixiando.... e que aproveite!!

Moitas grazas a todos e todas por participar. Esperamos que sigades así.

Los pájaros prohibidos

Los presos políticos uruguayos no pueden hablar sin permiso, silbar, sonreir, cantar, caminar rápido ni saludar a otros presos.

Tampoco pueden dibujar ni recibir dibujos de mujeres embarazadas, parejas, mariposas, estrellas ni pájaros.

Illasco Pérez, maestro de escuela, torturado y preso por tener ideas ideológicas, recibe un domingo la visita de su hija Milay, de cinco años.

La hija le trae un dibujo de pájaros. los censores se lo rompen a la entrada de la cárcel.


Al domingo siguiente, Milay le trae un dibujo de árboles. Los árboles no están prohibidos, y el dibujo pasa.

El padre le elogia la obra y le pregunta por los circulitos de colores que aparecen el las copas de los árboles:

-¿Son naranjas? ¿Que frutas son?

La niña lo hace callar:

- Schhhiit

Y, en secreto, le explica:

-Bobo, ¿no ves que son ojos? Los ojos de los pájaros que te traje a escondidas.

Texto: Eduardo Galeano

Debuxos: Esther Quintas Salgado

Adicado desde o IES Pedras Rubias a Benjamín Otero, profesor substituto de Música en marzo do curso 2008-09

Primavera, poesía e hormonas.

E chegou de novo a primavera!

Hai tempo que no noso blog había un baleiro imperdoable (en realidade hai moitos): o da poesía. Pero chegou a primavera e con ela o renacer dos sentidos e a explosión das hormonas. Non, non me estou metendo con vós, aínda que vos diga nas clases que quen vos aturará cando chegue a primavera :)). Así que este é o momento para dar vía libre as endorfinas (drogas naturais que o noso corpo segrega cando estamos, ou cremos estar namorados) e disfrutar da poesía. O tema, como non, O Amor.

Facer unha escolma resulta moi díficil, cada quen ten os seus gustos, e o tema dá para moito, así que aquí vos vai unha pequena selección que queremos completar coa vosa participación. Feliz primavera a tod@s!

Open publication - Free publishing - More poemas

De vampiros a ... extraterrestres!

THE HOST (A HÓSPEDE)

"A terra ven de ser invadida..."

"Wanderer, unha alma invasora, ocupa o corpo de Melanie..."

"Melanie négase a desaparecer..."

"Jared, un humán que vive oculto..."

"As dúas acabarán compartido o desexo e a paixón por Jared..."

UN TRIÁGULO AMOROSO CON SÓ DOUS CORPOS

Xa está aquí a nova novela de Stephenie Meyer, a autora da saga "Crepúsculo". Tes curiosidade?

O señor Ibrahim e as flores do Corán

"Aos once anos, rompín o meu porquiño e fun visitar as putas."

Así comeza a historia de Momo, un rapaz xudeu, que creceu sen coñecer o cariño nin os aloumiños nin os xogos, na rúa azul do París dos anos 60 e que traba amizade cun tendeiro sufí que lle ensinará o significado da tenrura.

Entre ámbolos dous medrará unha relación que non entende de diferenzas culturais nin relixiosas. Momo aportará inxenuidade e vitalidade e Ibrahim daralle a familia que non tivo e lle ensinará a transformar a vida cun sorriso.

Se todo isto non vos anima, aínda hai outra boa nova para os preguiceiros, é moi curtiño e ten a letra grande. Vaia, que se le nun pestanexo!

Sei que algúns de vós xa o lestes e outros o estades a ler agora, así que deixádenos a vosa opinión!

Este libro de Eric-Emmanuel Schmitt tamén ten versión cinematográfica. Aquí vos deixo unha pequena mostra dalgunhas escenas (en francés, que axiña se aveciña o intercambio, e hai que ir practicando).

El lector

Escrita por Bernhard Schlink, está ambientada na Alemaña da segunda metade do S.XX, e conta a historia de amor entre o protagonista Michael Berg, de 15 anos e unha cobradora do tranvía de 36.
Esta historia pasaxeira (Hanna desaparecerá un día sen deixar ningún rastro) marcará a vida do protagonista que volverá saber dela, moitos anos despois, ao asistir aos xuizos contra criminais de guerra dos campos de concentración nazis.
É unha novela conmovedora que nos fai reflexionar sobre o amor, os principios, as relacións de poder dentro das parellas, a ética...e como trasfondo: o pracer de ler e escoitar historias.

O libro foi publicado no ano 1995 e traducido a case corenta linguas.

A versión cinematográfica estrenouse en España hai un mes escaso e ven de acadar o Óscar á mellor actriz para Kate Winslet (protagonista de Titanic).

Finis Mundi

En 3º de ESO estamos estudando en distintas materias a época histórica da Idade Media. En Lingua Castelá decidimos ler a primeira novela de Laura Gallego, Finis Mundi, que está situada nesa época histórica. Presenta moitos dos elementos característicos das obras máis recoñecidas desta autora, como na triloxía de Memorias de Idhún, pero cunha ambientación medieval que nos axuda moito a entender aquela época histórica. ¿Qué opinas desta novela? ¿Gústache o xénero da novela histórica? ¿Qué títulos coñeces? ¿Cómo valoran os profesores a novela histórica como instrumento de enseñanza nas súas clases?

Para máis información sobre autora, podes visitar: http://www.lauragallego.com/

Fernando

Concurso “101 palabras de amor”

O día 14 de febreiro (como xa tod@s saberedes) é o día de S.Valentín, día no que se celebran os sentimentos do amor e o cariño.

Pero…de onde vén esta tradición? Para os que non o saibades, e ao contrario do que pensan algúns, S.Valentín non é unha festa puramente comercial.

Esta tradición remóntase moi atrás na antiga Grecia.
Daquela existía unha lei que prohibía aos fillos e fillas casar sen o consentimento do pai, que normalmente os casaba sen pedirlle opinión á rapaza ou ou ao rapaz. Existía entón un cura que casaba clandestinamente ás parellas sen consentimento do pai, que non podía desfacer o matrimonio dado que o divorcio estaba prohibido. Este cura, chamado (como non) Valentín, vivía agochado e foi severamente castigado coa morte en canto o atoparon. Máis tarde foi nomeado santo. En canto ao 14 de febreiro, dise que foi o día do seu pasamento.

Por iso o noso instituto decidiu facer unha actividade para conmemorar este día tan especial.
Dende ¡XA! e ata o día 20 de febreiro poderedes participar no concurso para gañar… UNHA CEA ROMÁNTICA!!
Deberedes entrar no COMENTARIO desta entrada e escribir un texto sobre o amor que debe ter unha extensión de 101 palabras como máximo (non ten mínimo pero … non sexades vagos/as!!). Ao rematar de escribila, asinaredes cun pseudónimo (un nome orixinal que non sexa o voso, por exempo, Romeo). Despois tedes que entregarlle a Susana, a profe de galego, un sobre cos vosos datos (nome e curso) e por fóra o pseudónimo co que participades no concurso.
Xa sabedes, sacade o voso enxeño literario e participade… ou é que tendes medo??
Pasade un feliz San Valentín e non esquezades pór algo vermello ese día!!.

Os maqueadores/as do blog.

Por se necesitades estímulos (que non é o caso), aqui vos deixo un video sobre bicos na historia do cine, sacado dun fragmento dunha película que vos recomendo encarecidamente: "Cinema Paradiso".

Ah! un consello: parade o son do video da entrada anterior para escoitar a banda sonora, paga a pena.

Ana

Visitade co alumnado de 4ºESO Padrón e Cambados

O alumnado de 4ºESO visitou o pasado 15 de xaneiro a Casa museo de Camilo José Cela en Padrón e na vila de Cambados, entre outras cousas, a casa de Ramón Cabanillas. Se queredes coñecer máis detalles da viaxe, lede "O niño dos carrizos" de xaneiro, o nº5. Deixade algún comentario das estupendas fotos da viaxe!!

Que sabes de sexo? Os diarios vermellos de Carlota e Flanagan.

Este Nadal recuperei un libro publicado no 2006 pola editorial Galaxia na súa tradución ao galego. Trátase de O diario vermello de Carlota, escrito no 2003 por Gemma Lienas. Este libro, parello a O diario vermello de Flanagan, de Andreu Martín e Jaume Ribera, é un libro de divulgación sobre a sexualidade, escrito para adolescentes: o de Carlota conta as experiencias dende o punto de vista da moza e o de Flanagan, dende o punto de vista do mozo.
Carlota coñece na estación do metro a Flanagan, e comezan a falar. Carlota dille que vai comezar un diario vermello, onde porá as súas ideas, experiencias e esperanzas sobre a sexualidade. Flanagan decide escribir un el tamén, para ó rematalo intercambialo e comparar dúbidas e aprender xuntos. Pero a situación sáese de nai, e o que comezara como unha relación marcada por ese eixo, axiña se torna unha relación con forte cargasentimental, cos problemas que iso conleva.
Máis alá da trama, o libro tamén serve de manual. Fala extensamente de métodos anticonceptivos, tendencias sexuais, enfermidades de transmisión sexual, e da relación entre o sexo e o amor.
Ademais do diario vermello que aquí propomos (sobre sexualidade), Carlota escribe outros con distintos temas: o azul (sobre violencia de xénero) ou o violeta (sobre a situación da muller no mundo actual), mención de honor da Unesco no 2003.
Podedes consultar a obra completa da autora, opinións, premios, etc en http://www.clubcultura.com/clubliteratura/clubescritores/lienas/index.html
Se queredes afondar no tema da sexualidade, recomendamos unha páxina que está á vosa disposición para asesoramento afectivo-sexual para a mocidade: http://www.querote.org/. Nela tedes unha completa guía sobre sexualidade, anticoncepción, saúde ou orientación sexual, con información e a posibilidade de facer preguntas anónimas. Tamén podedes visitar www.alecrin.org/centroxove/centroxove.html.