1/12/11

No Día Mundial contra a SIDA recomendamos Futuro Imperfecto


O día 1 de decembro é a data na que celebramos O Día Mundial da Loita contra o SIDA. Na presente edición o lema é "Chegar a cero: cero novas infeccións por VIH, cero discriminación e cero mortes relacionadas coa SIDA". Oxalá que o lema se converta en realidade moi pronto!


E non quero deixar pasar esta data sen facervos unha recomendación literaria sobre o libro de Xulia Alonso "Futuro imperfecto". 

Xulia cóntanos en primeira persoa a súa historia e a da súa parella que morreu de SIDA hai anos e, por extensión, a historia dunha xeración que despertou á xuventude estreando democracia, que descubriron as drogas como un acto máis da liberdade que estaban a inaugurar e que se atoparon de pronto cunha enfermidade terrible e descoñecida que os diezmaba en medio da ignorancia e a discriminación. 

O texto reflicte a necesidade de Xulia de non esquecer e a arela de poder transmitirlle á súa filla a memoria do seu pai e da súa historia en común. 


É, sen dúbida, unha historia conmovedora que non sensiblera sobre os vínculos (familia, amor, amistade) que son os grandes alicerces que nos manteñen en pé e polos que merece a pena seguir adiante.

6 comentarios:

Susana dijo...

Un libro que, sen dúbida, non te deixa indiferente. Emocionoume moito. Creo que é unha excelente lectura para coñecer unha época e unha xeración así como o problema das drogas e as súas consecuencias. Moi recomendable... acompañado dun pano de man...

Yaisha dijo...

Susana como estraño las lecturas recomemdadas, el coleguio, a todos los profes. Tengo muchas ganas de haceros una visita, pero mientras tanto visito en blog y me voi informando de como van las cosas por ahí.
besos :)

Yaisha dijo...

colegio no coleguio, perdon.

Susana dijo...

Ola, Yaisha: Ven vernos cando queiras, que estamos ben cerca!! Nós tamén vos botamos de menos ;)

ana dijo...

Ademáis, ainda temos algo para devolverche :((

Elisa dijo...

As persoas só morren cando as afastamos da nosa memoria, por iso Nico segue tan vivo a través da evocación que Xulia fai del para Lucía. Novela valente, real e estremecedora.