A viaxe dun libro: Viaxe a Nepal con David Rodríguez Amil, profesor de matemáticas.

Incluímos unha nova experiencia nesta serie que denominamos "A viaxe dun libro", que desta volta nos brinda o profesor de matemáticas e incansable viaxeiro, David Rodríguez Amil, a quen agradecemos que quixera compartir con nós as súas experiencias de grandes viaxes e que, da súa man, nos levara por magníficos itinerarios en Vietnam, Etiopía, Alxeria, e agora no Himalaia. 

Deixamos un enlace á sesión do Club de Lectura que fixemos hai uns días, onde nos falou "Sobre unha montaña, un tipo e un libro". Quixemos agasallalo cun libro de viaxes de Javier Reverte sobre o Amazonas, "El río de la desolación", e cun caderno apropiado onde poida seguir a escribir os seus "diarios de viaxe". 

Mais é el quen nos fala doutro libro que viaxou con el a un dos lugares máís elevados, duros e enigmáticos...

------------------------------*-------------------------------

"Hacía ya unos cuantos meses de mi último viaje al Himalaya. Desde entonces había estado dándole vueltas a toda aquella nueva cultura que me había encontrado allí; El budismo, las montañas, la hégira del pueblo tibetano hacia otras tierras.

Una buena amiga, bastante versada en el tema, me regaló el libro para mi próximo viaje a Nepal: El tercer ojo.

En pleno invierno, en el Himalaya nepalí, el día es corto y la temperatura exterior en cada refugio es muy, muy baja. Es entonces cuando, con muchas horas de oscuridad por delante, te refugias en tu libro. Sus páginas te desvelan cosas que ves a tu alrededor, entiendes un poco mejor aquella mirada afable del pastor de yaks que te cruzaste durante la larga jornada de caminata, o la amabilidad de aquella familia que te invitó a tomar un té salado en su casa.

El libro cuenta una historia y tú la devoras. Allí, en aquella “habitación” a la ténue luz de la estufa que te calienta mientras la nieve cae en el exterior, pones cara a todos esos personajes que van apareciendo. En tu imaginación, aquel monje budista tiene la cara del dueño del refugio, el aprendiz se te antoja similar al niño que comió a tu lado rodeado por su familia. Los templos que se mencionan en el libro, las “lamaserías” están aquí, las ves, las sientes a cada paso que das. Ni siquiera tienes que imaginarte las túnicas de los monjes, las ves ahí delante de ti, las tocas, las hueles cuando se acercan a ti para saludarte o te abrazan.

En fin, cada día recreas lo que has leído de noche, o cada noche rememoras leyendo lo que te ha sucedido durante el día, el viaje aporta experiencias al libro y el libro enriquece el viaje".

                                                  Salceda de Caselas, Curso 2012-2013

Nota: Todas as fotografías de Nepal pertencen a David Rodríguez Amil.

Tamén len 50... co alcalde Marcos Besada

Para rematar este curso de interesantes sesións mensuais de lecturas e conversas compartidas con diversas persoas da contorna, e coincidindo coa sesión número 50 do Tamén Len, que mellor que volver a contar coa presenza compracida do alcalde de Salceda, Marcos Besada, que sempre tenta acudir á nosa chamada para colaborar nas actividades que lle propomos.

Foi inaugurado o acto pola música dos expertos gaiteiros Aitor e Christian, alumno e exalumno respectivamente. Seguiu a presentación feita para esta ocasión tan especial, polo verbo ilustrado de José Luis, o noso mestre-bibliotecario e artífice destas sesións que teñen tan longa vida, quen encantado segue a colaborar con nós sempre que llo demandamos.

A mención teatral ao gran Calderón de la Barca e o seu “alcalde de Zalamea” -ese drama de honor e xustiza do século XVII- serviu para  elaborar un paralelismo ou reflexión de alcalde a alcalde nestes tempos tan difíciles, a así presentar ao noso invitado.

Marcos Besada, fixo unha axeitada elección ao vir co libro de Vicente Risco, “O porco de pé”, entre as mans. Destacou esta lectura que para el é moi significativa porque fala da perda de valores desvirtuados pola ambición do diñeiro, sendo estes vicios sociais xerados polo mal uso do poder criticados con burla polo autor.

Chegado o turno de preguntas, as demandas ao alcalde dominaron a escena, que con amabilidade, humor e boas intencións contestou. Marcos Besada demostrou ser un conversador infatigable e apaixonado falando de plans culturais e educativos que defende firmemente para este municipio, promovendo unha recuperación e apertura de diferentes liñas de investigación sobre a historia local.

Grazas a todos/as pola vosa presenza e participación.

"Mutis polo foro" con Roberto uve be

O día 31 de Maio, no IES Pedras Rubias, fixemos unha homenaxe a Roberto Vidal Bolaño, representando algunhas das súas obras:  “Laudamuco, señor de ningures” e “Ladaíñas pola morte do Meco” foron fundidas para levalas a escena, ambas as dúas tratan o tema do abuso de poder; “Saxo tenor”, fala de xóvenes de barrio marxinal; “Animaliños”, está escrita en clave de comedia de veciñanza; e “Oé, oé”, obra de Maxi Rodríguez, foi traducida  por Vidal Bolaño ao galego para ser adaptada polo seu grupo de teatro no seu momento, aínda que é unha tradución non publicada.

As obras representadas son unha mestura de fantasía e realidade, comedia e traxedia. que nos convidan a rir, pasar un bo momento e compartir o espírito crítico do autor.

Así, este ano no teatro participamos unha boa chea de alumnos e alumnas enfeitizados pola transformación nosa nos outros, e pola carga de personaxes ben particulares en nós.

Tanto David Carbó, como Javi Enríquez, com eu mesmo, David Gómez, estamos cos nervios a flor de pel ante o público, a quen desexamos que se divirta con nós.

Ah!. E grazas a Fernando e Juan Carlos, polo seu aguante e entusiasmo para sacar adiante con todos nós este empeño.

Que xa van varios anos de teatro con “Mutis polo foro”!!!!

Espirais con música

Co gallo de que un dos obxectivos de Centro para este curso  é fomentar entre o alumnado o goce dos distintos estilos, xéneros, tendencias e culturas musicais, os vosos compañeiros de 3º da ESO fixeron uns traballos para a materia de Plástica, que agora están expostos preto da nosa Biblioteca Calixtina. 

Os mozos e mozas fixeron unha serie de portadas para discos (algunhas delas inspiradas en deseños coñecidos, outras en cambio inventadas de todo), baseándose para as súas composicións na estrutura dunha espiral sinxela.

Arestora, a xente mais nova non sempre se decata da importancia que tiveran no pasado as portadas dos discos, no desenrolo da cultura pop por exemplo, xa que daquela moitos grupos andaban á procura de imaxes abraiantes (fotografías, obras plásticas, fotomontaxes) que chamaran a atención e lles aseguraran un éxito de vendas. Hoxe en día, as cartelas dos CD son catro veces máis pequenas cas vellas portadas dos discos de vinilo e, aínda que seguen a ser un medio importante de atraer ao público, o seu rol é moito máis discreto.Todos os que temos certa idade lembramos a imaxe que acompañou o Sargent Peeper’s dos Beatles (logo parodiada por Frank Zappa) ou as que serviron de tarxeta de presentación ós discos dos Rolling Stones, a Creedence Clearwather Revival, Pink Floyd ou Iron Maiden.En moitos casos estas imaxes servían para identificar aos grupos ou os estilos musicais, e eran reproducidas arreo para facer gadgets (camisolas, pósters,etc.). Por exemplo, a estética futurista do tecno, ou os típicos esqueletos e criaturas infernais dos grupos heavy, ou a estética inspirada no expresionismo e o dadaísmo das portadas dos grupos punk. 

Do deseño das portadas encárganse artistas especializados, algúns deles de sona, como Roger Dean, ou o equipo Hipgnosis, e empresas adicadas en exclusiva a esta tarefa, como a británica G&L (“Garrod and Lofthouse”). Algunhas portadas foron obxecto de polémica no pasado, cegando a ser censuradas nalgúns casos, aínda que moitas destas imaxes hoxe nos resulten inocentes. Foi o que lle pasou a do disco “Two Virgins” de John Lennon e Yoko Ono, na que aparecían ambos artistas espidos. E tamén tiveron problemas ca censura outros músicos como Aero Smith, David Bowie, Prince, Scorpions ou Guns N´Roses. Moitas veces estes escándalos foran provocados a propósito polos músicos ou polas casas discográficas, como unha forma de chamar a atención e seica vender máis. De tódolos xeitos, non hai que xulgar un libro con só mirar a portada. O mesmo consello vale para os discos.

Nacho Ruíz.

Georges Moustaki, na lembranza

Sexa porque este é o ano da "Musica e as Letras" para nós, sexa porque este cantautor o merece sen máis motivo; queremos facerlle unha mención de honor a Georges Moustaki, quen coa súa voz encarnou unha época de recuperación das liberdades alí onde non as había, e de cambios proclamados por unha mocidade inqueda que defendía un  xeito de vivir e de relacionarse máis libre e menos convencional no social, pero tamén no político e na defensa da paz.

                                 

Na súa andaina vital levou por bandeira esa ansia de liberdade e a súa presenza e personalidade portaban como ninguén as brisas da riquísima cultura Mediterránea, que espallou dende a súa Alexandría natal, co aporte da súa ascendencia grega e xudea, ata o seu asentamento no París que protagonizaría o Maio do 68. Sería nese contexto onde as súas letras terían unha magnífica acollida. Porén, non deixou de amar outras culturas, como a brasileira ou a española, que tanta presenza terían na súa obra musical e poética.

Para nós, no medio da cerrazón cultural e sociopolítica do franquismo, as cancións dos máis importantes autores franceses do momento, xunto cos cantautores españois,  foron quen de canalizar as ansias de liberdade que comezaban a reclamarse neses anos. Era unha época de reivindicar poder expresarse en catalán, galego, euskera. Así foi como aprendimos de memoria letras tan significativas en calquera destas linguas, que acabaron formando parte da nosa idiosincrasia e da nosa apertura cara ao que estaba a pasar fóra das fronteiras, de tantas fronteiras.

Enlace á súa páxina oficial.

Outra Historia da Música en catro minutos

Vía Huffington Post, veño de atopar outro vídeo cunha Historia da Música resumida en catro minutos e cantada á capela polo grupo Pentatonix. Desde o canto Gregoriano ata Lady Gaga pasando polos Beatles, Aretha Franklin ou Ritchie Valens. Gústavos?

Maratón de lectura plurilingüe do Principiño na celebración do Día do libro

O venres pasado celebramos na biblioteca o Día do Libro cun maratón de lectura plurilingüe no que quixemos, ademais, render a nosa homenaxe ao libro "O Principiño" de Saint-Exupéry no seu 70 aniversario.

Decoramos a biblioteca con exemplares do libro en moi diversas linguas : galego, catalán, éuscara, castelán, francés, inglés, portugués, italiano, alemán, checo, tailandés e holandés... con variedade de formatos, incluíndo a edición pop-up e o minilibro, cadernos e postais.

Chefa, a nosa directora, deu comezo ao maratón e durante cinco horas ininterrompidas fóronse sucedendo os lectores (profes, alumnos/as, compañeiros que xa non están no Centro, persoal non docente) ao mesmo tempo que as linguas; neste caso o galego, castelán, francés, inglés, portugués e italiano, lingua coa que pechou a maratón o noso benquerido bibliotecario emérito José Luís.

Cabe destacar a gran acollida que esta actividade ten tanto entre o alumnado como no profesorado do noso IES. Sentimos que a limitación do tempo e/ou a incompatibilidade de horarios tivera deixado fóra algunhas das persoas que se tiñan ofrecido a participar e desde aquí vos damos a todos as grazas.

Deixámosvos coa lectura de Fernando, o noso Xefe de Estudos.

Maratón de lectura 2013 from biblosvivos on Vimeo.

Paseando polas nubes con Cristian Fernández

Fotografía aparecida no Faro de Vigo 18/04/2013

Hoxe clausúrase na Sala de Exposicións II do Centro Cultural Novacaixagalicia de Vigo a exposición "Paseando polas nubes". Nela recóllense 37 obras feitas por rapaces e rapazas de entre 7 e 14 anos que estiveron ingresados no Hospital Xeral, e que xiran ao redor da temática das nubes.

Esta fermosa e motivadora idea xurdiu de Julia Fernández Rodríguez, profesora da Escola de Pediatría deste hospital que non só conseguiu acercar aos rapaces ao arte senón que aproveitou as ventás da planta 14 do "pirulí" para ensinarlles a plasmar coas cores o seu desexo de liberdade, as súas ansias de esperanza.

Entre estes/as artistas atópase alguén moi especial para nós, o noso alumno, siareiro e aplicado lector, Cristian Fernández, que participou na inauguración coa lectura dun poema.

 

Fotografía aparecida no Atlántico Diario o 18/04/2013. Na imaxe da esquerda, o nos alumno Cristian Fernández.

Déixovos coas súas impresións da experiencia. Solo dicir que desde a súa volta, e co seu sorriso permanente, Cristian vai desplegando un arco da vella que reluce polos corredores do noso IES.

"Eu estiven moito tempo no hospital por culpa dun tumor e un día que no que me sentía moi aburrido, e lle dixera a miña nai para poder ir á escola do hospital, a profe nos dixo que fixeramos uns cadriños para facer unha exposición no hospital. Eu, no cadro, pintara unha casiña con xardín. Custárame moito pero ao final me saíra ben. Máis tarde, cando xa estaba na casa, un día chamaron por teléfono a miña nai a ver que tal lle parecería que eu lera unha poesía na exposición que ían facer. Cando chegamos me sorprendeu moito ver os cadros dos compañeiros e a casiña que pintara eu."

Tamén len con... Xesús Presa Vaqueiro

O pasado venres 18 tivemos novamente sesión de Tamén len no recreo. Como vén sendo costume, primeiro tivemos unha breve actuación musical a cargo dos nosos alumn@s; nesta ocasión Sandra Rodríguez fixo as veces de presentadora mentres David Gómez, ao piano, tocaba o tema "You can leave your hat on" de Joe Cocker e despois David, Emilia Fernández e a propia Sandra (voces) nos deleitaban coa súa interpretación de "Someone like you" de Adele. 

O noso convidado lector foi Xesús Presa Vaqueiro, escritor e investigador da historia local que compartiu con nós un relato breve da súa autoría titulado "La justicia poética del piso de Paca" inspirado nunha nova aparecida nun xornal a comezos do 2010, no que un piso deixado en herdanza ao Papa Juan Pablo II remata por ser vendido a unha parella gay.

O relato, que podedes ler no seguinte scribd, foi escolmado por Xesús para reivindicar o respecto e a tolerancia cara ás diferenzas.

LA JUSTICIA POÉTICA DEL PISO DE PACA by biblosvivos

Ao rematar a lectura deu comezo a rolda de preguntas: Que destacaría sobre as súas visitas ao noso Centro? Cales son os seus libros favoritos? Como xurdiu  o seu gusto pola lectura? Prefire o labor investigador ou a escritura?...

Xesús contestounos amablemente destacando a positiva impresión que sacara desta iniciativa, a receptividade e compromiso que amosaba o noso alumnado ao renunciar o seu tempo de lecer por asistir a estas sesións. Comentou tamén que el sempre fóra un lector compulsivo e ecléctico, que tiña lido de todo e que os seus gustos eran amplos e variados. Citou a Torrente Ballester, Pessoa e Hermann Hesse entre os seus autores favoritos e destacou a maior liberdade e creatividade que lle brinda a escritura fronte á regularidade da investigación.

Se queredes coñecer mellor o traballo de Xesús podedes visitar o seu blog premendo aquí.

Un luxo e un pracer contar contigo. Moitas grazas, Xesús.

Día do libro 2013

Imaxe extraída do libro "El sonido de los colores" de Jimmy Liao

Hoxe 23 de abril celébrase o Día Mundial do libro. Por razóns de organización tivemos que pospoñer ata o venres a nosa Maratón de Lectura, que este ano terá como protagonista un pequeno-gran libro "O principiño" co que conmemoraremos de paso o seu 70 aniversario. Como novidade farémolo plurilingüe, haberá lectura en galego, castelán, francés, inglés e portugués. Xa estades anotados para participar?

Ata entón, vos deixamos coa "Oda ao libro (II)" de Pablo Neruda. 

Ir a descargar

Tamén len con... Paco Jurado

Paco Jurado Besada é profesor na Escola de Música do noso Concello. Forma parte da Banda de Música de Salceda e da Banda Municipal de Ourense. 

O día 5 deste mes achegouse ata nosa biblioteca para lernos un fragmento de "Drácula" de Bram Stoker que fixo que o escoitaramos ensimesmados.

Nesta ocasión, os presentadores foron tres rapaces/as do Centro que son ou foron alumnos seus: Paloma Fernández (2ªA), José Castro (3ºA) e Jorge Cabaleiro (1ºB) que nos interpretou unha peza coa trompeta.

Unha sesión moi agradable, grazas Paco.

Sonia Freijeiro.

Encontro en torno ao Universo Hip Hop no IES Pedras Rubias

Encontro cos antigos alumnos Rubén Fandiño, manager e Roky, cantante de rap, que xunto a Miky, compañeiro de Tui que destaca como cantante e campión galego de beatbox, foron quen de facernos pasar un rato ben agradable e interesante desvelándonos as particularidades deste universo chamado Hip Hop, das que deu conta con gran claridade de ideas o verdadeiro showman que é Rubén, nunha boa  organización do acto, cunha introdución na que falou do máis significativo deste mundo que abarca música (rap, beatbox), danza (break), artes gráficas (graffiti) e un estilo de vida, un modo de ser e de estar, unhas letras con mensaxe crítica ante a realidade circundante…

Este movemento cultural e artístico nace en Nova York a finais dos anos setenta e principios dos oitenta, nun ambiente urbano desfavorecido, e pronto vai ter unha gran aceptación entre os xoves inquedos da periferia das grandes cidades.

Tocoulle o turno a Miky para explicar os misterios do Beatbox e demostrarnos a súa habilidade para facer ruídos coa boca. A orixe desta serie de efectos sonoros, como se dun home orquestra se tratara, parte de formas ancestrais, do canto harmónico mongol, etc. e no beatbox van tomando unha forma relacionada co universo hip hop. Ë unha percusión bocal: platos, caixa… que se van combinando. Pero tamén se pode unir o canto cos ritmos beatbox, incluso percutir a lingua co padal para facer a gran velocidade efectos incribles e de gran efectividade. O beatbox está sendo considerado agora o quinto elemento do hip hop. É xa unha comunidade e ten o seu oco gañado. Pero xa Boby McFerrin, Michael Jakson, ou W. Smith  xa facían beatbox. Así o beatbox é máis que hip hop, esténdese a diferentes influenzas.

Non se poden facer máis de dous sons á vez, só que se fan a gran velocidade, entón semella que se multiplican.

Comentounos que el empezou a aprender esta técnica con titoriais, comezando de cero el só e practicando e practicando, pero coa vantaxe de que tamén ten coñecementos musicais académicos.

Aínda quedaba a intervención de Roky, cantante de rap, quen nos comentou como foi a súa experiencia con este medio de expresión musical e puidemos escoitar algunha das súas composicións, con letras comprometidas, de protesta, en galego e tamén en castelá, e con temáticas cercanas da nosa realidade. El goza creando as letras, namentres do acompañamento musical ou das bases para os seus temas se ocupa Jacobo Curto.

Rematamos cunha improvisación a dúo de Roky e Miky, que se atreveron “a pelo” cun tema do primeiro e sons beatbox de Miky.

Todo estivo animado e ilustrado con videos de:

-Universo Hip Hop. 

-Resumen official Salceda Hip Hop 2011. No que se mostra a Festa Hip Hop de Salceda que leva varios anos facéndose en verán e da que vos deixamos este vídeo.

Sesión de Cinema...

Sesión de Cinema é o nome elixido para agrupar as actividades feitas no noso instituto ao redor do visionado de filmes. Animádevos a deixar os vosos comentarios na entrada de cada sesión, a modo de críticas de cinema. Pois existe a posibilidade de abrir unha sección de Crítica cinematográfica coas vosas aportacións na revista que se editará a fin de curso.

                              Silencio, ródase, cámara, acción ...

Sesión de Cinema: Billy Elliot

FICHA TÉCNICA: BILLY ELLIOT

                                                                                       

TÍTULO: Billy Elliot

DIRECCIÓN: Stephen Daldry

GUIÓN: Lee Hall

PRODUCIÓN: Greg Brenman, Jon Finn

FOTOGRAFÍA: Brian Tufano

MONTAXE: John Wilson

MÚSICA ORIXINAL: Stephen Warbeck

DIRECCIÓN MUSICAL:

COREOGRAFÍA: Peter Darling

ACTORES: Jamie Bell (Billy Elliot), Julie Walters, Gary Lewis, Jamie Draven                

XÉNERO: Comedia social

PAÍS: Gran Bretaña

ANO: 2000

LINGUA: inglés, dobrada ao castelá.

DURACIÓN: 112 min.

PREMIOS:

·                    2000: 3 Nomeamentos ó Oscar: director, actriz de reparto (Julie Walters) e guión orixinal.

·                    2000: 2 nomeamentos ó Globo de Ouro: Mellor filme - drama e actriz secundaria.

·                    2000: 3 premios BAFTA: Alexander Korda, actor e actriz. 13 nomeamentos.

·                    2000: Nomeada ó Premio Goya: Mellor filme europeo.

·                    2000: Nomeada ó César: Mellor filme estranxeiro.

·                    2000: Nomeada ó David de Donatello: Mellor filme estranxeiro.

·                    2000: National Board of Review: Meellr actor revelación (Jamie Bell).

ARGUMENTO:

En 1984, durante unha folga de mineiros no condado de Durham, sucédense os enfrontamentos entre piquetes e policía. Entre os mineiros máis exaltados están Tony e o seu pai. Este empeñouse en que Billy, o seu fillo pequeno, reciba clases de boxeo. Pero, aínda que o rapaz ten un bo xogo de pernas, carece por completo de pegada. Un día, no ximnasio, Billy observa a clase de ballet da señora Wilkinson, unha muller de carácter severo que o anima a participar. A partir dese intre, Billy adicarase apaixonadamente á danza.

CRÍTICAS:

Emotiva comedia dos produtores de “Catro vodas e un funeral” e “Notting Hill”, que acadaron o seu obxectivo ao obter 3 nomeamentos aos Oscar e convertirse no éxito internacional do cinema británico no ano 2000. Divertida e conmovedora a ratos –atención á escena do pai indo á mina- consegue ese toque de complicidade que os filmes ingleses regalan de cando en vez. Non a perda. (Pablo Kurt: FILMAFFINITY)

Emotiva, divertida e sensible, aínda que rubricada por un epílogo innecesario.”(Lluís Bonet Mojica: Diario La Vanguardia)

Estupendo drama, salpicado con toques de comedia costumista (...) Unha delicia”. (Miguel ángel Palomo: Diario El País)

O último peliculón do cinema sociall británico. Quen non chore, ten horchata nas veas”. (Javier Ocaña: Cinemanía)

CURIOSIDADES:

No 2001, o escritor Melvin Burgess foi elixido para escribir unha novela baseada no guión do filme, escrito por Lee Hall.

CUESTIÓNS:

1.Tema

2.Argumento

3-Caracterización de personaxes principais

4-Conclusión e valoración persoal